الغاااااء الدعم على البنزييين والرضوخ لصندوق النقد الدولى

[Neo206]

المشاركة الأصلية كتبت بواسطة AbOnOrA يا خونا انا من امبارح والله مكتئب وهتنقط وهربت من النت والاخبار والدنيا ونزلت اتمشى علشان اهدى ومفكرش ومكتبش ومتكلمش فى الحكاية ديه واركز فى شغلى اقوم الاقى الكلام هنا عن نفس الموضوع وبنفس الوتيره اللى انا مرعوب منها يا جماعة بهدوء وبالراحة كده خلينا نتناقش فى نقاط محددة 1- الكلام عن الطاقة البديله كله (احلام رومانسية) لا الدول المتقدمة اصلاً وصلت لاى نسب عملية لاستخدام الطاقة البديلة فى السيارات ومازل النزين الوقود الارخص هناك واللى بيجيب العربيات الهجينه ناس مرفهه هناك بدافع الحفاظ على البيئه والكلام الجميل ده كله بس ده ملوش اى علاقة بينا كدولة مجرفه علمياً ومادياً ولحد دلوقتى فيه ناس بتركب الحمير والكارو 2- الحل البديل العملى الوحيد المتوفر هو الغاز الطبيعى وطبعاً فى ظل السياسات الاحتكارية والشمولية لادارة الموارد النفطيه مش شغال فى القطاع شركات كفايه ولا استثمار كافى كمحطات وخلافه لاستيعاب الفارق الكبير الناتج عن سعى شريحة كبيرة من الناس لتحويل سيارتها للعمل بالغاز فلازم الاول الشركات بتاعة الغاز تطور نفسها وتخش شركات جديدة وكمان نبداء نستورد عربيات بمحركات مصممة اصلاً للغاز وساعتها يبقى عملنا حاجة مفيدة بجد 3- رفع الدعم باى شكل عن بنزين 92 هيحول شريحة مستخدمية لمستخدمين لبنزين 80 وبالتالى مضاعفه الاقبال عليه وهو كمان مدعوم ومش مكفى وطبعاً كلنا نقدر نتخيل مناظر البنزينات هتبقى عاملة ازاى 4- استمرار تحريك الاسعار فى الاتجاه الصاعد للسلع الرئيسية ولسلعة حيويه كالبنزين هيثقل كاهل شريحة كبيرة من المواطنين وهيدفع الاسعار للتحرك لاعلى اكتر 5- تفتقر الدوائر السياسية صانعة القرار لمعلومات اساسية عن بنزين 92 فيما يبدو ويروج على انه بنزين العربيات النظيفة والناس المقتدرة واللى معاهم عربيات جامدة والكلام ده كله والحقيقه ان بنزين 92 يعتبر اول سلمة فى البنزين النظيف بكل معانى كلمة نظافة فى الدول المتقدمة وبنزين 80 والانواع الرديئه من السولار المتداول فى مصر لم تعد تستخدم سواء لاضرارها على المحركات وضعف الاداء او لانبعاثاتها واضرارها على البيئه وارجعو للمصادر هتلاقو مفيش دول فى العالم بتستخدم بنزين حقير زى 80 لسه الا مصر وبعدين ده احنا لسه بنقول احلال ونفسنا الناس تقدر تركب عربيات حديثة ونظيفة كده الناس بالعكس هتتمسك اكتر بالعربيات القديمة وهيبقى عندنا كساد فى بيع العربيات الجديدة واثقاف لكاهل المواطن من الطبقة المتوسطة اللى بتعانى اصلاً واللى قومت الثورة وعليها امل اعادة بناء المجتمع المصرى تانى يبقى احنا بنعاقبهم بقى وبندفعهم لاستخدام بنزين يساعد اكتر على تلويث الجو وزيادة حالات السرطان 6- بنزين 92 يستخدم فى غالبية محركات السيارات الاقتصادية (فئه خمسين الف الى 100 الف) بالاضافه الى غالبية سيارات التاكسى وده يعنى ان الناس اللى هتتاثر بشدة مش الاغنياء ولا حاجة لكن طبقه واسعة من الناس سواء موظف جايب عربيه بالقسط ترحمة من عذاب المواصلات هو واسرته او موظف مبيعات العربية ايده ورجله فى الشغل او صاحب تاكسى يادوب بيدفع تمن قسط التاكسى ومش قادر يدفع اكتر قسط تركيب غاز 7- وده الاهم ان كل واحد فينا دفع تمن الدعم ده من جيبه فى تمن عربيته كلنا دفعنا قد اتمان عربيتنا جمارك وضرائب بتخلى عربياتنا اغلى عربيات فى العالم ولو حسبنا بندفع قد ايه فى الجمارك والضرائب وبعدها فى المرور والتامين والمخالفات وغيرة وغيرة وشوفنا بيتصرف قد ايه على دعم البنزين والطرق والكبارى هنلاقى اننا بنتسرق عينى عينك ديه مسمهاش حرية ولا سياسية ولا نيله ده غباء مستحكم وتازيم اكتر للوضع اللى كلنا بنعانى منه اصلاً وكفايه نتعاقب اكتر من كده وكفايه قرارات مصيريه بدور درايه وفهم وكفايه حلول لمشكلات بمشكلات تانية عايزين تدونا البنزين بتمنة اوك ماشى مفيش اى مشكلة بس ادينى العربيه بتمنها وادينا مقابل للضرائب والجمارك (اللى هتبقى فى حدود المعقول) والمقابل طبعاً مفهوم تعامل محترم باعتبارنا ممولين وانفاق حقيقى على الطرق والكبارى اللى بتكلفنا وتكلف الدولة ملايين هى كمان ده غير الارواح والا تبقى بجاحة ما بعدها بجاحة انى ادفع ضعف تمن عربيتى جمارك وضرايب وخلافه وطوال مدة اقتناء خدمة زبالة من ادارات المرور وتحصيل مخالفات ورسوم ورشاوى وفى الاخر اخد ازبل عربيات فى العالم وامشى على ازبل طرق فى العالم وازبل نظام ادارة مرور فى العالم وزابل كل حاجة وزى ما اتنصب علينا فى فلوس الزبالة اللى بتتحصل على النور الحكومة عايزة تكمل نصب على الناس فى البنزين للقضاء تماما على النقل وصناعته وسوقه فى مصر النقل والمواصلات والطرق والكبارى مش عبء على الحكومات ولا منه بتتفضل بيها على اهالينا بالعكس ديه مصادر دخل المفروض مهمة جداً للدولة وكمان مكون اساسى للاقتصاد ودافع قوى لعجلة النمو لما يفكرو تنزل العربيات باسعار معقولة المدن الجديدة هتعمر ولما يصرفو على الطرق هتعمر اكتر والعربيات هتتباع اكتر والاقتصاد هينتعش وهنخلص من العربيات الكهنة اللى جايبلنا السرطان والهم ويبقى الشارع شكلة متحضر اكتر وطبعاً تنامى القدرة الشرائيه ده المفروض يستغل كمان بانشاء مصانع انتاج وتجميع محلى ودفع ودعم الصناعات المغذية للسيارات ويبقى عندنا سيارات من انتاج محلى ومحلى مشترك اكتر وافضل انتو عارفين اصلاً ان من اسباب تدهور صناعة السيارات المحلية والصناعات المغذية ليها بالتبعية اننا لما بنجمع بنطاق واسع بتبقى عربيات زباله وبكميات زباله لكن لما تعدل الكفه هتجمع كتير وانواع وموديلات احدث وهتدرب العمالة افضل وهتطور معارفهم اكتر وكل حاجة هتبقى احسن وارقى واكتر انا شخصياً ممكن اقعد اكتب فى الموضوع ده ميه صفحة ومش هقبل ابداً بقرار زى ده وهكون من اوائل الناس اللى تقف ضدة

لا فض فوك يا أبو نورا
بجد قلت الى الواحد نفسه يقوله من زمان

[محمدصلاح القاضى]

انا شوفته هو جامد
والشغل عالى بس محتاج متجرم عشان نص الكلام مش فاهمه
وكمان بعد الشغل دا كله ماشوفتش العربيه دايره وقلبت

[Hisham.Elgazzar]

أبو منه

[Neo206]

يا شباب نهدى شوية
لينك الخبر الى الاخوه حطينة لو حد دخل على الموضوع هيلقيه بتاريخ 3-يونيه
يعنى خبر قديم ايام ما كانو بيقولو قبل ما الحكومة تكدب
و ربنا يستر علينا جميعا العيشة مش ناقصة غلو

[محمدصلاح القاضى]

هما شكلهم بيمهدوا لنا
وبيجبوها واحده واحده
عشان يبقوا امتصوا غضب الجماهير
ودى سياسيه مش ماتش كوره