بخلص فى اوبل فيكترا كنت عاوز ارائكم

[mostafamoner]

المشاركة الأصلية كتبت بواسطة mr_astra الفيكترا اللى بتتكلم عليها اسمها فيكترا B لان نزل قبلها فيكترا A ونزل بعدها فيكترا C امتى بقى نزلت العربية دى فى مصر فى سنة 1996 واشتركت فى الموديل دة مع الفيكترا A ونزل منها نوعين من سنة 1996 الى سنة 1999 نوع 1600 سي سي ونوع 2000 سي سي الـ 1600 نزلت مانيوال فقط اما الـ 2000 نزل منها اوتوماتك لكن الـ 1600 و الـ 2000 كانو بنفس الموتور (الموتور الاسود ) واختلفو بس فى السعة اللترية الموتور دة قول زى ما تقول فية من تحمل وقوة وجرى وهرى (غسيل ومكوة ) لكن عيبة انة ملوش قطع غيار جديدة ومفيش منة استيراد نهائي لانة منزلش فى دول اوربا واعتقد نزل فى البرازيل فقط واحنا اتفقنا ان شكل العربية واحد انما العفشة ممكن تكون مختلفة شوية ما بين الـ 1600 و الـ 2000 من سنة 2000 الى سنة 2003 منصور افندى عمل اية بقى غير شكل العربية من برة لكن تغيير بسيط جدا وسماها فيكترا B2 غير فى شكل الاكصدام الامامى والخلفى غير شكل الفوجات عمل عتب فى العربية ونزل العربية بـ 3 فئات الفئة الاولى 1600 مانيوال وهى هى نفس الفيكترا B حتى الموتور الفئة التانية 1600 اوتو ودى الناس بتحبها اوى بس انا لا ونزل فيها الموتور اللى بينزل فى الاسترا البرازيلى 1600 اوتو بس الموتور دة انا مبحبوش خالص الفئة الثالثة 2000 اوتو ودى بقى احسن حاجة فيهم ( من وجهه نظرى ) موتور 130 حصان وكلام حلو اوى بقى وعربية فعلا تستاهل وزنها دهب لكن الموتور دة حساس اوى وبيحتاج صيانة دورية باستمرار وعلى فكرة الموتور دة متاخد منة للدايو ليجانزا وعدلو فية شوية ومشو دايو نوبيرا عموما بقى سعر الاوبل متفاوت جدااااااا انما الفئة اللى حضرتك بتتكلم فيها اللى هى فيكترا B 1600 مانيوال سعرها للحالة الكويسة اوائل الخمسينات وتعالى نتفق ان زمن المثالية راح ومحدش بيبيع عربيتة او بيطلب فيها اقل من تمنها المتعارف علية الا لو كانت فيها مشاكل وحتى لو فيها مشاكل الناس بتطلب السعر المتداول طب لية بقى العربية دى اقل من سعر السوق هاسيب الاجابة لحضرتك ومش عاوزك تتغر فى شكل العربية لان الاوبل بالزات القالب بتاعة مهما كانت حالة العربية وحشة بيفضل ماسك نفسة وتحس انها واقفة وشدة حلها اتانى وثق تماما ان محدش اهبل النهردة او انكة يبيع عربية وعشان خطرك انت هاينزل من تمنها بالتوفيق .....اسف على الاطالة

بقالى عشرة ايام بدور فى المنتديات وعلى جوجل معرفتيش ربع المعلومات دة بجد جزاك الله كل خير ومشكور على المجهود دة كله وربنا يجعله فى ميزان حسناتك بحاول بقالى يومين اشكرك بس الكهرباء مش مديانى فرصة بتقطع 7 مرات فى اليوم كل مرة ساعة ونص ساعتين انا حاولت اتاكد من حالة العربية اكتر من مرة رشة برة ماعدا السقف مغيرة رفرف فريكة جوا الماتور تقريبا 90 فى الميه كفاءة العشفة حوالى 80 فى الميه التكييف شغال الabs شغال النقل بتاعه كويس دائرة التبريد كويسة بس برضه مقلق اخلص فيها وقدامى جوليت 2004 مطلوب فيها 49000 وبفكروبقارن بين الاتنين رغم ان الفرق بينهم واضح كورى والمانى بقى وعملت بنصاحيتك ياباشا ومتأنى على الاخر رغم انى نفسى اشترى امبارح قبل النهاردة

[mostafamoner]

[QUOTE=amr elsisi 1;979080]اية الكلام الكبير دة يا استاذ محمد
الي صاحب الموضوع لو انت من القاهرة ابعتك لناس متخصصة في الاوبل
بلاش ميكانيكي عادي يكشف عليها[/QUOTE

مشكور على الاهتمام والرد ياباشا ولو هخلص فيها هقولك واروح للناس اللى انت بتقول عليهم ومشكور جداااا ياكبير والف شكر لكل اللى اهتم ورد وجزاكم الله كل خير

[mr_astra]

رشة برة ماعدا السقف مغيرة رفرف فريكة جوا الماتور تقريبا 90 فى الميه كفاءة العشفة حوالى 80 فى الميه التكييف شغال الabs شغال النقل بتاعه كويس دائرة التبريد كويسة بس برضه مقلق

اولا مفيش شكر بين الاخوات
ثانيا رشة برة دى ولا تهمنى فى حاجة خصوصا فى اوبل لان البوهية بتاعة العربية دى لوحدها بتبوظ من الشمس وهتلاقى عربيات 2005 الكابوت والسقف بايظ من الشمس

ثالثا ودة المهم لو انت متاكد من الاقتباس بتاعى اللى فوق
اتكل على الله وخد العربية دى
ونصيحة خليك متابع مع اخونا الفاضل / عمرو السيسي

المشاركة الأصلية كتبت بواسطة mr_astra السعر اقل من الطبيعى شيك عليها كويس والعربيات دى لو سلمية احسن من الجديد شيك على التكييف جهاز الـ ABS مهم اوى يكون شغال العفشة طبعا وحالة الموتور ودايرة التبريد

[mr_astra]

وادى كمان اهو يا سيدى استاذنا كلنا شرف الموضوع
يبقى خلاص الراى الاول والاخير لة
cars admire