جمال الستيب واى

[a_a_3antar]

المشاركة الأصلية كتبت بواسطة sherifboo الف مبروك لحضرتك و ربنا يديك خيرها و يكفيك شرها ... العربية بتاعتي استلام 12-2011 يعني تقريبا بقالها سنة و الحمدلله فعلا العربية اكتر من رائعة ... ا كتر حاجة تبسطك انك فعلا دفعت تمن العربية و خدت امكانيات و جودة مش هتلاقيهم في اي عربية تانية الا فوق 100 الف..على فكرة انا جبتها 2 اير باج واحدة للسواق و االي جنب السواق معرفش لسة بتنزل كده و لا لأ ... سافرت بيها كم مرة ثبات ممتاز انا جبت بيها لحد 175 و كان ممكن ازود .... بالنسبة الصالون اللي يركب معايا يقولي استحالة دي هاتش باك .... اول ما جبتها اتعزمت على فرح ركب فيها اربع شباب طول بعرض و ده غيري طبعا... السحب زي ما هو و اي نقرة او مطب كان لا شيء ... صيانات و قطع غيار زيها زي اي اسعار في توكيل .... يمكن زي ما قلت قبل كده الواحد بس كان طمعان في شوية دلع للعربية من رينو زي ازاز كهربا كامل - مريات كهربا - فاميه- وحدات رفع - الكاسيت بس طبعا في موديل حضرتك اهتموا بالكاسيت شوية "الحمد لله " و كدة يعني بس ارجع اقول لحضرتك ان بالرغم من ده العربية شيالة اسية و خصوصا مع طرق المحروسة و عفشة الفرنساوي معروفة نعومة مع تحمل ... الف مبروك مرة تانية و اي استفسار انا تحت امركم يا رجالة

الله يبارك فيك يا باشا و آمين يا رب. هي للأسف بقت بتنزل ايرباج واحد بس. كلام حضرتك صح انا ساعات بحس ان رينو بتحب تبوظ طعم العربيه لازم تحط فيها حاجه مش تمام كده. انا اكتر حاجه غيظاني موضوع الزجاج ده علشان انا عربيتي اللي قبلها كان فيها اربع وحدات رفع كهرباء بتقفل مع السنتر و الأولاد و انا بنسيب الزجاج و هي بتقفل نفسها بنفسها. الكاسيت بتاعها احسن من الفيرنا وفيه بلوتوث و يو اس بي و ايه يو اكس و بيتشقلب و يمشي علي الحيط بس الصوت مش نقي اوي. الفرش بتاعها تحفه بجد. العربيه جميله اوي بس انا خايف عليها من الحسد و مش عارف اعمل ايه. حاجه تانيه يا باشا انا كنت عايز اجيبلها ستاير جنب و خلفيه جاهزة و غطاء بس مش عارف اجيبهم منين؟

[ahmedmohammed]

المشاركة الأصلية كتبت بواسطة a_a_3antar بركولي اي جماعه انا استلمت العربيه امبارح الحمد لله. العربيه ماشاء الله اسطوره انا بحمد ربنا انه وفقني لأختيار الستيب واي بدل اللوجان. أ/احمد انا كنت متردد اوي في الأول لحد ما رحت اتفرجت علي العربيات اللي انا كنت محتار فيهم مع بعض (اللوجان,الفيرنا,بي واي دي,جيلي الجديده,اسبرنزا,اللانوس,ا لستيب واي)بالترتيب وحسيت اني مشدود للستيب واي اكتر و صليت استخاره ونصحني ا/كريم بيها وكان عندي استفسارات ردي عليها اقتنعت بيها جدا و توكلت علي الله و اشتريتها. و اكيد ا/كريم اكثر خبره مني بس انا هقولك علي اللي انا حسيته 1-بسم الله ما شاء الله العفشه ناعمه جدا 2-مش عارف لأني ما عدتش ال 100 3- للأسف برده مش عارف 4- انا كان معايا اوبل كورسا سيدان كانت خامات الدراعات احسن كتييير بس دي شغاله عموما يا اخي انزل اتفرج عليهم علشان تحس بالحاجات دي انا قبل ما اشتري كان الناس مخوفاني جدا من الرينو عموما و قطع الغيار و المصنعيات و مشاكل الكهرباء و حاجات تانيه كتيييير بس لولا تعدد الأزواق لبارت السلع كل عربيه فيها ميزه و فيها عيب بس واحد صاحب معرض قالي انت متردد ليه كده كده العربيات الزيرو ما تظهرش عليها مشاكل قبل 5 او 6 سنين علي الأقل. باشا ربنا يوفقك و تجيب عربيه تعجبك ان شاء الله و لو انت حابب الستيب واي توكل علي الله و اتفرج في اي معرض وان شاء الله هتعجبك

الف الف مبروك يا باشا على العربية وربنا يحفظهالك من كل سوء وشكرا جزيلا على اهتمامك

[ahmedmohammed]

المشاركة الأصلية كتبت بواسطة a_a_3antar . العربيه جميله اوي بس انا خايف عليها من الحسد و مش عارف اعمل ايه.

قال النبي صلى الله عليه وسلم :
((ما من عبد يقرأ فاتحة الكتاب و أية الكرسي في دار فلن تصيبه عين أنس أو جن في ذلك اليوم))
وده دعاء جميل كمان ممكن تدعى بيه :اللهم انك أقدرت بعض خلقك على الحسد و الشر ولكنك احتفظت به بحق قولك ((وما هم بضارين به من أحد ألا بأذن الله))
وربنا يحفظهالك ان شاء الله

[كريم الطناوى]

ألف ألف ألف مبروك ياباشا على العربية وربنى يباركلك فيها يارب وتستمتع بيها كدة دايما وحقيقى مفيش كلام تانى بعد إلى حضرتك إولتوا والأستاذ sherifboo قالوا أنا أضيفة شكرا بجد ليكوا.
وأنشاء الله نبارك عن قريب لأستاذ linatrix وأستاذ ahmedmohammed على العربية.

[sherifboo]

المشاركة الأصلية كتبت بواسطة a_a_3antar الله يبارك فيك يا باشا و آمين يا رب. هي للأسف بقت بتنزل ايرباج واحد بس. كلام حضرتك صح انا ساعات بحس ان رينو بتحب تبوظ طعم العربيه لازم تحط فيها حاجه مش تمام كده. انا اكتر حاجه غيظاني موضوع الزجاج ده علشان انا عربيتي اللي قبلها كان فيها اربع وحدات رفع كهرباء بتقفل مع السنتر و الأولاد و انا بنسيب الزجاج و هي بتقفل نفسها بنفسها. الكاسيت بتاعها احسن من الفيرنا وفيه بلوتوث و يو اس بي و ايه يو اكس و بيتشقلب و يمشي علي الحيط بس الصوت مش نقي اوي. الفرش بتاعها تحفه بجد. العربيه جميله اوي بس انا خايف عليها من الحسد و مش عارف اعمل ايه. حاجه تانيه يا باشا انا كنت عايز اجيبلها ستاير جنب و خلفيه جاهزة و غطاء بس مش عارف اجيبهم منين؟

والله يا باشا انا كمان نفسي اجيب الستاير الكبس بس لسه بدور ..... انت عارف ان السانديرو برضه لسة مش معروفة اوي في موضوع الاكسسوارات .... عامة انا هبقى فاضي الفترة الجاية فناوي ادلع العربية بطقم سماعات خلفي محترم (الابواب فقط ) لان موضوع السماعات المحفور مكانها في الرف الخلفي بتاع الشنطة دي بعد فترة تلاقي الرف هبط من النص و بقى شكله زي المكروباص ) اصل حصلى الموضوع قبل كده في عربيتي القديمة و اجيب فرش لاني الى الان ماشي بالفرش الفبريكة و ابني الصغير ربنا يخليه اختبر عليه كل انواع السوائل والاتربة فزهقت من تنظيفة كل شويةو اما موضوع الغطاء فممكن نجيب بتاع الماتريكس هيغطيها مستريح انا دلوقتي لسة بستعمل بتاع عربيتي القديمة و شغال و اخيرا اختم بالستاير الكبس ... ان شاء الله و اي جديد هبلغ حضرتك