مساعدة قبل شراء بيجو 305

[استاذ باسم]

انا كان عندي فيات 128 وزهقت من الميكانيكي لزم كل 3 شهور اروح عندة
لحد مخلصت منة مش موضعنا
بحث في المنتدي ولقيت بيجو 305 هل قطع غيارة غالية بس اهم حاجة عندي انها تبقا معمرة عايز اعرف لما اشتري حاجتة الاصلية عتيش لمدة كبيرة ولا لزم تتغير بعد 5 شهور بكتيروانا لقيت واحد موديل79 ولا اصبر واشتري موديل 87
انا معاية 15 اشتري تاني 128 ولا بيجو 305 رجاء المساعدة

[استاذ باسم]

هو ماحدش عايز يرد علية لية

[a123456]

السلام عليكم اخى الفاضل
قطع غيار البيجو تدوم سنوات فية حاجات تجبها تنساها 10 و 20 سنه كمان
طبعا قطع غيارها اغلى شوية او شويتين من ال 128 بس معمرة لدرجة لا تتخيلها
انت خلاص جربت ال 128 15 الف يجيبوا حالة فوق فوق المتازة لل 305
اعمل حسابك حالة ممتازة ب 11 او 12 اما الاسعار الى انت بتسمع عنها فوق كدة دى بيسموها حداقة السوق يعنى يشوفوا حد حياخدها بالسعر دا ولا لقى

نصيحة هات ب 11 الف بالكتير حالة نضيفة و الباقى لو حبيت تغير فيها الحاجات العادية زى ابلاتين كندنسر بوجيهات سيور فلاتر تيل فرامل حاجات زى كدة

بس المهم الى تشتريها تحس ان صاحبها مهتم بيها مش بيبيعها علشان مش عايز يصلح

[bebonet]

المشاركة الأصلية كتبت بواسطة استاذ باسم هو ماحدش عايز يرد علية لية

ياباشا أوعى تزعل
انت كتبت الموضوع بدرى جداً
وعلى العموم
بيجو 305 جميله جداً
بس انت ماتبخلش عليها
واحسن من 128
بس قرفها كله فى موتورها لسبب بسيط
العيب مش فيها العيب ان الميكانيكيه
اغلبهم مش بيعرف يتعامل معاها
وقطع غيارها مش غاليه بالنسبه
لفترة التشغيل الطويله
وأوعى تعمل مقارنه بينها وبين ال128
لان ده ليها زبونها وده ليها زبونها
والركيب مش هايشتكى من ال305
من الاخر عربيه بعد ما تظبطها كويس عمرك ما هاتشتكى منها

[استاذ باسم]

المشاركة الأصلية كتبت بواسطة a123456 السلام عليكم اخى الفاضل قطع غيار البيجو تدوم سنوات فية حاجات تجبها تنساها 10 و 20 سنه كمان طبعا قطع غيارها اغلى شوية او شويتين من ال 128 بس معمرة لدرجة لا تتخيلها انت خلاص جربت ال 128 15 الف يجيبوا حالة فوق فوق المتازة لل 305 اعمل حسابك حالة ممتازة ب 11 او 12 اما الاسعار الى انت بتسمع عنها فوق كدة دى بيسموها حداقة السوق يعنى يشوفوا حد حياخدها بالسعر دا ولا لقى نصيحة هات ب 11 الف بالكتير حالة نضيفة و الباقى لو حبيت تغير فيها الحاجات العادية زى ابلاتين كندنسر بوجيهات سيور فلاتر تيل فرامل حاجات زى كدة بس المهم الى تشتريها تحس ان صاحبها مهتم بيها مش بيبيعها علشان مش عايز يصلح

شكرااا يباشا علي ردك بس هل صحيح قطع غيارة نار وميكانيكي بتاعة قليل وكمان عمرة بتاعت العربية بتخش في 7000 جنية عشان حاجة بتاعتة اصلية وهلا اشتري موديل 79 ولا اشتري 86 طيارة معلش رغاي شوية