تنبيه هام بخصوص السيراتو الجديده

[YahiaAshraf]

بسم الله الرحمن الرحيم
************************* *

طبعا كلنا شوفنا كيا سيراتو الشكل الجديد

وكلنا مستنينها بفارغ الصبر
ولما الناس بيسالوا الوكيل هتنزل امتا يقولوا احنا نفسنا منعرفش


بس اللى الناس متعرفهوش
والكلام ده مسرب من الوكيل نفسه ان السيراتو الشكل الجديد هتنزل فى اواخر 2013 باسم 2014

وهما نفسهم عارفين و مش عاوزين يقولوا لسبب
ان الناس اول لما هتعرف هتبطل تشترى الشكل الحالى و يستنوا الشكل الجديد
وبالتالى ده خساره ليهم

هما عاوزين يفضلوا يبيعوا الشكل الحالى لغاية اخر سياره عندهم و برده هيفضلوا مخبين الموضوع لغاية لما يجى وقتها

حبيت بس اقولك الكلام ده علشان محدش ينخدع من كلام الوكيل

تحياتى

[sherifabden]

:Bra vo:

[esam_ayad]

شكرا ياباشا بس انا عارف ومستنيها برضو ,انا فاضي وقاعدلها

[tamerfathy82]

1000 شكر ياباشا للاسف احنا عارفين الكلام ده انا روحت الاسبوع اللى فات وحجزت سيراتو2013 وقالولى 2013 الى الان نفس الشكل وهتستلم الشكل الحالى بس موديل 2013 ملاحظة لا يوجد اى فرق فى الشكل او الكماليات والله كان نفسى اجيب الشكل الجديد بس صعب اوى استنى لحد اخر السنة اللى الجاية و يا عالم الكلام ده صح ولا غلط لان مفيش معلومات مؤكدة عن الشكل الجديد الى الان وشكرا

[esam_ayad]

المشاركة الأصلية كتبت بواسطة tamerfathy82 1000 شكر ياباشا للاسف احنا عارفين الكلام ده انا روحت الاسبوع اللى فات وحجزت سيراتو2013 وقالولى 2013 الى الان نفس الشكل وهتستلم الشكل الحالى بس موديل 2013 ملاحظة لا يوجد اى فرق فى الشكل او الكماليات والله كان نفسى اجيب الشكل الجديد بس صعب اوى استنى لحد اخر السنة اللى الجاية و يا عالم الكلام ده صح ولا غلط لان مفيش معلومات مؤكدة عن الشكل الجديد الى الان وشكرا

علي حسب الكلام اللي بيتقال ,يبقي المفروض انها تيجي عندنا علي شهر اربعه أو خمسه أو سته أو بالكتير سبعه الجاي ان شاء الله.وبرضو ده كلام مش مؤكد.
ولو عندك امكانيه انك تستناها يبقي أحسن لأنهم بيقولو انها أفضل من الحاليه في كل شيء.
وانا عن نفسي إشتريت عربيه مستعمله أمشي بيها لحد ما السيراتو الرائعه الجديده والكارينز الشديده الجديده تنزل وأختار بينهم براحتي.

وان شاء الله انا هاعمل موضوع عن السيراتو الجديده وايه اللي اتغير فيها ان شاء الله.