قاعده ال 4 متر لكل 20كم/ساعة

[Devill Blood]

مع فائق أحترامى الطريق هو اللى فرض ضريبة الغباء فى القيادة فالبداية فى الطريق ال 15 متر والذى يكون فى بلاد أخرى 40 متر وأكثر والمصيبة تكون فى اللى راكن صف تانى وبائعى الطرق والبشر اللى مش بيمشوا على الرصيف وغيره وقاطعى الطريق غير ده سيبك كانت الحياه فله بس القاعدة اللى حضرتك بتقولها صحيحا لكن طبعا 20 كيلو دى سرعة برضه مش قليلة يعنى أنت كده بدأت تسرع وعندنا الكل بيسيبك لك مساحة لو أنت مسرع غير ده ألطم

[Bendary]

المشاركة الأصلية كتبت بواسطة sam ram الملتزم مبيعرفش يسوق !! واللي يخلص نفسه بيفهم في السواقه !! كلنا متجهين لعرف و قانون سواق الميكروباص ... كأنه هو المدرس اللي بنتعلم منه فن القياده !!

اه والله معاك حق

[ابراهيم أبوسيف]

شكرا يا أستاذ بنداري
بس أنا أعتقد أن طريقة قيادتنا احنا المصريين هي الأسوء في العالم والأكثر خطورة وده نابع من ثقافة الفهلوة وغياب القانون
وكمان حاجة تانية لما بنلاقي مثلا حد بيغلط زي سواق الميكروباص بيكون الرد ان اللي سايق يغلط معاه وكأنه كده بيربيه أو يغلط مع حد تاني
يعني لو ميكروباص كسر علي أكسر أنا على اللي جنبي ويمر الموقف عادي كله بيعدي

إنما لو جيت للصح المفروض اننا نوقف سواقين الميكروبصات عند حدهم باننا ما نعديش ليهم الغلطات لو أمكان حتى لو غلطة سلوك مش مؤثرة

أنا مرة كنت ماشي بالليل على طريق بني سويف الشرقي وهو طريق واسع وكبير الجيش اللي عامله جه ميكروباص ورايا عاوز يعدي راح لازق فيا من ورا وللعلم انا كنت ماشي على 140 ومنور العالي زينون . أنا اضريت أوسعله
وفضلت ماشي قريب منه لحد ما قربنا على البوابات رحت شادد على 170 وعديته ودخلت قبله البوابة وبعد ما اتأكدت من أنه دخل وقفت العربية ونزلتله
قولتله كلمتين في التمام وقولتله عارف لو نورت الزينون ولزقت وراي تاني أنا هانزل أكسرلك الفوانيس واخدك القسم
في الأول مكانش فاهم أنا ايه اللي مش عاجبني باعتبار ان طريقته عادية يعني وأنا اللي بتنك عليه
بس لو كل واحد عمل معاهم كده أظن أن معظمهم هايتلم

[wawa_07]

السواقه فى مصر اصبحت بلطجة وقلة ادب وغباء ده مش كلة دى نسبه 98 و2 محترمين

[مهند النجار]

احسن مسافة امان

هي المسالة لو انا اسرع من اللي ادامي هعدية واسبقة

اما لو احنا الاتنين بنفس السرعة تبقي 5 متر

لو حد حاول يكسر تبقي 2 م

بعد ترجع 5


حلوة الفكرة دي