هو فى حد زى ولا انا لوحدى الى كده

[mahmoudelmasry2016]

ده الطبيعى بتاع اى حد على فكرة بس بعد اول 10 دقايق كداوانتى بتسوقى بترجعى زى ما كنتى بقى وعادى جدا لكن كون انه مثلا تنسى السواقة............لا دى استحالة مادام سوقتى مرة واتنين وحفظتى السواقة صم يبقى خلاص انا قعدت سنة ونص ما اسوقش عربيات بس بعد كدا جبنا عربية اخويا قريب وسوقتها واقسم بالله وكأنى لسه كنت بسوق امبارح ...... والقلق ده الطبيعى فى بدايتها فده عادى جدا .....اما بالنسبة لركنة العربية فا اتفقى مع حد بواب ولا حاجة من منطقة الشغل وخليه يا خد باله منها لكن كدا حرام عليكى انك تبقى جايباها ودافعة فيها عشان تركنيها احنا بنجيب العربيات ليه ......? مش عشان تريحنا وجو المواصلات والخنقة ,,,,,,,,,,,,,,,, اتمنى اكون افدتك بحاجة واسف للأطالة .

[myson medo]

اللى انتى بتعمليه طبيعى جدا واى حد ممكن يعمله
ربنا يصلح احوال البلد

[myson medo]

اللى انتى بتعمليه طبيعى جدا واى حد ممكن يعمله
ربنا يصلح احوال البلد

[ام سيف الدين]

متشكرة جدا على ردكم وجزاكم الله خيرا على الاهتمام
بس كلامكم حيرنى اكتر ومش عارفه اعمل ايه انا كل ما اشوف العربيه اتضايق واقعد الوم نفسى لدرجة انى بفكر ابيعها وهى لسه معملتش 7000 كيلو بس مشوار الشغل ده ياجماعه حرقت اعصاب عارفين يعنى ايه كل يوم تمشى من فيصل لوسط البلد باخد ساعتين فى الطريق غير حوالى ربع ساعه ادور على ركنه وبروح الشغل متأخرة وارفانه
الله المستعان وهحاول انفذ النصايح

[Eng/salwa]

المشاركة الأصلية كتبت بواسطة ام سيف الدين متشكرة جدا على ردكم وجزاكم الله خيرا على الاهتمام بس كلامكم حيرنى اكتر ومش عارفه اعمل ايه انا كل ما اشوف العربيه اتضايق واقعد الوم نفسى لدرجة انى بفكر ابيعها وهى لسه معملتش 7000 كيلو بس مشوار الشغل ده ياجماعه حرقت اعصاب عارفين يعنى ايه كل يوم تمشى من فيصل لوسط البلد باخد ساعتين فى الطريق غير حوالى ربع ساعه ادور على ركنه وبروح الشغل متأخرة وارفانه الله المستعان وهحاول انفذ النصايح

السلام عليكم
بصى يا اختى الكريمة هقولك بصراحة وعن تجربة شخصية
انا كنت من ساعة ما تزوجت من 23 سنة أسوق فقط داخل مدينتى الجميلة 6 اكتوبر وفى أرقى حى بها يعنى حاجة روقان والدنيا فاضييييه وجميلة ووردى
وكنت لما اذهب لزيارات عائلية بكون بجوار زوجى ربنا يشفيه وجالسة بجواره فى سيارته زى الملكة وماليش دعوة خاااالص بالطريق فى وسط البلد او سفر او خلافه
الى ان شاء ربنا سبحانه وتعالى وبعد العمر ده كله انى اضطر للسواقة فى مطحنة وسط البلد وشبه يوميا لأكون مع زوجى فى القصر الفرنساوى والخروج صباحا من اكتوبر و العودة يوميا لأولادى فى اكتوبر
وما ادراكى منطقة القصر الفرنساوى عاملة ازاى صباحا ومساء وخصوصا فى رمضان

بس هقولك على أسرار

أولا السايس المختص بالمنطقة حول المستشفى وصيته على السيارة والركنة من اول يوم وقلت له انا متواجدة قرابة الشهر يوميا وسأعيك الشهرية اللى عاوزها مقدما بس توفرى لى مكان للركن يوميا كويس وطبعا يا عزيزتى الفلوس لها سحر وما فيش مانع لو عندك ملابس مستغنية عنها احضريها له وبثوابه

ده بالنسبة لمشكلة الركن

وانتى سايقة بقه تحلى جدا جدا بالصبر وطول البال واللى عاوز يعدى ويسبقك مع الف سلامة خليه يعدى وياخذ الجائزة المهم توصلى بالسلامة ولا تسابقى احد
وهتسمعى شتيمة ( برضة عادى ثوابك عند ربنا ) هتسمعى اللى يقولك (قرفتونا فى البيت وفى الشارع ) قولى شكرا ( زهقتونا) قولى الله يسامحك
حتى لو قالوا ( ربنا ياخدكم ) هههههههههه برضة الصبر جميل
ده كله عادة هتسمعيه من سواقين الميكروباص
بس بصراحة كتييييير من رجالنا المصريين المحترمين ذوووق جدا والله
وبمجرد ما تشاورى له للعبور باستإذان بيدك او إيماءة من رأسك يقدر انك سيدة محترمة عاوزة ترحمى نفسك من بهدلة المواصلات ويتركك تعدى ويصبر عليكى بدون اهانة ودول عادة سواقين الملاكى المحترمين اللى همه مثل إخواننا وازواجننا واولادنا وهيقولك عدى حضرتك يا فندم او يا مدام او يا حاجة

ولذلك حاذرى من الميكرباصات لان معظمهم قليلى الزوق بس برضة منهم فيه نسبة قليلة محترمين ولا يزعجوجى بالكلاكسات اللى بتوترنا

مرة تانية بقولك دربى نفسك واحدة واحدة ومش هتتشجعى على السواقة غير لو سوقتى عمليا ومشيتى فى المطحنة وربنا معاكى
وشغلى بقه لباقتك فى التعامل مع أصناف البشر فى الشارع و الركنة
وخاطبى الناس على قدر عقولهم برضة فى السواقة
وربنا معاكى وابقى طمنينا بإذن الله