العودة   مصر موتورز مجتمع السيارات > سوق السيارات فى مصر موتورز > سيارات مستعملة للبيع > سوق قطع الغيار

سوق قطع الغيار محلات بيع قطع الغيار جديدة و مستعمله و أسعارها


مشاهدة نتائج الإستطلاع: هل توافق على الفكرة وتنفيذها عمليا
اوافق 5 83.33%
اوافق مع تحفظ 1 16.67%
لا اوافق 0 0%
المصوتون: 6. أنت لم تصوت في هذا الإستطلاع

إضافة رد
 
أدوات الموضوع
  #1  
قديم 25-12-2010, 06:05 PM
didos didos غير متواجد حالياً
 
تاريخ التسجيل: Aug 2010
المشاركات: 313
didos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud of
افتراضي حد عايز قطع الغيار باسعار الجملة والمصنعيات كمان

بسم الله الحمن الرحيم

طبعا كلنا بنحتار فى قطع الغيار بسبب المضروب وتفاوت الاسعار وتلاقى واحد شارى مساعدين ب250 جنيه وحشة والتانى شاريها ب 150 وممتازة المهم بقالى اسبوع بفكر ووصلت لحل انا بعمله فى حياتى الخاصة
لما بنكون داخلين على رمضان مثلا بروح اشترى 500 كيلو ارز و 20 كرتونة مكرونة وكده يعنى وبنقسمهم بينا انا وكل العيلة تفاجا يقف علينا كيلو الرز ب 2 جنيه والمكرونة ب 1.4 قرش واسعار وهمية وطبعا بننقى النظيف كمان علشان بناخد جملة

طيب اللى هايحصل كالاتى
1- سيتم تقسيمنا لمجموعات حسب تخصص المحلات يعنى مجموعة للادا والفيات والشاهين وواحدة للدايو والهيونداى الخ
تحديد مكان وموعد لكل مجموعة كالاتى
مساحته كبيرة
مكان للركنة باعداد كبيرة

اعتقد كافتيريا او قهوة هاتكون ممتازة وتتم المقابلة مثلا كل يوم جمعة الساعة 5 والتحرك الساعة 6
طبعا اول اسبوع هايبقى صعب فى التعارف والتنظيم وبعد كده اتوماتيك كل واحد محتاج حاجة لعربيته حايروح هناك الساعة 5 من غير حتى اتصالات

2- يتم الاتفاق على مجموعة من المحلات 4 او 5 محلات موثوق فيهم جدا وبتوع جملة والاتفاق معها وبعد كده كل اسبوع سيتم تجميع الطلبية اللى اكيد هاتكون كبيرة مع العدد بكام الف كل مرة واخذ عروض سواء عن طريق الاتصال او اتنين من المجموعة يروحوا يسالوا وطبعا عند اى تاجر هانكون فرخة بكشك وبيعة مابياخدهاش محل منه والافضل سعرا ونوعية يتجاب من عنده الحاجة كلها شروة واحدة فى كشف حساب واحد ونقسمها على بعض بعد ما نمشى

3- الاصناف التكرارية مانستناش لما كل واحد يحتاج لا نجيبها مرة واحدة يعنى مثلا 50 ابلاتين و 50 كوندينسر و 50 طقم بوجيهات وطبعا كلنا بنحتاج نغيرها دوريا او 200 جلبة مقص والخ وفرق الاسعار بيكون خيالى فى الجملة وممكن نشترى من المستورد مش محل

4- قطع الغيار الاستيراد مافيش حاجة اسمها شراء قطعة لا نجمع واحد عربيته مخبوطة ومحتاج رفرفين وستارة والتانى محتاج اكصدام والتالت محتاج موتور والرابع كبالن والخامس تابلوه الخ وناخد عربية نصين وصدقونى اسعار العربية كااااااااملة نصين تبدا من 2500 جنيه بس دا فى الجملة

5 - بالنسبة لشغل المصنعية اللى كل مده يتم الاتفاق كل مده بين كل المجموعات وده الوحيد اللى نروح كلنا تخيلوا منظر سمكرى داخل عليه 15 عربية بيقولوا عايزين نعمل سمكره ساعتها لو قلناله هانديك 5000 جنيه مثلا هايرقص ع الكبوت وفى نفس الوقت العربية تقف ب 400 جنيه ولا سروجى ورايحين نجيب 150 متر جلد الخ

زى ماقلت الموضوع هايكون صعب اول مرة بس بعد كده سهل جدا واللى فاكر انه كده بيضيع وقت لا انت ممكن تقعد يومين تلف علشان تجيب سعر حلو فى كرونة مثلا انما كده بالتليفون الاسعار كلها وساعة و الحاجة تبقى معاك غير طبعا لو اى منتج معيوب التاجر مايقدرش يخسرنا بسببه هايغيرهولك فى ساعتها
ارجو من الجميع المشاركة فى الاستطلاع لتعم الفائدة
اتمنى اكون قد افدت
رد مع اقتباس
  #2  
قديم 29-12-2010, 04:44 AM
didos didos غير متواجد حالياً
 
تاريخ التسجيل: Aug 2010
المشاركات: 313
didos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud of
افتراضي رد: حد عايز قطع الغيار باسعار الجملة والمصنعيات كمان

هوا للدجة دى الفكرة اللى طرهتها فاشلة وماحدش رد !!!!
رد مع اقتباس
  #3  
قديم 29-12-2010, 05:15 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: حد عايز قطع الغيار باسعار الجملة والمصنعيات كمان

انا بتكلم عن نفسى صعب اوى الموضوع ده وان كان تفكيرك بالشكل ده شىء ممتاز وايجابى بس واقعياًَ صعب
انا مثلا عايز جوز كبالن وتيل وشوية حاجات بقالى يمكن شهرين ومكسل اجيبهم وكل يوم اقول بكره اروح علماً بانى عارف الاماكن وكل حاجة بس كسل ومشاغل فصعب اتربط كمان بحد تانى

من ناحية تانية ممكن انا مثلا ابقى عايز اجيب اكصدام انزل اجيبه جديد الاقى غالى اقول اشتريه استيراد او حتى ما اجيبهوش واصلح القديم ساعتها هقولكم متعمولش حسابى فى الاكصدامات

صعب اوى تنظيم حاجة بالشكل ده ان لم يكن مستحيل والمجهود اللى هيتعمل فى تنظيم حاجة زى كده مين هيتولاه وهيبقى المقابل بتاعة ايه خاصة ان حاجة زى كده بالشكل ده هتبقى مرهقة جدا جداً ومحتاجة تفرغ

لكن لو على الخصومات ممكن اى حد فينا يلاقى موزع قطع غيار اسعارة كويسه وقبل الاسعار حاجتة كويسه ومبيشتغلش فى قطع مضروبة اقولة اعرفه بالموقع واعرض عليه انه يدى للاعضاء عروض وخصومات ويكسب فى المقابل دعاية ليه على الانترنت من خلال موقعنا واعضائنا
وده اللى احنا بنعملة فعلاً الحمد لله
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #4  
قديم 29-12-2010, 10:17 AM
مهند سالم مهند سالم غير متواجد حالياً
من انا؟: أعشق السيارات من صغري، ولهذا تعلمت القيادة سريعا
التخصص العملى: باحث شرعي ولغوي
هواياتي: طبعا أحب السيارات، جيدا جدا في لعبة الشطرنج، جيد في البنج بونج
 
تاريخ التسجيل: Feb 2010
الموقع: في شبرا
المشاركات: 1,300
مهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond repute
افتراضي رد: حد عايز قطع الغيار باسعار الجملة والمصنعيات كمان

ردك ممتاز يا أبو نورة، وطبعا فكرة الأخ العزيز فيها كثير من حب الخير للغير، بس طبعا الواقع مختلف.
رد مع اقتباس
  #5  
قديم 01-01-2011, 05:53 AM
didos didos غير متواجد حالياً
 
تاريخ التسجيل: Aug 2010
المشاركات: 313
didos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud ofdidos has much to be proud of
افتراضي رد: حد عايز قطع الغيار باسعار الجملة والمصنعيات كمان


المشاركة الأصلية كتبت بواسطة AboNoRa مشاهدة المشاركة

انا بتكلم عن نفسى صعب اوى الموضوع ده وان كان تفكيرك بالشكل ده شىء ممتاز وايجابى بس واقعياًَ صعب
انا مثلا عايز جوز كبالن وتيل وشوية حاجات بقالى يمكن شهرين ومكسل اجيبهم وكل يوم اقول بكره اروح علماً بانى عارف الاماكن وكل حاجة بس كسل ومشاغل فصعب اتربط كمان بحد تانى

من ناحية تانية ممكن انا مثلا ابقى عايز اجيب اكصدام انزل اجيبه جديد الاقى غالى اقول اشتريه استيراد او حتى ما اجيبهوش واصلح القديم ساعتها هقولكم متعمولش حسابى فى الاكصدامات

صعب اوى تنظيم حاجة بالشكل ده ان لم يكن مستحيل والمجهود اللى هيتعمل فى تنظيم حاجة زى كده مين هيتولاه وهيبقى المقابل بتاعة ايه خاصة ان حاجة زى كده بالشكل ده هتبقى مرهقة جدا جداً ومحتاجة تفرغ

لكن لو على الخصومات ممكن اى حد فينا يلاقى موزع قطع غيار اسعارة كويسه وقبل الاسعار حاجتة كويسه ومبيشتغلش فى قطع مضروبة اقولة اعرفه بالموقع واعرض عليه انه يدى للاعضاء عروض وخصومات ويكسب فى المقابل دعاية ليه على الانترنت من خلال موقعنا واعضائنا
وده اللى احنا بنعملة فعلاً الحمد لله
اولا انت اخ فاضل ولازم احترم رايك لكن اسمحلى مش كل الناس مش فاضية او بتكسل وحتى لو هايكون فيه معاد ومكان ثابت اسبوعيا اللى فاضى وليه مزاج يروح واللى مش محتاج حاجة مش لازم يروح يعنى لو الفيق ده مثلا 100 واحد كلهم هايروحو اول مرة بس وبعد كده هتلاقى 10 ولا 20 رايحين اللى محتاجين حاجة للعربية دانا لما بروح مع صحابى نشترى هدوم كلنا لو احنا 6 واشترينا هدوم ب 2000 جنيه ممكن بنخصم منهم 600 ولا 700 اقل شئ
اما موضوع المحلات والعروض فعمرك اطول من عمرى لانى والله لسة مفكر فيه بس قلت ناخد راى الادارة ولو كده ايدى على كتفك ويكون المنتدى ليه مندوبين لمحلات لاقناعهم بالاشتراك فى المنتدى وتقديم عروض والموضوعين دول مع بعض هايفروا ملايين على المدى البعيد للالاف من الاعضاء اللى موجودين
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:50 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017