العودة   مصر موتورز مجتمع السيارات > منتديات السيارات العامة > حوادث السيارات

حوادث السيارات مواضيع حوادث السيارات للإستفادة منها و محاولة تجنبها


إضافة رد
 
أدوات الموضوع
  #1  
قديم 02-07-2010, 12:43 PM
الصورة الرمزية ashussein
ashussein ashussein غير متواجد حالياً
من انا؟: عاصم حسين
التخصص العملى: إدارة نظم ومعلومات / شبكات الغاز الطبيعي
هواياتي: السيارات,الكمبيوتر, السباحة
 
تاريخ التسجيل: Jun 2009
الموقع: القاهرة الجديدة-مصر
المشاركات: 93
ashussein has a spectacular aura aboutashussein has a spectacular aura about
افتراضي حكايتي مع حادثة موتوسكل ( واتصرفت إزاي )

السلام عليكم وحمه الله وبركاته

تعرضت لحادث فجائي وحبيت انصح الجميع عن ما تعلمتة وكيفية التصرف في مثل هذا الموقف ( حماكم الله )


وانا ماشي علي مهلي جدا عادي يعني وكلنا عارفين الشوارع المصري ومره وحده لاقيت واحد بموتوسيكل رشق في بوز العربية من الجنب لدرجة اني شوفتة بيطير والله في الهوا والموتوسيكل في ناحية وهوا في ناحية

وقفت بالعربية مزهول ايه اللي حصل
حضنت علي جنب ونزلت اشوف فية اية
سبحان الله ربنا الهمي ابوص حولين مني وعلي مكان الموتوسيكل واللي سايقة وفوجيئت ان
فية لون اخضر علي الارض وعرفت فورا انها الماية الخضرة بتاعت الردياتير
بابوص علي الاكسدام والفبر اللي تحتة والفوانيس لاقيتهم كل واحد في ناحية

* اول شيء عملتة اني شوفت الناس متجمعة واللي سايق الموتوسيكل بيتحرك عادي وماسك دراعة بس اتطمنت شوية
*بدئت اتصرف بعقل شوية وضربات قلبي بدئت تهدء علشان افكر
*قلت بأعلي صوتي ياجدعان حد شاهد اني ما صدمتش الموتوسيكل ده وانه هوا اللي غلطان رد علية بعض الناس اللي اتلمت وحد قالي ايوه انا شاهد ان انتو الاتنين ترددتوا مين يدخل فادخلتو في بعض
*سألتهم فورا شايفين ( بأعلي صوتي ) ما فيش فرامل في الارض يعني انا ماكنتش بجري شايفين ياجدعان

وبعد كده جية سعادة اللواء ( امين الشرطه النجدة ) وكلمني بتناكة ( الرخص والبوطاقة )
قلتله (( من غير ما تكتب ان مافيش اثر لفرامل وان الخبطه من الجنب ))
رد قالي (( عارف عارف ))

قولت الحمد لله (( رد قال تعالو ورايا علي القسم ))
قلتلة العربية زي مانتا شايف (( ماتت ومش هاتمشي من مكنها ))
يا جدعان انا كل ده عاوزاثبت اني ماكنتش بجري (((((( واثبت ده في المحضر واني لو نقلت العربية وحصل حاجة للواد اللي سايق ها روح في 60 الفف داهيية ))
))
المهم والحمد لله خدهم ( الرخص والبطاقة )) الامين والظابط اللي مانزلش من العربية اصلا وقالي (( قفل العربية وحصلني علي القسم

المهم جت عربية الاسعاف خدت الواد وحد طرفة شال الموتوسيكل ومشي بية ( ركب الموتوسيكل لانة سليم وراح بية للقسم ))
لاقيت نفي واقف لحودي واشلاء العربية في الارض

المهم رحت لامم كل شيء جوة العربية (( كل الفتافيت )) وقفلتها علي ما واحد صحبي جالي بسرعة خليتة واقف جنب العربية

ورحت القسم
خلوا بالكوا انا لسه مادخلتهوش والعربيه لسه في مكانها

المهم قابلت (( الامين اللي خد الرخص والبطاقة )) اول شيء سألتة علي الواد قالي ان الواد في المستشفي بس الحمد لله سليمه دراعه مكسور بس ))

((( هرشت امين الشرطة من عينة انه طماع وعاوز اي مصلحة )))
قلتله ممكن اتصرف ازاي دلوقتي

قالي ممكن تخليني اكلم اهل الواد وتحاول تخليها ودي ( تتصالحوا ويدار مادخلت لها شر))

جريت علي اهل الواد لاقيتهم هما اللي بيصلحوني وخايفين مني (( طبعا والحمد لله مش انا اللي غلطان ))
المهم عرفت ان الواد بخير

وجت رحلتي بقي مع (( امين الشرطه بعد ما إتصافيت مع اهل الواد ))

قلتله عاوز اعمل محضر (( علشان شركه التأمين ))

ضحك وقالي ومالة (( انا فهمته طبعا انه عاوز فلوس ))

والله ما رضي الا ب (( 150 جنية )) علشان يعمل محضد ضد مجهول علشان شركة التأمين رغم انه عارف ان الواد بخير وان الموتوسيكل مع اهل الواد ومافيش اصلا غيري انا اللي متضرر

المهم عمل المحضر (( قلتله عاوز صورته )))

قاللي لالالالالا بعد 3 ايام (( من النيابة ))

المهم

رجعت العربية فورا وكلمت دليل التليفونات 140 سألتهم عن اقرب (( سيارات لخدمة حوادث الطريق ))
والحمد لله عرفت في النهايا ان ممكن تسأل عن(( اقرب بنزينه فيها الخدمة ))
المهم جت العربية بتاعت السحب دي من البنزينه القريبة علشان توديهالي التوكيل خدت ( 235 جنية )

المهم الحمد لله اخيرا العربيه في امان وبعد 3 ايام فعلا رحت اخدت صورة المحضر من النيابة بعد ما لفيت ال (( 7 )) دوخات وبرقم المحضر


الشيء المهم اللي عاوز اقوله
1- لازم تخلي معاك قلم وورقه في العربية (( غير معداتك العادية ))
2- لازم تتصرف بدون (( زعيق ولا خناقات ))
3- شاحن موبايل في العربية علشان ها تتكلم كتير
4- توقف العربية فورا مكان الحادثة وتعرف فيه اية

ولازم لازم لازم (( تمشي علي مهلك وبلاش سباقات شوارع مصر مش مستحملة ))

5- اوعي تسوق وانتا مش مركز او تعبان

واخيرا ادعو الله لكم بالاستفادة من تجربتي وان يحفظكم جميعا يارب

اخوكم<!-- google_ad_section_end -->
رد مع اقتباس
  #2  
قديم 02-07-2010, 01:55 PM
remomeme remomeme غير متواجد حالياً
من انا؟: A girl love to drive fast
التخصص العملى: Multimedia Designer
هواياتي: Graphics, touring the archeological places and internet
 
تاريخ التسجيل: Dec 2009
الموقع: Cairo
المشاركات: 110
remomeme is just really niceremomeme is just really niceremomeme is just really niceremomeme is just really nice
افتراضي

الحمد لله علي سلامتك قبل كل حاجة و قدر و لطف و الحمد لله انك بخير و ان الراجل كمان بخير.


اشكرك جدا علي التفاصيل المهمه اللي شرحتها ، بس الظريف في الموضوع ان الظابط مش مغلط الولد بتاع الموتوسكل و كمان حسيت من كلامك انهم في القسم بيتعاملوا معاك علي انك انت اللي غلطان رغم انه متأكد ان انت الضحية؟؟؟؟!!!! و هوه ده العادي من مصر ptmnlo123per144


عموما ربنا يعينك علي مشواير التأمين و التصليح و مرسي كتير علي النصايح اللي قلتها .
رد مع اقتباس
  #3  
قديم 02-07-2010, 02:50 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: حكايتي مع حادثة موتوسكل ( واتصرفت إزاي )

شىء مؤسف فعلاً بس الحمد لله انك بخير وقدر الله وماشاء فعل
على حسب اللى حكيته انت مش غلطان بس فى شوارعنا مش كفايه انك تمشى صح وبس لازم كمان تاخد بالك من اللى ماشيين غلط حواليك وتتوقع فى اى وقت واحد طالع من اليمين او الشمال فى اى تقاطع
الف سلامة عليك وشكراً على النصائح القيمة جداً اللى ذكرتها
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #4  
قديم 02-07-2010, 02:57 PM
الصورة الرمزية أحمد فاروق سيد
أحمد فاروق سيد أحمد فاروق سيد غير متواجد حالياً
من انا؟: عبد الله
التخصص العملى: محاسب قانونى
هواياتي: القراءة والأنترنت
 
تاريخ التسجيل: Sep 2009
الموقع: مصر
المشاركات: 2,283
أحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond reputeأحمد فاروق سيد has a reputation beyond repute
افتراضي رد: حكايتي مع حادثة موتوسكل ( واتصرفت إزاي )

ألف حمد لله على سلامتك
وفداك ... إن شاء الله خير
ربنا يسترها معانا كلنا
وأؤيدك تماماً فى النصائح الغالية اللى ذكرتها وأشكرك عليها

__________________









رد مع اقتباس
  #5  
قديم 03-07-2010, 04:55 AM
الصورة الرمزية lol64
lol64 lol64 غير متواجد حالياً
 
تاريخ التسجيل: Oct 2009
الموقع: لقاهره
المشاركات: 3,532
lol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond repute
افتراضي رد: حكايتي مع حادثة موتوسكل ( واتصرفت إزاي )

حمد لله على سلامتك وده العادى طبعا انك تدفع فى اى مكان والا هايطلع عنيك
انا والله عندى عقده من الموتوسيكلات دى وخصوصا بتوع الدليفرى الله يحرق البطاله واللى بتعمله فى الشباب
رد مع اقتباس
إضافة رد

الكلمات الدليلية
موتوسيكل, تأمين سيارات مصر, حادث سيارة

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:25 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017