|
#16
22-10-2011, 01:28 AM
|
|||
|
|||
رد: اجيب نيسان صنى و لا لأ
بص يا باشا ...
انا معايا لانسر 1600 اتوماتيك 2008 خليجي .. و جوز اختي سابلي الصني 2010 مانيوال لمدة سنة مركونة عندي و سوقتها كتير .. و صراحة .. انا لا انصحك بالصني الا في حالة واحدة .. انك معاكش غير ال 100 الف و موش هتعرف تزود عنهم مليم واحد .. لانه زي ما قال د/ اسلام .. السعر ده مفهوش غير الصني .. بس لو تقدر تزود سنة .. و تجيب الالنترا الشكل القديم .. او اللانسر البومة ( غالية شويتين ) او السيراتو ( غالية برده ) .. بس دول كلهم عربيات احسن100 مرة من الصني.. و خصوصا اللانسر مننكرش انه الصني ثابتة على الارض .. و سحبها موش بطال .. بس العربية الصراحة لن ترقى لتوقعاتك منها .. ضيقة .. تكييفها نص نص عفشتها نص نص و استهلاكها للبنزين عالي 180 للصفيحة تقريبا .. و غلسة جدا في السواقة .. هي عربية نص نص .. يعني لو تقدر تزود سنة .. و تجيبلك لانسر او النترا يبقى احسنلك .. و ربنا يكرمك ..
__________________
Dr.wael el7yran
|
|
#17
22-10-2011, 08:19 AM
|
||||
|
||||
رد: اجيب نيسان صنى و لا لأ
كل العربيات الي في نفس فئة الصني تكسبها بس سعر الصني يكسبهم كلهم كمان مساويئ الصني لا ترتقي للمشاكل الحقيقية أنا بس مختلف معاك في حكاية التكييف النص نص دي ماشي كمان العفشة حلوة جدا إيه تعليقك بالظبط على العفشة؟. إتزان سحب تجميع إعتمادية كله زي الفل. لو هتزود على فلوسك هات إلانترا جمييييييييلة. لو مش هتزود يبقى مافيش قدامك غير الصني.
__________________
 
|
|
#18
22-10-2011, 08:21 AM
|
||||
|
||||
رد: اجيب نيسان صنى و لا لأ
تقبل تحياتي. 
__________________
|
|
#19
03-11-2011, 11:16 AM
|
|||
|
|||
|
رد: اجيب نيسان صنى و لا لأ
انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم. ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM. العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل. سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية. العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية. بصوا للسوق وشوفوا العربيات بالامكانت دى بكام اما البكانتو 2011 1300 cc 96000 جندى. نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام. غيروالزيت واستخدموا valvoline او lquimoly انا فرق معايا جدا لما غيرت موبيل1* وجبت فالفولين واستهلاك البنزين فرق معايا جدا. واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة واى استفسار انا فى الخدمة
|
|
#20
16-01-2012, 03:36 AM
|
|||
|
|||
رد: اجيب نيسان صنى و لا لأ
كلامك ده حاجه من اتنين يأما سياره زوج اختك دى متعرفش حاجه اسمها صيانه خالص وبالتالى فهو مش مركز عليها اوى نظرا لانشغاله معظم الوقت فى امور اخرى وبدليل انه تركها لك ثانيا والاهم بقى السياره ممتازه جدا جدا فى سواقتها ومفيش اروع من كده وعلى فكره اليى بيكلمك ده واحد عنده 45 سنه وجربت جميع انواع السيارات اليى تخطر على بالك المشكله التانيه بقى هو تقييمك لسياره بطريقتك انت الشخصيه بمعنى العفشه نص نص العفشه دى بالزات اجمد عفشه فى الفئات الموجوده فى السوق زى الالنترا والاوبترا والسيراتو وعفشه رياضيه كمان فى كل موديلات 2011 و 2012 بس هى المفروض انك تظبط الكاوتش بضغط اقل عشان ترتاح معاك وعشان طرق مصر اليى كلها مشاكل دى ومطبات لا تحصى ولا تعد موضوع ضيق الكنبه الخلفيه بقى انا مش شايف ده خالص فى موديل 2012 موضوع استهلاك البنزين بتعمل 220كم داخلى البلد وعلى فكره فتيس سيارتى اوتوماتيك و270كم فى خارج المدينه وكنت مشغل تكييف نص ساعه بالظبط ومعدل سيرى 100 الى 120 الى 140 الى 150 كيلو فى الساعه وعلى فكره تانيه برضه السياره لسه بتلين يعنى عامله 1300 كيلو بس وبرغم كده بقولك على المعدلات دى يمكن بقى الموديلات اليى تحت 2012 موجود فيها الكلام ده برضه الله اعلم بذلك بس الخلاصه موديل 2012 ممتاز مع مرتبه الشرف وقطع غياره متعدده وكمان فيه مستعمل وزى منت عاوز واى ميكانيكى شاطر يشتغل فيها وعلى فكره كمان صاج 2012 افضل مليون مره من صاج الانسر ولو الانسر اتخبطت لا قدر الله عمرها مبترجع تانى زى الاول لو خبطتها عفيه لا سمح الله وبيبقى شكلها مكعبل ويصعب على امه لا اله الا الله التكييف بقى اول مره اشوف واحد يعقب على تكييف الصنى انه ضعيف الكل بيقول تكييف تلاجه مش معنى ان سياره قريبك مش بتبرد كويس يبقى معنى كده ان تكييف الصنى كله محكوم عليه بالاعدام طبعا لا ..عندك تكييف قمه فى الاحترام اربع سرعات ومبيتأثرش بالموتور خالص وسحب السياره بيبقى زى مهو وبخصوص الصديق اليى بيقول اللوجان افضل اركب اللوجان وشوف الكراسى من جوه عامله ازاى حتلائى فرق السما بالارض بين الكرسى الامامى فى الراحه بين اللوجان والصنى وطبعا الفرق لصالح الصنى لانى ركبت الاتنين لكن الوسع الداخلى لصالح اللوجان طبعا غير كده ثبات الصنى افضل بكتيييييييييييير من اللوجان والسيراتو والانسر برضه لان عفشتها رياضيه غير كده فيها عمود اتزان خلفى لثبات السياره فى المنحنيات وعلى سرعات عاليه وعشان كده انت بتحس ان العفشه سيئه لانك بتشعر بدبه المطب وزى مقولتلك الكاوتش عليه عامل مهم جدا فى المطبات ايضا على السرعات العاليه السيراتو بقى التحكم فيها سيىء جدا جدا شكل رياضى عالفاضى لكن مع الاسف غير رياضيه شكل وبس اما النيسان صنى فرامل عاديه كأنها سيرفو حتى الاوتوماتيك فى الصنى سرعتها ومعدل تسارعها هايل جدا اللوجان لغايه 2012 مفيش منها اوتوماتيك اصلا غير كده قطع غيارها اغلى من الصنى والسيراتو كمان ومفيش لوجان قطع غيار استعمال لغايه دلوئت هى سياره ممتازه منكرش بس مش بنفس مزايا الصنى خالص وعاليه من ورا وبتعوم على السرعات العاليه نظرا لعلو شنطتها يعنى الخلاصه الكفه لصالح الصنى والكروز جميله برضه زى الصنى بس شوف بقى تمنها كام الخلاصه بكل المقاييس اتمنى اكون افدتك على الاقل فى موديل 2012 لنيسان صنى عشان اكون دقيق معاك فى الكلام واعتبرها هى افضل سياره موجوده بين مجموعه السيارات الموجوده والمذكوره ايضا من كافه النواحى وليس من جانب واحد فقط ودمتم بخير التعديل الأخير تم بواسطة elgdawy2007 ; 16-01-2012 الساعة 04:12 AM
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| احدث جهاز لكشف اعطال جميع انواع السيارات launch pro3 | شركة الجراج | مراكز الصيانة | 0 | 18-11-2014 03:32 PM |
