زجاج السيارات محمود عمر

[اسامة سيد]

عايز اعرف سعر الزجاج الامامى للانسر1600موديل 2008 بالتركيب
و بمناسبة الشهر الكريم كل عام وانتم بخير

[mmsoaa]

المشاركة الأصلية كتبت بواسطة اسامة سيد عايز اعرف سعر الزجاج الامامى للانسر1600موديل 2008 بالتركيب و بمناسبة الشهر الكريم كل عام وانتم بخير

كل سنه وانت طيب الزجاج موجود تربلكس350 جنيه 3 طبقات وفيه سكوريت طبقه واحده 220 جنيه

[talaatharidi]

السلام عليكم ياجماعة معلش انا حاتكلم عن زجاج محمود عمر بكل أمانة لأنى جربت التعامل معاه وركبت عنده زجاج سيارة فولكس بولو أمامى المهم وعلى فكرة أنا مش حاتعامل مع اى تاجر أومعرض او محل عامل عروض وخصومات وناس تشكر فيه على النت لأنه اتضح ان كل ده نصب × نصب واليكم ماحدث معى
1 ـ الزجاج / مستورد نعم ولكن سئ التصنيع والبرواز الأسود الذى يحيطه كنز مما يجعلك ترى حواف الفرش الداخلى من الخارج للسيارة وطبعا سترى بقايا السيلكون لأن المساحة المعمولة باللون الأسود والمنقرشة غير كافية وحواف الزجاج بها بقع وخربشة فى مناطق السواد مما جعل شكل الزجاج كأنه قديم ومساحة الزجاج ككل غير مناسبة لمساحة مكان التركيب فترى من جانب الفراغ بين الزجاج والصاج مثلا 3مم والجانب الآخر 5 أو6 مم مما يجعل الزجاج غير متناسق مع السيارة
2 ـ المصنعية / أولا عند خلع الزجاج القديم لايقوم بإزالة باقى السيلكون القديم مما يجعل فرق بين الزجاج والصاج كبير ويخرج منه السيلكون الجديد + خربشة فى التابلوه + خربشة وتوسيخ فى القوائم الداخلية ثم تلطيخها بالسيلكون الأسود وهى بيضاء اللون
ثانيا / وسخولى فرش سقف العربية منهم لله ولونه أبيض بسيلكون الزجاج ولونه أسود
جرحولى بعض البلاستيك المغلفة به قوائم العربية من الداخل بالكتر شوية العيال اللى عنده
ثالثا / يركبلك الزجاج وهو ملئ بالأتربة دون أن يغسله وعارى من أى تغليف لحمايته من الأتربة
وحروف الزجاج مكسرة ومنقرة وبدون اى حماية والثمن فى الآخر 500 جنيه
أنا آسف على الإطالة بس حبيت أنصح ماحدش يجرى ورا الناس اللى على النت
ولكن منهم لله توكيل فولكس غلو أسعارهم خلانا نروح لأى حد مضروب ولان الزجاج الامامى بتاع التوكيل ب2800جنيه ليه ؟ هلى هو مصفح لا ينكسر القصد ادعوا لى أن اتخلص من ماركة فولكس فاجن من حياتى وأبيع عربيتى البولو ماله الكورى والصينى مغرق البلد واكسسواراته مغرقة البلد ورخيصة
طولت عليكك والسلام عليكم ورحمة الله وبركاته

[talaatharidi]

نصيح ياأخوانى ما حدش يروح لمحمود عمر والله انا مش بتجنى عليه ماحدش يروح لأى حد معموله دعاية على النت كله نصب × نصب استحمل شوية وروح لتوكيل عربيتك وبرضه اسأل عن توكيل عربيتك كويس لأن فيه توكيلات سيئة السمعة وعاملين مجزرة أسعار زى توكيل فولكس فاجن اسوأ توكيل فى مصر

[m_khalil80]

السلام عليكم ... كل سنة وانتم طيبيين ..
ممكن أعرف سعر زجاج أمامى للفيات 128 ....... مع جزيل الشكر