للمهتمين بمعلومات عن الاتوس 2011

[kumari sarah]

السلام عليكم.

انا خلال ايام هاستلم الاتوس 2011 اعتقد انى اول واحدة فى مصر هاتستعملها هههه

العربية لسة جاية طازة من الميناء ومتسلمة فى ابو رواش من 3 ايام بس...لسه كشف الاوكية بعد كدة هاتتوزع على المعارض بعد 10 ايام

العربية مفهاش كتير زيادة عن 2010

عاملة صافى 54.500 جنية

العربية 1100 سي سي - 4 سلندر - 64 حصان - 12 صباب - مانيوال- باور استيرنج - راديوCD - ساعة ديجيتال - حامل اكواب - ادراج للتخزين تحت الكرسيين الاماميين

الالوان المتوفرة: اسود - بترولى - ابيض - رماضى غامق وفاتح - احمر - نبيتى - اصفر - تركواز - بيج غامق

الضمان زى العادى 3 سنين او 100 الف كيلو

السواقة هاقول عليها بعد ما ستلمها

انا شفتها من جوة انا طويلة ورغم ان العربية شكلها صغير لكن كنت مرتاحة فيها اوى واقدر اوصل للفتيس - الكاسيت ..الخ وانا مرتاحة.

الصالون من ورا مريح انا قعدت فية وممكن اتنين كمان يقعدوا جنبى مرتاحين. ورغم انى كنت مرجعه كرسى السواق على الاخر. لكن رجلى ما كانت بتخبط وقاعدة مرتاحة.

للمهتمين انا هايجبلكوا صور من برة وجوة اول ما استلمها

ارجو ان معلوماتى افادت الناس هنا واى سوال انا فى الخدمة.

شكراً

[kumari sarah]

انا لقيت ملف pdf من غبور ببلشور العربية زى اللى معايا بالضبط.. حبيت اشاركه معاكم

http://www.ghabbourauto.com/arabic/atosprime.pdf

[بدر بسيونى]

ربنا يباركلك فيها ويديكى خيرها ويكفيكى شرها

[kumari sarah]

المشاركة الأصلية كتبت بواسطة بدر بسيونى ربنا يباركلك فيها ويديكى خيرها ويكفيكى شرها

اللهم امين. بس انا دايما بسال ليه العربية دى بالذات مش واخدة حقها....

[خالداعزالناس]

مبروك عليك السياره الجديده