*** و لا استغلال التوكيلات -شكرا احمد كار ***

[AHMEDCAR]

المشاركة الأصلية كتبت بواسطة sh_masry طب انا عايز اروحله ..... يا ترى حد ممكن يكون فاضى و ييجى معايا ..... اولا علشان نتعرف على بعض لأن كده مش نافع خالص ... ثانيا انا برده بتعامل بره التوكيل مع ناس محترمه جدا و على ثقه بس مافيش مانع ان الواحد يكتر من الناس اللى ممكن تتعامل معاها بثقه و فاهمه فى العربيه و امينه . و لكم جزيل الشكر

ياباشا انت تؤمر شو اى وقت انت فاضى فيه و كلمنى 0121425929

[sh_masry]

اصدقائى الأعزاء احمد انور و احمد كار ...... انا شاكر ليكم جدا شعوركم الطيب و مدى اهتمامكم بطلبى فى الذهاب الى المهندس محمد بيومى قد كنت اتقفت فعلا مع الأستاذ احمد انور من امس على مقابلته اليوم و الذهاب و لكنى خالفت الموعد معه و اتصلت به لأنى كنت فى وسط البلد و لسه راجع حالا و مش قادر اروح اى مكان بصراحه .
و عموما احنا فيها ان شاء الله هانتقابل يوم الجمعه و ممكن نروح بعد المقابله و كتر خيركم و متشكر لأهتمامكم و لكم جزيل الشكر .

[Ahmed Anwer]

يوم مقابلة المنتدي ،،

روحت مع أ / شرف المصري ،،

عند م / محمد بيومي اللي كنت اتكلمت عليه في موضوع اخر ،،

كان مجرد عايز يشيك علي حاجات في العربية ،،

المهم تطرق الموضوع لسير الكاتينه بتاع عربية أ / شريف ،،

المهندس شريف اشتري نوع من شارع دمشق بعبوه هيونداي و العلامة المائية

و بسعر ارخص بمراحل بكتير من سعر التوكيل

و كمان أ / شريف ، راح بيه التوكيل نفسه عشان يتأكد انه اصلي

و بتوع قطع الغيار نفسهم قالوله انه اصلي

المهم ،، م / محمد بيومي ،،

قاله دي بتكون قطع غيار مضروبه و مصنعه في الصين و ليست كوري

و بيتم تعبئتها بعبوات هيونداي و يمكن بختم غبور كمان

و قال ابسط حاجة فرق السعر الفظيع بين التوكيل و خارجه

و بيسمي النوعية دي ( المغلفه )

هوا بيقول من الاخر لو قطعة الغيار ارخص من التوكيل باكثر من 30 % تأكد انها مزيفه

و انا الصراحه شايف كلامه منطقي مش معقول يكون سعر التيل في التوكيل مثلا 350 جنية

و يكون بره ب 30 جنيه و بعبوة هيونداي و بكل الحبشتكنات

و بيقول حتي عند الرغبه في شراء قطع غيار بسعر اقل

يبقي تشتري قطع غيار يونيفرسال اللي بتطلع و عليه اسم شركة قطع غيار معينة محترمه

زي بريمبو للفرامل ، جيتس للسيور ،، كده يعني

و الله اعلم ،،،

[sh_masry]

استاذ احمد .... طبعا انا كنت واقف معاك لما سمعت من م/محمد بيومى الكلام ده ... بس للأسف ماكنش عندى وقت ارد عليه و عموما هحاول اشرحلك انى مش مقتنع بالكلام ده ليه ....
اولا انا بنفسى بشترى قطعه الغيار الأصليه من بره (مثال سير الكاتينه و تيل الفرامل من عند نافع اللى فى شارع دمشق) و بدخل فى توكيل هيونداى اللى امامه على طول و اقوله لو سمحت طلعلى القطعه الفلانيه (السير و التيل) و اشوف هل هوه هوه نفس التغليف وللا لأ و اشوف القطعه بنفس الأختام و لا لأ و بعرض الأتنين قدامى على الكاونتر و ابص على السير ده و ده ...... قولى بقى لو الأتنين مطابقين فى نفس العلامات المائيه و التغليف و الماده المصنعه و كل شئ و كمان يأكد ليك اللى واقف فى التوكيل انهم اصلى و ان نافع برده شاريهم من غبور بس نافع بياخد نسبه خصم كبيره علشان كده بيبعهم ارخص من التوكيل .... يبقى تقتنع انهم اصلى وللا لأ ؟؟؟
و بعدين نسبه التخفيض مش زى ما انت كاتب من 350 الى 30 ..... يعنى التيل مثلا الأصلى عند نافع عامل 150 جنيه بس فى التوكيل 250 و دى نسبه مقبوله لأن التوكيلات اساس مكسبها فى قطع الغيار عالى و بعدين التوكيل فى اى حته فى الدنيا اغلى من التجار علشان التجار تشغل محلاتها و ده كلام معروف على مستوى التجاره ان صاحب التوكيل بيعمل خصومات كبيره جدا للتجار علشان تسوق بضاعته و هو يبيع و التاجر يبيع و كل هم التوكيل التاجر اللى بياخد مئات القطع مش العميل اللى بياخد قطعه قطعه .... و اللى عايز ال .... ما يقولش .... و ده منطق التوكيل

المضروب بيبان ماقولناش لأ .... لكن الأصلى برده لما تقارنه بأصلى زيه مابتلاقيش فرق !!! مش كده برده ؟؟؟

[Ahmed Anwer]

المشاركة الأصلية كتبت بواسطة sh_masry استاذ احمد .... طبعا انا كنت واقف معاك لما سمعت من م/محمد بيومى الكلام ده ... بس للأسف ماكنش عندى وقت ارد عليه و عموما هحاول اشرحلك انى مش مقتنع بالكلام ده ليه .... اولا انا بنفسى بشترى قطعه الغيار الأصليه من بره (مثال سير الكاتينه و تيل الفرامل من عند نافع اللى فى شارع دمشق) و بدخل فى توكيل هيونداى اللى امامه على طول و اقوله لو سمحت طلعلى القطعه الفلانيه (السير و التيل) و اشوف هل هوه هوه نفس التغليف وللا لأ و اشوف القطعه بنفس الأختام و لا لأ و بعرض الأتنين قدامى على الكاونتر و ابص على السير ده و ده ...... قولى بقى لو الأتنين مطابقين فى نفس العلامات المائيه و التغليف و الماده المصنعه و كل شئ و كمان يأكد ليك اللى واقف فى التوكيل انهم اصلى و ان نافع برده شاريهم من غبور بس نافع بياخد نسبه خصم كبيره علشان كده بيبعهم ارخص من التوكيل .... يبقى تقتنع انهم اصلى وللا لأ ؟؟؟ و بعدين نسبه التخفيض مش زى ما انت كاتب من 350 الى 30 ..... يعنى التيل مثلا الأصلى عند نافع عامل 150 جنيه بس فى التوكيل 250 و دى نسبه مقبوله لأن التوكيلات اساس مكسبها فى قطع الغيار عالى و بعدين التوكيل فى اى حته فى الدنيا اغلى من التجار علشان التجار تشغل محلاتها و ده كلام معروف على مستوى التجاره ان صاحب التوكيل بيعمل خصومات كبيره جدا للتجار علشان تسوق بضاعته و هو يبيع و التاجر يبيع و كل هم التوكيل التاجر اللى بياخد مئات القطع مش العميل اللى بياخد قطعه قطعه .... و اللى عايز ال .... ما يقولش .... و ده منطق التوكيل المضروب بيبان ماقولناش لأ .... لكن الأصلى برده لما تقارنه بأصلى زيه مابتلاقيش فرق !!! مش كده برده ؟؟؟

بس انا فعلا قريت في منتدي اخر

واحد كان بيقول انه جاب تيل فيرنا اصلي

بمبلغ انا مش متذكره بالضبط بس اقل من 60 جنيه

اللي هوا بيتباع في التوكيل نوعيه ب 220 جنيه و نوعيه ب 350 جنية

بس الحذر واجب في الحاجات دي

اكيد التوكيل بيغلي في السعر

بس مش هيكون للدرجة دي

عموما انا قلت اعمل الموضوع ده عشان الناس تاخد بالها