خايف من البيجو ال 305

[T@yfoor]

كنت عايز ابيع الريس بتاعى هو هوندا 400 عادة المهم واحد عايز يبدله معايا فى عربية بيجو 305 بس مش فاكر موديل كام المهم قريت مواضيع كتير عن العربية دى والمشاكل الى موجودة فى موديلات ال 70 زى تابلوها مش طيارة ومينفعش يتسقط فيها موتور غير بتاعها والجنط 3 خرم وكل ده اتعالج فى الموديلات الى بعد ال 80 طب وكده هو فى فرق شاسع بين موديلات ال70 وموديلات ال80 وبعد كده قريت ان فى ناس كتير عندهم العربية دى وبيشكروا فيها وناس تانية بتلعن اليوم الى اشترت فيها العربية دى وعرفت كمان ان سوقها واقف يعنى من الاخر الى هيشتريها هتبقى اتب فى ضهره بس عموما انا مش هاممنى الكلام ده كله انا ناوى أقتنى عربية يعنى هتجوزها من الاخر وهتفضل معايا لحد يااما انا الى اموت او هى الى تصدى فهل فعلا العربية دى حلوة ومش هتتعبنى فى ميكانيكتها انا قصدى عموما انا ببقى عايز عربية ادورها كل يوم الصبح عشان اروح شغلى ومعنديش حيل للزق والقرف ده ولو البيجو 305 متنفعش طب ايه مكانها ينفع علما انى مش هبخل عليها من مصاريف وقطع غيار اصلية

[shoman011]

المشاركة الأصلية كتبت بواسطة T@yfoor كنت عايز ابيع الريس بتاعى هو هوندا 400 عادة المهم واحد عايز يبدله معايا فى عربية بيجو 305 بس مش فاكر موديل كام المهم قريت مواضيع كتير عن العربية دى والمشاكل الى موجودة فى موديلات ال 70 زى تابلوها مش طيارة ومينفعش يتسقط فيها موتور غير بتاعها والجنط 3 خرم وكل ده اتعالج فى الموديلات الى بعد ال 80 طب وكده هو فى فرق شاسع بين موديلات ال70 وموديلات ال80 وبعد كده قريت ان فى ناس كتير عندهم العربية دى وبيشكروا فيها وناس تانية بتلعن اليوم الى اشترت فيها العربية دى وعرفت كمان ان سوقها واقف يعنى من الاخر الى هيشتريها هتبقى اتب فى ضهره بس عموما انا مش هاممنى الكلام ده كله انا ناوى أقتنى عربية يعنى هتجوزها من الاخر وهتفضل معايا لحد يااما انا الى اموت او هى الى تصدى فهل فعلا العربية دى حلوة ومش هتتعبنى فى ميكانيكتها انا قصدى عموما انا ببقى عايز عربية ادورها كل يوم الصبح عشان اروح شغلى ومعنديش حيل للزق والقرف ده ولو البيجو 305 متنفعش طب ايه مكانها ينفع علما انى مش هبخل عليها من مصاريف وقطع غيار اصلية

انا من رأيى الشخصى ابعد ابعد ابعد عن البيجو 305 والكلام ده عن تجربة مع بيجو 305 موديل 1979 لمدة 6 شهور انا اشتريتها بــ11.000 وصرفت عليها حوالى 3.000 على الفاضى وفى الاخر الماتور جاب كرنك ولاقيت انى لازم اشترى ماتور من بورسعيد بــ7.000 وفى الاخر بعتها بــ 10.500 بعد ما دللت عليها لمدة شهر علشان تتباع والحمد لله اشتريت بعدها فيات 132 موديل 1979 2000سى سى والحمد لله العربية ليها سنة معايا وبجد عربية تستاهل وبسافر بيها دايما ومن ناحية السحب العربية معايا دايما 140-150 فى السفر وقمة فى الثبات
على فكرة انا اشتريتها بــ 13.500 وصرفت عليها حوالى 2.000 لزوم كاوتش وضبط كهرباء علشان كانت مركونة

[egyptiandiver]

أنا كنت بشتغل في حتة فيها فرنسويين و كان فيهم واحد جايب دايوو لانوس و حريه شغل ... نصيحتي ليك حول قدر المستطاع تبعد عن كلمة 70 و 80 و الكلام ده مع شديد احترامي للمودلات دي... بس احنا دلوقتي في سنة 2013! يعني الحقبة الزمنية دي انتهت خلص و بقت من التاريخ. الواحد فينا يجب عربية خدمات بتاع 30 ال-40 سنة ليه يعني؟ عشان الامكانيات؟ مشي الواحد رأيي يحوش و يعمل جمعية و و و يبقى معاه يجيب عربية لانوس موديل 2000 مثلاً على الاقل ليها قطع غيار اوريجنال جديد و إستيراد و كلو و لله الحمد، و فيها تكييف و عزلها كويس. و قطعها مش غالية - ده أكرملك 1000 مرة بدل ذي ما بيقولو ما تشتري الترماي! أكرم لحضرتك أي وسيلة مواصلات عادية - أنا مثلاً كان عندي 131 موديل 82 عملتلهة نص عمرة و غيرت ليها إسبيرتور زيرو و كربرتور بردو زيرو و كاوتش و كورونا و و... و بردو فضلت موديل عتيق! و مالقيتش الفلوس إلي صرفتها أوي أما جيت أبيع! و أما أخش كمبوند مثلاً بتاع الامن يقلي "انتا صيانة؟!" ملبرومة سرحة فيها و حاجة بكى... تيجي تصلحها من هنا تضرب من هناك تلمها في حتى تضرب في حتى تانية و هكذا... و كل شوية اعطال و مصاريف و زق في الشارع لحد ما فقرتين من العمود الفقري عندي خرجو من مكانهم و دلوقتي بدور على علاج! من الآخر يا عمي اسمعها من أخوك كلمتين اتنين القديم يغور هتدفع دم قلبك بتنقيط و غالباً هتتل منك فجأة و في أي حتى و وقفة الصنايعية و عطلتهم و إشتغلات بتاعتهم و قطع الغيار و اشي أصلي و اشي مضروب. ربنا يعمل لحضرتك و يعملن الخير إن شاء الله - أخوك أحمد سامي

[egyptiandiver]

أسف قاضي هاريهة شغل