الله يقطع التجار وسنينهم

[ahmed el gendy]

يا جدعان بجد نصيحه لوجه الله بلاش حد يفكر يروح يبيع عربيته اطلاقا ف سوق الجمعه خااااااااااااااااااااااال ص بجد بجد كل اللي هناك تجااار هيعقدوك ف عيشتك ويكرهوك ف عربيتك باي طريقه وكل اللي بيعملوه بيفطسوا ف سعر اي حااااجه باي حاجه واي حجه

عربيتي كورولا موديل 93 العربيه حالتها ماشاء الله موتورماشاء الله وعفشه ولا نص كلمه نيجي بقي لموضوعنا تلاقي التاجر من دول بيعاين العربيه لا بيفتح موتور ولا بيجرب عفشه كل اللي بيعمله يعاين الاساسيات ماشي يا عم الحاج حقك ما اقدرش اتكلم يجي يقولك العربيه دي راااااااااااشه دوااااااااااااااااااااااا خل يا نهار ابوك اسود فين الدواخل اللي رشاها يقولك الشنطه مرشوشه طب فين ياعم يقولك اهه ياعم طب هات مسمار وطلع لي المعجون يقولك راااشه برده ياعم طب اللي بيني وبينك ايه البنزينه ارفعها وشوف فيه لحام ولا لا يقولك راشه برده ياعم دا السمكري بتاعي فك العربيه كلها وهي بتجدد وبيقولي بسم الله ماشاء الله بنت بلادها والبلاك بتاع بلادها فيها يقولك برده راشه اسكت هاقوله له ايه ما هو قفل ومش عاوز يفهم يجي بعد كده يقولك الشنطه كانت واخده خابطه من وره ومردوده طب وماااله مش اتردت من غير ما تأثر ع الاساسيات وبعدين دي ممكن تسميها ترييحه بس جامده حبه يقولك مفيش الكلام ده العربيه الفبريكه ما فيهاش الكلام ده

يجي بعدها بشويه يفتح الباب الخلفي يلاقي البطيخه اللي بتكون فوق الفرده الخلفيه مرشوشه يقولك اهه راشه دواخل اقوله نعم يا خويا هو دي دواخل دي البطيخه اللي فوق الفرده يعني مكان للبرومه والصدأ وطبيعي جدااا مع مرن الزمن تترش وبعدين دي مش اساسيات العربيه يقولي لالالالالالا ما ترشش

انا طبعا عمال اتصدم من كل كلمه والتانيه وخلاص سكت وعرفت ان العربيه البيه حالتها مش عجباه وطبيعي انه يمشي افاجيء بيقولي العربيه دي عدلها بالصلي ع النبي 30 الف اقوله نعم يقوم يقولي وعشان فيها رخصه سنتين يبقي هازودك باكو طبعا استغربت ع الاخر فحت وردم وحفر عربيه فيها كل حاجه زي الزفت راشه شنطه علي كلامه وانا واثق انها مش راشه شنطه خااالص و راشه بطيخه بس حمرا مش بيضاء ومخبوطه خابطه من ورا واخدها تعمل بيها ايه طبعا سألته قالي بغضب وانت مالك بقي يا استاز ده شغلنا واحنا ادري بيه طبعا اتنرفزت وقلت له انت جاي تشتري ولا تفطس قالي انت صعب قوووي وكلمنجي وبترد عليا الكلمه بعشره
هتخلص العربيه دي علي كام قلت له ليك انت ب 50 الف ولاي حد تاني بيشتري بضمير ببلاااااااااااااااااااااش

[samirayad]

ولاي حد تاني بيشتري بضمير ببلاااااااااااااااااااااش <!-- / message --><!-- مواضيع العضو بوست بت -->

أنا شارى بضمير

[ahmed el gendy]

المشاركة الأصلية كتبت بواسطة samirayad أنا شارى بضمير

اتفضل يا بشمهندس والله ما تغلي عليك خااالص وانا عند كلمتي

[samirayad]

المشاركة الأصلية كتبت بواسطة ahmed el gendy اتفضل يا بشمهندس والله ما تغلي عليك خااالص وانا عند كلمتي

الله يخليك

دا أنا أزودهالك

أنا بس حبيت أخرجك من موجة الغضب

التى واجهتك فى سوق الجمعه

فلو عاوز تبيع

خليك مع معارفك أفضل

طالما حالة السياره كويسه

---------------------

علشان تبيع الحاجه بتوبها ....وبالأصول

[kimo10]

رشة البطيخة دة تعيب العربية بصراحة
بس حضرتك ممكن تعرف سعر سيارتك من خبراء المنتدى
واعتقد ان يقدروا يقولك سعرها كام بما يرضى الله