لمبة التشك انجن في الامجراند

[badawy66]

ياجماعة لمبة التشك انجن كل فترة تنور واروح للمركز الخدمة يطفيها ويؤلي المشكلة دية هتتحل في فرع ابو رواش. انا جربت على العربية جهاز بتاع واحد قريبي كان جايبة من الصين بيركب مكان الفيشة الى تحت الدريكسيون والجهاز طلع امن في مشكلة في حساس اسمة H2O تقريباً دة حساس الاكسجين ويمكن دة الى مخلي العربية بتاكل بنزين و المبة كل شوية تنور . وسمعت ان ابو رواش بيغير السوفت بتاع العربية . حد سمع عن الكلام دة يا جماعة .

[ehab2008]

أنا لسة شاري العربية
ولما سألت عن سبب ان اللمبة دي منورة
قالولي انها هتطفي بعد 500 أو 1000 كيلو
أو مع أول صيانة للعربية
ملحوظة( أنا أخويا معاه لادا فيها اللمبة منورة معاه بقالها 3 سنين والعربية معاه الحمد لله زي الفل )

[AbOnOrA]

مش صح يا جماعة لمبة الموتور ديه اخطر تنبيه لمشكلة فى العربيه لازم تروح التوكيل ومتمشيش الا والمشكلة محلولة

[Hisham.Elgazzar]

لازم تتعمل فى ابو رواش بتنزيل سوفت وير جديد للعربية ف التوكيل كل الناس عملتها هناك

[Hisham.Elgazzar]

المشاركة الأصلية كتبت بواسطة AbOnOrA مش صح يا جماعة لمبة الموتور ديه اخطر تنبيه لمشكلة فى العربيه لازم تروح التوكيل ومتمشيش الا والمشكلة محلولة

كل الناس نورت معاها يا استاز وائل ده بالإضافة لموضوع الصدا اللى من جوا الباب
عشان رقم الاوكتان اللى بيقرأة الكمبيوتر 93 واحنا ماعندناش غير 92 و 95
والسوفت وير الجديد بيخلى الكمبيوتر يقرا 92 من غير مشاكل
لكن لو العربية غاز لازم تنور


نصيحة لصاحب الموضوع ضرورى تكشف على الأبواب من الداخل للتأكد من تبطينها بمادة ضد الصدأ لأن الموضوع حصل فى عربيات كتير ومنها عربيتى