رابطة مالكى الاكسل

[تيتو55555]

السلام عليكم ورحمة الله وبركاته
الحمد لله اشتريت سيارة اكسيل 94 مانيول بس فيها بعض الاشياء عاوز اعرف هعمل فيها ايه ويا تري الميكانيكيه بيشتغلوني ولا ايه
1- الميكانيكي قالي العربيه طالما اشتريتها مستعمله لازم تغير زيت وفلاتر وبالفعل غيرتهم واخدت قراية العداد
2- قالي لازم اغير السيور سير التقسيمه والدينامو
3-قاللي العربيه خشنه شويه وده بسبب الرلمان بلي فيه خشونه ولازم اغير كل الرمان بلي بتاع العربيه
3- العجله اليمين والشمال قدام فيها رجه كده لما يمسكها بايده فقاللي عاوزه عفشجي يبص عليها وبالفعل رحت للعفشجي وقاللي عاوزه تيش اسكترا ؟؟؟ وممكن تكون عاوزه حاشو بس لازم ارفعها واقولك كل اللي فيها
4- نور التابلوه والعربيه بيكون واطي واول مادوس بنزين النور بيعلي وكمان عوامة البنزين بتكون حوالي 70 % والعربيه بتكون مفوله وعلي فكره العوامه كهربا
5- لمبة البنزين مسريه ومنوره خفيف شويه
6- العفشجي قاللي انه بعد مايخلص شغل فيها لاوم اظبط زوايا واعمل ترصيص
عاوز رايكم يا جماعه بجد انا مليش خبره خالص في العربيات
وعاوز من حضراتكم الاولويات لاني طبعا لسه شاري العربيه وشطبت علي كل اللي في جيبي فعاوز اعمل الاهم وبعدين شويه اكمل باذن الله ولو حبيت اسافرمسافه تقريبا 400 كيلو العربيه علي وضعها ده تستحمل سفر ولا لأ وايه الحجات اللي لازم ابص عليها قبل مسافر مشاوير طويله
وانا شاكر لحضراتكم جدا

[miam0502788391]

المشاركة الأصلية كتبت بواسطة تيتو55555 السلام عليكم ورحمة الله وبركاته وعليكم السلام ورحمة الله وبركاته الحمد لله اشتريت سيارة اكسيل 94 مانيول ربنا يبارك لك فيها بس فيها بعض الاشياء عاوز اعرف هعمل فيها ايه ويا تري الميكانيكيه بيشتغلوني ولا ايه 1- الميكانيكي قالي العربيه طالما اشتريتها مستعمله لازم تغير زيت وفلاتر وبالفعل غيرتهم واخدت قراية العداد طبعا لازم تغير زيت الموتور وتكشف على زيت الفتيس والفرامل والباور 2- قالي لازم اغير السيور سير التقسيمه والدينامو ايوه غير سير الكاتينة( التقسيمة) ومش غالى بحوالى 40 ج والدينامو بحوالى 20 ج 3-قاللي العربيه خشنه شويه وده بسبب الرلمان بلي فيه خشونه ولازم اغير كل الرمان بلي بتاع العربيه تغيير الرولمان بلى ممكن يتأخر شوية خصوصا لو شغال الخلوص اللى فيه مش كبيير 3- العجله اليمين والشمال قدام فيها رجه كده لما يمسكها بايده فقاللي عاوزه عفشجي يبص عليها وبالفعل رحت للعفشجي وقاللي عاوزه تيش اسكترا ؟؟؟ وممكن تكون عاوزه حاشو بس لازم ارفعها واقولك كل اللي فيها حاول تظبط العفشة واياك تمشى بالعربية والعفشة مش مظبوطه ممكن تمشى بالعربية والموتور مفوت ممكن تمشىوالصاج مطبق لكن عفشة تعبانة لأ 4- نور التابلوه والعربيه بيكون واطي واول مادوس بنزين النور بيعلي دى ممكن يكون شحن البطارية ضعيف اكشف عليها وكمان عوامة البنزين بتكون حوالي 70 % والعربيه بتكون مفوله وعلي فكره العوامه كهربا العوامة عاوزة تتظبط لكن متشغلش بالك ممكن تعملها آخر حاجة 5- لمبة البنزين مسريه ومنوره خفيف شويه ممكن يكون فيه تلامس خلى كهربائى يبص عليها 6- العفشجي قاللي انه بعد مايخلص شغل فيها لاوم اظبط زوايا واعمل ترصيص طبعا بعد ما تخلص شغل العفشة بتعمل ترصيص ولو فك الطنابير يبقى لازم تظبط زوايا والحسبة كلها 45 جنيه عاوز رايكم يا جماعه بجد انا مليش خبره خالص في العربيات وعاوز من حضراتكم الاولويات لاني طبعا لسه شاري العربيه وشطبت علي كل اللي في جيبي فعاوز اعمل الاهم وبعدين شويه اكمل باذن الله ولو حبيت اسافرمسافه تقريبا 400 كيلو العربيه علي وضعها ده تستحمل سفر ولا لأ وايه الحجات اللي لازم ابص عليها قبل مسافر مشاوير طويله وانا شاكر لحضراتكم جدا

وطبعا الأولويات اول حاجة تغيير الزيوت والكشف عليها وبعدين غير السيور وبعدين ظبط العفشة وبعدين اى حاجة تانية
وربنا يوفقك

[تيتو55555]

الف شكر يا دكتور علي المعلومات الرائعة دي وبعد اذن حضرتك باذن الله بعد ما اظبط العفشع واغير السيور ممكن اسافر بالعربيه مسافات كبيره 500 كم مثلا وبعد كده اريح يومين وارجع المسافة دي تاني ولا العربيه مش هتستحمل سفر
وسؤال اخير واسف للاطاله يا دكتور محمد لما بشغل المارش ممكن احيانا يحصل جعره في الموتور بس لما بشغل تاني الموتور بيشتغل , وهل لازم اغير البوجيهات ولا لأ

[miam0502788391]

المشاركة الأصلية كتبت بواسطة تيتو55555 الف شكر يا دكتور علي المعلومات الرائعة دي وبعد اذن حضرتك باذن الله بعد ما اظبط العفشع واغير السيور ممكن اسافر بالعربيه مسافات كبيره 500 كم مثلا وبعد كده اريح يومين وارجع المسافة دي تاني ولا العربيه مش هتستحمل سفر وسؤال اخير واسف للاطاله يا دكتور محمد لما بشغل المارش ممكن احيانا يحصل جعره في الموتور بس لما بشغل تاني الموتور بيشتغل , وهل لازم اغير البوجيهات ولا لأ

ان شاء الله مفيش مشكلة وتسافر اكتر من المسافة دى وكده ولا كده انت لازم تطمن من العفشجى ( على اساس انه أمين) قبل ما تسافر
صوت الجعره ده والله اعلم من ترس المارش ( تقريبا سمه ترس البندكت) مش من الموتور
طول ما سحب الوتور معاك كويس مفيش داعى لتغيير البوجيهات وعموما طقم بوجيهات يابانى واحد شمعه حوالى 25ج

[waelsalah]

السلام عليكم
لما باب بيكون مفتوح او مش مقفول كويس بيظهر علامه حمرا فى ا لطابلوه عندى الا الباب الشمال ورا يا ترى ده ايه
ولكم جزيل الشكر