الغاز الطبيعي

[eng/walaaeldeen]

المشاركة الأصلية كتبت بواسطة فادى تركيب الغاز الطبيعى هو توجه خاطىء تماما, الغاز الطبيعى خطير جدا على محرك السيارة, المشكلة الاساسية ان الغاز الطبيعى يحتوى على الكبريتيك, و هى مادة أكلة للحديد, معنى ذلك ببساطة أنه يقصف عمر المحرك الى أقل من ليس النصف و لا الثلث, بل أقل من الربع. و ما سوف توفره من ثمن البنزين, سوف تصرف أضعاف أضعافه على عمرات للمحرك (ده غير البهدلة و العطلة). لا احب ان اكون محبطا لكن هذه هى الحقيقة المؤلمة, الغاز ليس مناسب بتاتا للسيارات, و لو كان كذلك لكنا راينا نصف السيارات فى العالم تسير بالغاز الطبيعى( هل سألت نفسك لماذا ترفض الشركات صنع سيارات تسير بالغاز الطبيعى؟)

السلام عليكم
شكرا لرد حضرتك ولكن في التسعينات اشتريت محرك تويوتا من بورسعيد ركبته في عربيه نيفا كان المحرك غاز ولم يكن فيه طلمبة بنزين ومكانها موضوع ليه طبه وكان الكربراتير غير العادي والى باعو لي اعطاني طلمبة بنزين وكربراتير
فهذا دليل على انه يوجد مواتير مخصصه للغاز الطبيعي وعلى ما اعتقد ان مواد التصنيع غير البنزين
والله المستعان

[هاني عبد الحميد]

السلام عليكم انا مركب غاز ومعايا عربية byd طبعا المفروض متركبش الغاز قبل ما تمشي 5000 كيلو علي البنزين عشان الماتور يلين علي البنزين - ثانيا الشنطة في عربيتي الحمد لله واسعة والانبوبة مش مأثرة علي حجم الشنطة من الداخل - علي فكرة الاثنين المهندسين في محطة الغاز في اكتوبر امام الحي المتميز معاهم byd ومركبين غاز فيها ودة شجعني اكتر - بالنسبة للتكلفة التركيب بيتكلف 6500 جنية انا دافع النص مقدم والنص علي عامين بدون فوايد 135 شهريا - موضوع السحب التوكيل قالي اركب بوجيهات NJK الاصلي بس شمعة واحدة عشان الاثنين شمعة حامي علي الموتور - نرجع للتكلفة 6500 جنية دول علي سعر 1.85 السعر الحالي للبنزين 92 يمشي العربية حوالي 50000 كيلو متر تقريبا يعني لو هتبيع عربيتك قبل كدة متركبش اوفر وسعر المتر المكعب للغاز 0.45 قرش وفعلا ممكن تروح اسكندرية ب6 جنية وفي عند اول طريق اسكندرية في داندي مول بنزينة - وعند مدخل اسكندرية عند الزراعي بنزينة وخلي بالك من حق العربية الملاكي انها تخش تفول ومتقفش في الطابور بتاع التاكسي عشان بيكون فية طلمبة خاصة بالملاكي في محطات الغاز فمحدش يخاف من الطابور والعربية بتقف حوالي 5 دقائق بس عشان تفول الاسطوانة ولو حد لية اي سؤال انا تحت امركم - نسيت اقلوكم انا الحمد لله ماشي 35000 لحد دلوقتي علي الغاز

[Emgrand]

المشاركة الأصلية كتبت بواسطة Hisham.Elgazzar مفيش فايدة لو عربيتك قديمة هتعمل عمرة كل سنتين بالكتير والتكاسى الجديدة اللى حولوا غاز بيعمروا المواتير كل 6 شهور النهردة الدولار بسبعة جنيه وربع

ياراجل 6 شهور ؟؟!!
مفيش الكلام ده نهائىا
ارجو تحرى المعلومه قبل عرضها

[جمال شيبه]

احنا عندى نيو اكسنت 2009 وتم تحولها غاز نظام حقن متزامن ببلاش عند غاز تك ودفعنا 25 جينه رسم استعلام ومفيش فرق فى السحب العربيه اتوماتيك والله العظيم زاى الفل و542 على سنه والموضوع اخد حوالى ساعتين فى المركز ومفيش اى مشكله لغايه الان من شهر مركبين الغاز

[youssef_elgbaly]

المشاركة الأصلية كتبت بواسطة Emgrand ياراجل 6 شهور ؟؟!! مفيش الكلام ده نهائىا ارجو تحرى المعلومه قبل عرضها

للاسغ انا عندى تاكسى ومركب غاز بقالى 3 سنين وتم عمل عمرة كاملة والعمره اللى وراها كانت بعد ست شهور العربية لاقيتها بتاكل زيت انا الصراحة كنت مهمل فى حكاية ابدا بتدوير البنزين الاول كنت بكسل يعنى ممكن يوم ادور بنزين و 3 لالا اكيد ده اللى قصر عمر الموتور بسبب كده