الغاز الطبيعي

[احمد سويلم]

المشاركة الأصلية كتبت بواسطة eng/walaaeldeen السلام عليكم منتظر استاذ احمد سويلم بس انا اسمي ولاء الدين وليس وليد والله المستعان

اعذرنى ياباش مهندس
وانا داخل والله عشان اجاوبك ع الموضوع بالتفصيل زى ما وعدت حضرتك امبارح لانك لا تتأخر عن اى عضو فى اى شىء
أسأل الله ان يجعله ف ميزان حسناتك

[احمد سويلم]

انا اشتريت السياره فيرنا فى 9-2009 وحولت غاز بعد شرائها باسبوعين تقريبا
ولكن بعد كداعرفت انه كان غلط التحويل السريع وكنت لازم انتظر شوى عشان البساتم والشمايز والبى يلات والسبايك والهلايل تتكربن !!

المهم العربيه ديه حولتها أجره وكنت بشتغل متوسط 12 ساعه يوميا ع الاقل وكان اجمالى تكلفه سير السياره ع الغاز يوميا متوسط 10 جنيه يعنى تفويله ونص
لان التفويله تسواى تقريبا 6 جنيه حسب عدد الامتار وقوه الضغط ف البنزينه

ملحوظه : كنت تعرضت لحادث بسيط ف شنطه السياره ومنعا للقلق شيت الاسطوانه عشان خفت من شراره او شىء وانا عند السمكرى

والعربيه اتصلحت عند السمكرى ونزلت اشتغل قبل تركيب الاسطوانه وكان شغلى هو 12 ساعه ايضا لقيت نفسى فى اخر اليوم بحد بنزين 92 ب45 جنيه

فطبعا وقتها عرفت ان بيوفر جدا مايعادل 30 جنيه ف اليوم
وانا كان متوسط عدد الكيلوات اللى بعملها يوميا هى 250-300 كيلو تقريبا

بالنسبه للاداء
1- أداء العربيه ع الغاز نسبيا أقل من ادائها ع البنزين ودا لان حرق الغاز أقل شوى من حرق البنزين .. وبالتالى سحب العربيه ع الغاز بيكون أقل من سحبها ع الببزين
ودا جوا البلد عادى ورجلك بتاخد عليه واساسا لو سواقتك هاديه مش هتاخد بالك من الفرق

2- حرق الغاز ف الزيت نضيف جدا جدا بمعنى انك لو بتغير زيت عربيتك ع 5000 كيلو ..مع الغاز هاتغير الزيت ع 7000 كيلو وهو نازل كمان هتلاقيه نضيف

3- حجم اسطوانه الغاز ليس بالقليل اذ انها تشغل أكثر من 1/3 مساحه الشنطه تقريبا ووزنها 70 كيلو او 75 كيلو اى انك ممكن تعتبر انها فرد راكب معاك ف العربيه

4- عند تركيب مجموعه الغاز بيركب معاها مفتاح ب3 تكات
التكه الاولى : تدوير بنزين والاستمرار ع البنزين
التكه التانيه : تدوير بنزين وتحويلها غاز عن طريق الدوس بقدمك ع اكسلاتير البنزين
التكه التالته : تدوير غاز والاستمرار ع الغاز والغاء اتحويل عن طريق قدمك

بعض الملاحظات
1-اذا كنت لاتسير كيلوات كثيره فأعتقد انك ليس بحاجه الى التحويل الى غاز

2-يجب التدوير والمشى لمده ربع ساعه ع البنزين يوميا كل صباح ويستحسن كل اسبوع تمشى يوم كامل بنزين عن طريق مفتاح التكه الاولى

3- اذا حاولت تدويرها ع الغاز ف الشتاء عن طريق مفتاح التكه التالته فلن تدور السياره من الاساس وذلك لان الغاز يكون ف حاله تجمد

4- كنت اذهب من محافظه الاسماعيليه الى محافظه القاهره بما يعادل 8 جنيه تقريبا رايح جاى لانه ف الطوالى استهلاك الغاز يكون بسيط

يارب أكون أفادتك ولو فى اى استفسار تانى انا تحت أمرك لان انا اصلا برد جزء بسيط من الدور الكبير اللى حضرتك عامله ف المنتدى

[eng/walaaeldeen]

السلام عليكم
الله ينور عليك استاذ احمد
رد وافي و شافي
ولكن حضرتك عامل كام كيلو من ساعة ما ركبت غاز وحالة المحرك ايه الآن
لأن الكثير يقول بأن المحرك بيودع بدري

وسع الله رزقك بالرزق الطيب الحلال
والله المستعان

[redangv]

السلام عليكم
انا شغال فى شركة الغاز كل الكلام عن الاسطوانه هتنفجر وكده كلام غير صحيح بالمرة الاسطوانه صلب مسلوب الاسطوانة الوحدة فيها سفتى كامل ضد الصدمات وضد طلق الرصاد وبها سفتى رليف فلف عند الاصتدام يقفل اتوماتك
يوجد نواع كثيرة من الاجهزه الخاصة بالغاز
جهاز حقن اكترونى للغاز مثل البنزيين يعنى لكل رشاش بنزين رشاش غاز وهذه الاجهزة حديثة جدا
اما عن تلفف المحرك كلام خاطئ
اما عن الاداء نفس اداء البنزين 92
ويوجد رابط لعملية اختبار الالاسطوانة

[احمد سويلم]

المشاركة الأصلية كتبت بواسطة eng/walaaeldeen السلام عليكم الله ينور عليك استاذ احمد رد وافي و شافي ولكن حضرتك عامل كام كيلو من ساعة ما ركبت غاز وحالة المحرك ايه الآن لأن الكثير يقول بأن المحرك بيودع بدري وسع الله رزقك بالرزق الطيب الحلال والله المستعان

بص هو انا حاليا برااا مصر وعربيتى مرفوعه حاليا
لان انا خفت ابيع مجهود السنين واطلع براا ومنجحش واكون خسرت هنا وهنا

العداد كان 135 الف
قابل للزياده او النقصان ف حدود 5 كيلو
ولو تحب اعرف كام بالظبط ممكن ارد عليك بكره
حاله المكنه عندى زيرو زيرو ولغايه قبل مااسفر بيوم الشكمان بينزل نقط مياه

ومن وجهه نظرى الشخصيه لو استعمال العربيه حنين ورجلك مريحه ع العربيه متقلقش
انا كنت بشتغل 12 ساعه يوميا والعربيه الحمد لله كانت مؤدبه ولاتزال متعرفش غيرى وعشان كدا السياره كلها بحالتها