الغاز الطبيعي

[M.TONSY]

ادخل هنا وهتلاقي تجربة وافية عن الغاز عمرها سنتين وهتلاقي فيها جميع التفاصيل يا رب تفيدكم ان شاء الله
http://masrmotors.com/vb/showthread.php?t=72283

[Hisham.Elgazzar]

المشاركة الأصلية كتبت بواسطة ابوجنى2112 جبت الاحصائية الغريبة والظالمة دى منين ياهشام بية انا فى السوق بقالى كتير وبتكلم عن الواقع اللى الناس عايشاه ربنا يكفينا شر الظلم يا أستاز محمد ركب ياباشمهندس ودعك من القيل والقال..زى مافالوا لحضرتك فى الكلية.. الغاز ممتاز بفضل الله.. والبينة على من ادعى.. ياجماعة الخير ان بعمل بتفويلة الاسطوانة اللى هية ب....7.20جم حوالى 240كم فى الطوالى والتاكسيات شغالة بفضل الله ..وبعضهم جيرانى موديل 2009 و2010 وعملين 13000 و12000كم .. سحب الغاز ممتاز مع تنظيف فلتر الهواء باستمرار ..الفرق بينه البنزين غير ملحوظ.. الا اذا كان صاحب السيارة بيحب يعمل كيك داون ..او نفسة يدخل بيها الاوتو كروس وهذا ماتيسر والله على مااقول شهيد ..ولجميع من سالوا حرية الاختيار بعد الاستخارة طبعا.

وجهات نظر يا أستاز محمد
انما اللى متعود على البنزين طبيعى انه يقرص على العربية وطالما مفيش عزم يبقى الموتور هيفوت لكن طبعا ال 250 كيلو ب 7 جنيه يا بلاش مفيش توفير أحسن من كدا طبعا

وبعضهم جيرانى موديل 2009 و2010 وعملين 13000 و12000كم ..

ده الملاكى بيعمل من 2009 130000 و120000 كيلو معقول التاكسى يعمل 12000 و 13000 فى 4 سنين

[A_Baidak]

والله موضوع رائع انا عندى ناس اصدقاء محولين غاز بقلهم فتره ومشتكوش منه الصراحه خالص

وربنا وانا عن نفسى بفكر احول غاز طبيعى

[حسام البورسعيدى]

الغاز موفر طبعا وده شئ اكيد ولكن ليه عيوب برضو

اهم عيب فيه هو شنطه العربية اللى هتبقى شبه ملغيه بسبب الاسطوانه

وعن تجربة مع عربية فيرنا فيفا فيها غاز السحب بيقل بنسبه حوالى 35% او بمعنى اصح تسارع العربية او عزمها ..

لو حد بيجرى وبيقرص ميركبش غاز علشان مش هيوفر معاك اقولك ليه ...

نفترض انك عاوز تعمل تسارع بسرعه معينه .. تمام ؟
طيب لو عملت التسارع ده ببنزين نفترض انك هتدوس ربع مشوار دواسه البنزين .. تمام
علسان بقى تطلع بنفس السرعه بالغاز هتحتاج تدوس نصف الدواسه تقريبا فبكده المشوار اللى هتروحه بلتر بنزين هتروحه ب 2 متر مكعب غاز ,, يبقى كده التوفير انعدم ...

اما فى حاله المشى سلانسيه وبالراحه من غير شد وكده فالغاز هيبقى كويس

كمان الغاز فى رايى يفضل فى المواتير القويه شويه زى مواتير الفيرنا وما شابه ..

[Sameh Ragih]

يرى العاملون بمجال التحويل أن عملية التحويل لها عدة مميزات و هى :-
1- التوفير ، حيث أن سعر الغاز الطبيعى أرخص من المواد البترولية الأخرى.
2 – سهولة الحصول على الغاز، حيث أنه متوافر فى المحطات .
3 – الحفاظ على البيئة ، لأن الغاز أقل تلويثاً للبيئة مقارنةً بالبنزين و السولار.
على الرغم من وجود المميزات السابق ذكرها ، إلا أن عملية التحويل – و بحسب رأى العاملين بمجال التحويل – لها عدة عيوب و هى :-
1 – نُدرة محطات الغاز ، حيث تتركز فى المحافظات الكبرى فقط .
2 – ارتفاع تكلفة تحويل السيارة للعمل بالغاز الطبيعى (تصل إلى 5500 جنيه) .
3 – وجود اضرار تصيب محرك السيارة بعد عملية التحويل، مما يقلل من العمر الافتراضى للمحرك .
4 – وزن أسطوانة الغاز يصل إلى 60 كجم ، و ذلك يمثل عبء على السيارة .

منقول يا شباب