يا جماعه اشغل الاوفر درايف ولا اسيبه مش شغال ارجو الرد للاهميه

[memodina1]

انا بقول انة اللمبة تكون مطفية يعنى شغال ودا من سؤال اكتر من واحد معاة اتوماتيك معايا فى العمل
ومش بيطفية الا لما يكون طالع حتة عالية اوى عايز سحب جامد زى كوبرى مثلا لازم اللمبة تكون مطفية يا جماعة

[احمد على 1999]

فعلا زي ما الاستاذ محمد بيقول
الطبيعي انه شغال يعني اللمبة مطفية يعني مدستش الزرار

و يفضل تركه شغال يعني اللمبة مطفية
تفصله بس لو قاطر حاجة او طريق سريع فيه مطالع جامدة

[فياتاوى]

اسمح لى يا استاذ احمد الكلام دا مش مظبوط
انا ركبت نيسان صنى لحد موديل 2008

كان الاوفر درايف مطفى واللمبة كمان مطفية والله اعلى واعلم طبعاً

انصح صاحب الموضوع بسؤال التوكيل ان شاء الله حتى فى التليفون

[احمد على 1999]

مش مظبوط ليه بس ؟
هي اللمبة الي في التابلوه اسمها ايه ؟
أكيد over drive off او اختصارا od off المهم في كلمة off دلالة علي فصل خاصية تعشيق ترس الأوفر درايف
ده غير ان بالصدفة اكتر عربية سوقتها أوتوماتيك هي الصني و قاري الكتالوج

[حسام البورسعيدى]

بص يا باشا ..

الـ over drive ده اللى هو الغيار الرابع (الاخير) فى الفتيس ..

وده بيتعشق فى الاتوماتيك من بعد سرعة 50 تقريبا ..

فايده زرار الاوفر درايف انك لو ماشى ع الرابع (على سرعة عالية) وعاوز ترجع للتالت (علشان تعمل تسارع) فبتقوم فاصل الاوفر درايف (يعنى تخلى لمبه o/d off تنور) .. وساعتها العربية هتسقط نقله وترجع للتالت وطبعا الـ rpm هيزيد وبالتالى سحب العربية هيزيد ...

الطبيعى ان الاوفر درايف (الغيار الرابع) شغال معاك على طول (اللمبه مطفيه) ومتفصلوش غير وقت الضرورة بس (لو عاوز تتخطى عربية ع الطريق مثلا او اى ظرف مشابه تحتاج فيه تسارع)


يا رب اكون افدتك يا غالى .. والف الف مبروك على العربية الجديده ربنا يباركلك فيها ويحفظك من شر الطريق ...