بالله عليكم افيدونى فى رينو رينبو

[ساعات الصمت]

السلام عليكم
الاخوة الافاضل مالكى رينو رينبو قراءت كثيرا فى منتداكم ومواضيع الاخ الفاضل بوب الجامد وعن حبه فى الرينو 19 والرينبو وبالفعل اطمئن قالبى واشتريت من مدة اسبوع سيارة رينو رينبو 97 العربية اقدر اقول من بره متهانه بجد يعنى عاوزه يتغيرلها ابواب رفارف كبوت يعنى بمعنى ادق الصاج الخارجى وده من كلام السمكرى عشان تبقى مظبوطا العربيا داحليا كويسه جدا ماتور وعفشة وتبريد تمام بالفعل بداءت فى رحلة شراء الصاج ونزلت جرى على بور سعيد ولفيت على كل بتوع الرينو منهم مجدى شاكر والخ انى الاقى صاج مفيش هههههه غير طقم باب بتاع 19 وقالى ان زراير الزجاج هتكون فى التابلوه مش المقبض زى الرينبو فقررت انى ادور على ابواب الرينبو باختصار ملقتش فى بور سعيد وكان ردهم ان التجار فى القاهرة بيجو يشتره كل حاجتها جمله المهم انا دايخ على الصاج الخارجى وفى كاوتش كمان لما بتفتح الابواب بتلاقيه لازق كده فى سقف السيارة ده طبعا متبهدل اتمنى ان الى يعرف معلومه ميبخالش عليا بيها انا محتاج طقم ابواب ورفارف والاكصدمات وكبوت وشنطة والكاوتش الى قلت لحضراتكم عليه اتمنى معرفة الاسعار وفين هلاقيها عشان انا جديد ومش عارف تمن الاسعار دى انا طولت عليكم وشهادة حق بجد العربيات دى ثابته جدا على الطريق بالرغم ان حالة السيارة مش ولا بد دلوقت بس بأمر الله وتعاونكم معايا هوصل لنتيجة كويسة شكرا ليكم جميعا اخوكم محمود

[mr_astra]

اشهر واحد ببيع الصاج بتعها فى جسر السويس بجوار عمارات الفاروق - اسمة معروف اوى بس انا ناسية دلوقتى - على الظهر كدة هاعمل اتصالاتى وابلغك بنتيجة مرضية

[mr_astra]

اعتقد اسمة الدقاق ...بس مش متاكد اوى ولكن مكانة معروف فى ضهر عمارات الفاروق فى جسر السويس

[ساعات الصمت]

المشاركة الأصلية كتبت بواسطة mr_astra اعتقد اسمة الدقاق ...بس مش متاكد اوى ولكن مكانة معروف فى ضهر عمارات الفاروق فى جسر السويس

ربنا يبارك فى حضرتك وشكرا لزوقك واسف لتعب حضرتك وان شاء الله همر عليه واسأل فى انتظار ردود باقى الاعضاء الافاضل دمتم بكل الود

[mr_astra]

أأأأأأسف
التاجر اسمة زعتر وليس الدقاق