الفاتورة الضريبية شرط لترخيص السيارة الجديدة !!

[waleed_d82]

ما نشر بجريدة الاهرام بملحق السيارات اليوم الموافق الجمعه 13 / 4 /2012 م بالصفحه الاولي تحت عنوان "" الفاتورة الضريبية شرط لترخيص السيارة الجديدة "" والموضوع كالتالي :
تسود حاله من الارتياح بين وكلاء وموزعي السيارات بعد التنبية علي وحدات المرور بضم الفاتورة الضريبية ضمن مستندات ترخيص السيارات الزيرو حفاظا علي حقوق الخزانه العامة فقد أكد أحمد ريان أن القرار سيحمي السوق من الدخلاء ويقضي علي العشوائية الموجودة بالسوق ويضاعف ايرادات الدولة ويحد من التهرب الضريبي ويسهم في زيادة الشفافيه بين الموزعين المعتمدين والوكلاء من حيث الإلتزام بأسعار البيع وقال الدكتور صلاح الكموني أن المستهلك لم يكن يعلم الفارق بين المبايعة والفاتورة وسيظهر حجم التعاملات الفعلية وتزيد حصيلة الدولة وأوضح عمر بلبع رئيس شعبه السيارات بغرفة التجارة أن القرار كان يحتاج إلي توعية قبل تفعيله حتي لا يكون مفاجأة مثلما حدث بالسوق برغم انه قرار ايجابي .
وقال حسن سليمان رئيس الشعبه العامه للسيارات بالاتحاد العام للغرف التجارية ان القرار يهدف الي استقطاع قيمه ضريبة المبيعات بواقع 10% علي هامش الربح للسيارة مما يسهم في زيادة حصيلة الخزانه العامة للدولة ونفي حسني غرياني نائب رئيس شعبة السيارات بغرفه القاهرة أن يكون للقرار اي تأثير علي زيادة اسعار السيارات مستقبلا ...




طيب الي عايز اعرفو الـ 10% حتكون فوق سعر العربية ولا ضمن سعر العربية يعني لو العربية سعرها 100000 يبقي حدفع 110000 ولا حدفع بردة 100000 ؟
ولو كان الزيادة في الضريبة ضمن سعر السيارة يبقي لازم اسعار السيارات حتزيد ؟
ياريت حد يفيدنا في الموضوع دا لحسن بفكر اشتري عربية ويظهر حظي نحس !!

[عمرو رافت]

و الله انا مش عارف برضه القرار ده في صالح المستهلك ولا ضده. لو إتنظم بحيث ربح التاجر كان في المعقول و إاللي فيه النصيب يخش خذينه البلد ok
بس كده و الله حرام.. يعني ضرايب+جمارك بتعادل 130% من تمن العربه+تامينات+ تكاليف ترخيص العربيه في المرور ؟؟؟؟؟
و الله حرااااااااااااااااااااااا ااااااااااااااااااااااااا ااااااااام

[mhamdy75]

أكيد العربيه هاتفضل بتمنها المعلن

هو كده بيحارب التهرب الضريبى

الحكومة مش شبعانة فلوس

وبتلم من الناس أكتر من قبل الثورة

والله أعلم

حسبى الله ونعم الوكيل

[waleed_d82]

المشاركة الأصلية كتبت بواسطة عمرو رافت و الله انا مش عارف برضه القرار ده في صالح المستهلك ولا ضده. لو إتنظم بحيث ربح التاجر كان في المعقول و إاللي فيه النصيب يخش خذينه البلد ok بس كده و الله حرام.. يعني ضرايب+جمارك بتعادل 130% من تمن العربه+تامينات+ تكاليف ترخيص العربيه في المرور ؟؟؟؟؟ و الله حرااااااااااااااااااااااا ااااااااااااااااااااااااا ااااااااام

يعني هيا خزينه الدولة او ما تحتاج فلوس لسد عجز الميزانية تجري علي العربيات تاخد منها سيبك من الجمارك ولا التامينات والترخيص دا المخالفات لوحدها تعمل مزانية دوله تانية

[waleed_d82]

المشاركة الأصلية كتبت بواسطة mhamdy75 أكيد العربيه هاتفضل بتمنها المعلن هو كده بيحارب التهرب الضريبى الحكومة مش شبعانة فلوس وبتلم من الناس أكتر من قبل الثورة والله أعلم حسبى الله ونعم الوكيل

اتمني فعلا ان الاسعار المعلنه ميحصلش فيها زيادة ويكون الضريبه دي خاصه للتجار دون المساس بسعر العربيه