العربيه لسه جديده و حسه اني بهدلتهااا:( ياريت حد يساعدني

[Eng/salwa]

السلام عليكم ورحمة الله وبركاته
اولا : مبروك عليكى السيارة
ربنا يعطيكى خيرها ويكفيكى شرها

موضوع الخرابيش عادى جدا كلنا كدة
وربنا يكفيكى شر الطريق
اكيد شفتى بلاوى الحوادث لا قدر الله
ربنا يسلم طريقنا جميعا

موضوع الركن كله بالصبر و الممارسة
لا تقلقى
استمتعى بسيارتك وربنا يفرحك بيها

[Ahmad Rizq]

ولا يهمك :D , العربية التويتا كورولا لما كانت زيرو في الامارات خدتلها خبطه متينه في الاكصدام من ورا , و لما نزلت مصر بعد الترخيص بيوم خدت نفس الخبطه في الاكصدام من ورا , فا الحمد لله انها بتيجي على الخرابيش لأنها اهون بكتير بس فعلا الواحد لو عربية جديده هيزعل عليها خصوصا شكلها دايما بنحب نحافظ على الحاجة جدا , انا العربية اتخربشت مني في الزحمه قبل كدا , رحت بعدها المغسلة حطلي عليها كومباوند و مسح جامد و بعدين حط بوليش , و هي بتفرق على نوع الخربشة بس في النهاية الخربشة اثرها بيقل لان حتى لو ما اتشالتش بيتنضف حواليها , و انصحك تعملي وش شمع للعربية في اي مغسلة او اشتريه انتي و اعمليه , هيحمي العربية شويه من موضوع الخربشة و هيخليه سهل يتشال انا الحقيقة نفعني جامد .

[Ahmad Rizq]

بالنسبة للركنه , فا مصر بتعمل الناس ازاي تركن في اضيق الاماكن , المهم حاولي ما تفدقديش الثقة في نفسك و غتتي على الركنه لغاية ما تتعلميها , و طبعا اهم حاجة التدريب مع كونزات او ازايز مايه خصوصا العربية جديده + لو عندك سينسور باركينج يبقا كويس جدا .

[emadwady]

المشاركة الأصلية كتبت بواسطة Amera السلام عليكم انا يا جماعه مديقه جدااااااااااااااا لاني خربشت العربيه و هي لسه مكملتش كام شهر بعد مجبت العربيه بكام يوم كنت دخله في شارع ديق و غصب عني خربشتها و من قريب لسه و انا طلعه من ركنه من الوش اتخربشت تاني جامد انا حاسه اني غلطانه اني جبت عربيه زيرو و انا لسه متعلمه السواقه انا الحمد لله مشي في الشارع كويس و كل شيئ المشكله كمان في الركنه بوقف الشارع كلووو ورايا عشان اركن لازم افضل ادور علي مكان بعيد عن الشارع الرئيسي عشان اركن برحتي في شارع عام بتكون صعبه اووي و مش بعرف و محدش بيستني حد و خصوصا لو بيركن بالعافيه مع اني بعتبر كل يوم بنزل بالعربيه بس كل مره بركن بحس اكني لسه بتعلم السواقه و مش بعرف اركن صح غير لما يكون في سايس ولا حد يوقف و يساعدني مع اني اخدت دروس بالهبل في موضوع الركنه بس بردو مش عارفه اركن صح لدرجه ان طلوعي بالعربيه بقا هم عليا بس كلو كوم و موضوع الخربشه الي حصلت فيها دي !! العربيه لسه ملحقتش حاجه و الله هي الخربشه الي فيها مش جامده اوي مش خبطه يعني لاء مجرد خربشه شالت الطلاء الي كان عليها و بينت الون الفضي لي تحت ده ياريت حد يساعدني في موضوع الخربشه دي هل اوديها لمكانيكي ولا اجيب القلم الي بيداري الخدوش ده ؟؟ لو حد جابو قبل كده ياريت يفدني جابو منين ؟؟ و تتفتكرو مع الوقت هل الركن بتاعي هيتحسن ولا الموضوع ده بيكون محتاج دروس تاني ؟؟

اولا تقبلى تحياتى
بالنسبة لموضوع الخدوش دى حاجة عادية كل عربيات مصر كدا ولو عندك بتاع دوكو شاطر ممكن يعملها وماتبنش
ثانيا فى استيكر بيتجلد بية العربية بالكامل سواء شفاف او بلون العربية دا علشان حماية البويا الفابريكا ودا موجود فى التوفيقية او فى شارع دمشق فى مصر الجديدة
ثالثا : بالنسبة لموضوع الركنة كلنا كنا كدا وهى بتيجى بالممارسة والتعود على مسافات العربية بكرا ترجعى بظهرك وانتى مغمضة

[ام سيف الدين]

انتى زعلانه على شوية خربشه امال انا اعمل ايه العربيه اتخبطت وهى مركونه ياستى ولا يهمك وكل العربيات لازم تتخربش فى مصر حتى لو الى سايقها شوماخر
وبالنسبه للركنه انا مبعرفش اركن الا لو فى فريق بيشجعنى ويقولى يمين وشمال
ههههههههههههه عادى يعنى بكره تتعلمى وتبقى استاذه