أنا أدامى داتشيا نوفا بـ 10 ألاف جنيه بس ناوى أغير الماتور لرينو لوجان - حد عنده تجربه ؟

[jojojojojo]

هي العربيه سعرها كويس بس انا عايزك تعرف انها ملهاش سوق نهائيا وقطع غيارها منتشره في مناطق معينه ومحدوده وراي لو هتشتريها عشان تستعملها ومبفكرش في البيع قريبا انك ممكن توقع موتور اللوجان غير كده يبقي سيبها ع حالتها وبالتوفيق

المشاركة الأصلية كتبت بواسطة AMA بس أنا شايف ان ماتور رينو 9 أو رينو 5 أو رينبو مش هيبقى أحلى من اللوجان صح ولا أية ؟ و بالأخص لو تكييف و كدة و إلا بقى أسيب ماتور الداتشيا نوفا بس أشوفه محتاج أية بالظبط لأن اللوجان موديل جديد و دول موديلات قديمة فأكيد أفضل و التكلفة هتعمل فى حدود كام ؟ كلامى صح ولا غلط ؟ و أية وجهة نظرك ؟

سيب ماتور الداتشيا نوفا بس شوفه محتاج أية بالظبط !الاول!! و لو عايزالموتور اللى فى الصور بييجى بالفتيس وكومبريسور تكييف و تشتريه بالكبالن وصرر العجل ومساتر الفرامل الامامية وبيركب على الداتشيا النوفا !!
قطع غياره متوفرة واى ميكانيكى رينو بيفهم فيه كويس !كاتينة جنزير وكربراتير واسبراتير وطلمبة بنزين عادية !
وتاكيهات بتتظبط عادى بالفللر !


لقطع غيار الرينو استعمال (استيراد ) موجودة بكثرة في عين شمس نهاية شارع العشرين واسعارها ممتازة لرينو 9 واي قطع غيار محتاجها ان شاء الله تلاقيها وكمان فيه ميكانيكي ممتاز تخصص رينو في شارع متفرع من شارع احمد عصمت اسمه حاتم وده رقم تليفونه 0128339831 في محل اسمه زعترعمارات الفاروقية جسر السويس
وله فرع في الحرفيين واخر في بورسعيد
وفي عين شمس اكتر من واحد
اما بالنسبه للميكانيكى اسطى رشدى بتاع عين شمس اخر شارع العشرين عند موقف٤٤ نار على علم وحنين (في اسعاره)...
لكن معنديش فكرة عن الاسعار !!!!!ولاتكلفة المحرك!!!

mr_astra

F LASHCar

[AMA]

ألف شكر يا رجاله على الردود و بصراحة أنا شايف أننا ممكن لما أشتريها و أحط ماتور الداتشيا نوفا عندى فى البيت و أسقطلها ماتور زى مانا عايز و بالمرة يكون فيه تكييف جامد و كدة

بس المشكلة كدة بالمنظر دة أنى من أسكندريه