انا والــ 516 ( تقرير تفصيلى للتنين الصينى )

[mnet]

موضوع رائع ومتكامل - شكرا جدا
بس انا لي استفسار -- العربية عملت حركة كده معايا مع العلم اني لسه عامل 3200 كم فقط -- وانا ماشي فجأة كأني مش دايس بنزين ومافيش سحب إلا لما نزلت لغيار أقل مع العلم إن العربية كانت ماشية علي سرعة عاليه علي الغيار الرابع واتكرر الموضوع مع الغيارات الثاني والثالث مع العلم إني كنت موفي الغيار سرعته يعني مكنتش مثلا ماشي علي سرعة بطيئة مع غيار عالي عشان يحصل كده --
كمان كنت لسه ممون بنزين 92 يعني البنزين مش 90 حتى عشان يعمل كده
لو حد عنده فكرة ممكن يكون ايه السبب ؟؟...
أنا لسه ما رحتش التوكيل بس لحد ما أروح ياريت حد يفيدني إذا كانت المشكلة دي قابلته أ, يعرف لها حل ؟

[luaai]

المشاركة الأصلية كتبت بواسطة mnet موضوع رائع ومتكامل - شكرا جدا بس انا لي استفسار -- العربية عملت حركة كده معايا مع العلم اني لسه عامل 3200 كم فقط -- وانا ماشي فجأة كأني مش دايس بنزين ومافيش سحب إلا لما نزلت لغيار أقل مع العلم إن العربية كانت ماشية علي سرعة عاليه علي الغيار الرابع واتكرر الموضوع مع الغيارات الثاني والثالث مع العلم إني كنت موفي الغيار سرعته يعني مكنتش مثلا ماشي علي سرعة بطيئة مع غيار عالي عشان يحصل كده -- كمان كنت لسه ممون بنزين 92 يعني البنزين مش 90 حتى عشان يعمل كده لو حد عنده فكرة ممكن يكون ايه السبب ؟؟... أنا لسه ما رحتش التوكيل بس لحد ما أروح ياريت حد يفيدني إذا كانت المشكلة دي قابلته أ, يعرف لها حل ؟

غالبا بنزين مغشوش

[crime]

الله عليك
ايه الشفل العالى اوى ده انت كنت مترجم المهندس الصينى وهوا بيشرح العربيه صح قول اعترف بالحقيقه الانكار مش هايفيدك
بس والله العظيم برنس وتستاهل مليون من عشره موضوع هايل ومجهود هايل ومزاج عالى

تقبل تحياتى

[مصطفى عبدالحافظ]

تقرير رائع وجميل بارك الله فيكم ...لكن عندى سؤال وهو عند بدايه تشغيل السياره أسمع صوت (تكتكه)وبالتتبع وجدت ان الصوت صادر من علبه أسفل التابلوه ووجدت بها فيشه وعند فصل هذه الفيشه أختفى الصوت الذى يستمر لمده نصف دقيقه وبالبحث عن وظائف السياره فى حال فصلى لهذه الفيشه وجدتها كلها تعمل !!!أرجو التكرم بمعرفتى بما هى هذه العلبه ووظيفتها وكيف أجعل السياره بدون هذا الصوت عند توصيلى للفيشه كما كانت؟؟ولكم كل الشكر والاحترام

[mohm_016]

انا بئاللى أكتر من شهر والله بدور وأسأل عاوز استقر على عربية اشتريها والعربية دى عجبانى والله وبرغم كل المشاكل اللى فيها الا ان فى مشكلة واحدة هى اللى قلقانى جدا جدا جدا وهى علو صووت الموتور دا ووهى جديدة امال لما عدى عليها 5 أو 6 أو 7 سنيين هيبئا عامل ازاى ورغم ذلك اريد منك نصيحة لوجه الله اشترى العربية دى ولا لأ ؟علشان زهقت من كتر البحث عاوز استقر على حاجة بئا وشكرا على مجهودك الرائع