إحذر : الطريق الساحلي الدولي من بلطيم إلي رأس البر

[نبيل عبدالرحمن]

تم الإنتهاء من إصلاح الطريق الدولى فى المسافة من البرلس الى جمصه ولكن أحترس فقد تم وضع كمين رادارى عليه وما زال السفر على هذا الطريق ليلاً مخاطرة لعدم وجود الإضاءة الكافية عليه ولغياب الوجود الأمنى وعدم كفاية مراكز الخدمة والإسعاف

[SHERIF MARLBORO]

اهو انا بقى برحان فيكم اوى بصراحةبتريحونى علشان انا شغلى كله عليه و بمر بيه شبه يومين من ادكو لحد الصحراوى !!
و ياريت متمشوش منه خالص ولا بليل ولا الصبح
هو بصراحة طريق رخم و امل ما دوست فيه كنت مرعوب بس هما فى الجزء من ادكو لغاية اسكندرية زى الفل و مفهوش مطباط ولا انوار بس فيه كوبرى بعد ادكو شوية كل التوصيلات اللى موصله اجزاءه مطبات بعمق 50 سم تقريبا غير كده اطمنى و امشوا فى الحارة اللى فى النص و الشمال و بلاش اليمين و ربنا يكفينا شر الحوادث

[mr mohamed]

واخبار الطريق ده ايه دلوقت
انا عاوز اروح بلطيم من القاهرة
ومش عاوز اروح من الطريق الزراعى (طنطا- كفر الشيخ- بلطيم)

[نبيل عبدالرحمن]

الطريق الآن ممتاز نهاراً ولكن بالليل زى ماهو إظلام تام مما يعطى الفرصة للبلطجية إنهم يشوفوا شغلهم

[hambosi]

السلام عليكم و رحمة الله و بركاتة
احب اوضح للسادة اعضاء المنتدى و الزائرين انا كل اسبوع باخد الطريق ده من الاسكندرية للقنطرة
الطريق اتحسن جدا عن الاول بس هناك بعض الاخطاء الفنية فى طلعات و نزلات الكبارى و خصوصا من اول دمياط الجديدة لغاية دخلة الاسماعيلية فعلى الجميع الحذر من مطالع الكبارى و المنازل بتاعتها
الانارة لسه منعدمة على الطريق عدى جزئ فى جمصة و جزئ فى بلطيم و من بعد رشيد حتى نزله الاسكندرية الزراعى
فبرجاء عدم القيادة ليلا
عدم وجود خدمات على الطريق الا فى جمصة محطة بنزين واحده
لا تقف لاى بنى ادم على الطريق سواء صباحا او مساءا
لا يوجد على الطريق اى كماين من بورسعيد حتى الاسكندرية عدا مخرج الجميل ببورسعيد
نقطة التفتيش الامنى قبل كوبرى رشيد و بعد كوبرى رشيد غير كدا مفيش
اسف على الاطاله