استفسار عن أنواع ال127

[tarek elbadry]

هات السوبر فيورة اربعة باب خمسة غيار عربية حلوة اوى بس تكون حالتها كويسة
وربنا يكرمك بعربية تكون وش خير عليك

[h0pa]

المشاركة الأصلية كتبت بواسطة مخترع2007 الأخوة الأفاضل السلام عليكم طبعا انا مليش خبرة مباشرة بالسيارة ال 127 بكل الأنواع المطروحة هنا , لكن خليني أوضح بعض الإستفسارات من الجانب العلمي العام السعة اللترية لمحرك السيارة 900 سي سي , يعتبر قليل لحد كبير ولنفهم معا ما المقصود بالسعة اللترية , سنضرب المثال الآتي : سعة المحرك مثل معدة الإنسان , كلما كبرت معدة الإنسان زادت كمية الطعام التي تستطيع ان تحتويها و بالتالي زادت الطاقة الناتجة عن هضم هذا الطعام , وبالتالي يعول على هذا الإنسان ان يكون أكثر تحملا ممن أقل منه في حجم المعدة , وكذلك السيارة كلما زادت سعتها اللترية كانت قوة عزم المحرك أكبروبالتالي يتحمل القيادة بسرعات أعلى و لمسافات أكبر و أيضا من ناحية الحمولة , تجدها أكثر إستطاعة في ركوب الأشخاص فيها ولا يؤثر هذا على أداءها , وهذا يظهر جليا كلما كان تحميلها كبير وطالعة مطلع او كوبري أو خلافه , هذا غير إمكانية تحميل مكيف عليها و غيره من الأوبشن الجديد الذي به شئ من الرفاهية . وخلاصة الكلام : لا تعول كثيرا على 127 ذات السعة اللترية المنخفضة في تحميلها او التسارع بها او المشي بها لمسافات سفر طويلة لأن هذا يؤذيها و يعجل بإجهادها . أخوكم / مهندس مخترع قديم

طيب معلش سؤال صغير يا باشمهندس
دلوقتي في عربيات كتير سعتها اللترية صغيرة و شغالة كويس
يحضرني دلوقتي الماروتي
تقريبا 800 سي سي و شغالة كويس
بل انى قريت في احد المواضيع من فترة ان ال 127 تتفوق علي الماروتي في كل حاجة ما عدا الكماليات و هي التكييف و السنتر و الكلام ده
لكن كاداء و عملية كانت الغلبة في النهاية لل 127
فياريت حد يقيملنا كدة و يقولنا الكلام ده صحيح ولا لا
لان فعلا لو ال 127 احسن من الماروتي يبقي الواحد يجيبها وهو مغمض

[maka]

المشاركة الأصلية كتبت بواسطة h0pa طيب معلش سؤال صغير يا باشمهندس دلوقتي في عربيات كتير سعتها اللترية صغيرة و شغالة كويس يحضرني دلوقتي الماروتي تقريبا 800 سي سي و شغالة كويس بل انى قريت في احد المواضيع من فترة ان ال 127 تتفوق علي الماروتي في كل حاجة ما عدا الكماليات و هي التكييف و السنتر و الكلام ده لكن كاداء و عملية كانت الغلبة في النهاية لل 127 فياريت حد يقيملنا كدة و يقولنا الكلام ده صحيح ولا لا لان فعلا لو ال 127 احسن من الماروتي يبقي الواحد يجيبها وهو مغمض

هى الماروتى هتبقى احسن من ال 27 علشان هتكون موديل اعلى بفرق سنوات كتيير

و فى المستعمل الحالة هى اللى بتفرق

[h0pa]

شكرا باشمهندس قاسم
بس ده معناه ان السعة اللترية ما تفرقش كتير ما بين موديل 85 مثلا وماروتي 2007 علي سبيل المثال
اللى اقصده هو العربية في حد ذاتها بعيد عن الكماليات اللى بتفرض نفسها علشان الموديل اجدد
كلامي علي اداء العربية كعربية مش كتلاجة مثلا للتكيف او كصالون واسع للنوم
زي ما بنشوف لحد دلوقتي عربيات قديمة موديلات عشرينات و تلاتينات بتنباع بملايين برة علشانها كلاسيكيات فده بيأييد كلامي من ان الموديل مش فارق و زي ما الاساتذة قالوا قبل كدة الحالة قبل الموديل حتي لو فرق 15 - 20 سنة

[bistoo]

اولا احب اشكر صحاب الموضوع على طرحه الفكره لانى استفدت جدا
ثانيا ال127 عربيه جميله جدا اى ميكانيكا يشتغل فيها وقطع غيارها متوفره
واقتصاديه فى البنزبن ولو حالتها ممتازه وانت اتعاملت معاها كويس
حديلك كل اللى انت عايزه D:
وانا ان شاء الله حجيب واحده فيورا 4 باب 5 غيار او 128 انا والفلوس
وفى رايي ان ال128 و127 زى بعض مفيش فرق غير فى الشكل وسعة الموتور
وده رايي D: