مغامرات أبو كمال فى الصحارى و الجبال من الكويت لمصر

[bmkbmk]

<o:p> </o:p>

السلام عليكم يا شباب مصر موتورز<o:p></o:p>

<o:p> </o:p>

بعد رحلة الذهاب و العودة من الكويت لمصر عن طريق السفر برا و ما فيها من متعة و عناء حبيت اعمل لكم موضوع عن الرحلة دى لعل من يفكر فى السفر برا بالسيارة يستفيد و من لا يفكر به يتدبر و يعتبرJ <o:p></o:p>

<o:p> </o:p>

كانت اول رحلة سفر برى بالنسبة ليا فى شهر يناير سنة 2004 و كانت رحلة ممتعة ذهابا و ممتعة اثناء التواجد فى مصر و متعبة جدا فى العودة نظرا لأن الواحد بيبقى حاطط فى باله انه هيسوق 2400 كيلو متر علشان يرجع الكويت للشغل و الطحن و الضغط النفسى و الرحلة الاولى دى كنت لسة عازب.<o:p></o:p>

<o:p> </o:p>

بعد الزواج والحمد لله ربنا رزقنى ببنوتين بدأ السفر البرى يلعب فى دماغى مرة تانية لأن الحركة فى مصر هتكون صعبة جدا من غير عربية بصراحة مع وجود زوجة و اطفال ففكرت جديا فى السفر البرى و بدأت فى الاجراءات لرحلة البرى سنة 2009 <o:p></o:p>

اللى هى <o:p></o:p>

<!--[if !supportLists]-->1-<!--[endif]-->اول حاجة لازم اشوف حد ينزل معايا لأن ده مهم جدا بصراحة علشان يكون ونس فى الطريق و لو لاقدر الله حصل اى حاجة يكون فيه حد معايا و الحمد لله لقيت أحد الاصدقاء عاوز ينزل برى و هو بينزل برى كل سنة و له خبرة جيدة بالطريق.<o:p></o:p>

<!--[if !supportLists]-->2-<!--[endif]-->عملت تريبتك من النادى الاهلى الكويتى للسيارات<o:p></o:p>

<!--[if !supportLists]-->3-<!--[endif]-->عملت فيزا مرور من سفارة السعودية بالكويت<o:p></o:p>

<!--[if !supportLists]-->4-<!--[endif]-->كان لازم اظبط فى العربية شوية حاجات و هى كما يلى <o:p></o:p>

<o:p> </o:p>

تغير 4 فرد كاوتش ( مع ان القدام ماكملوش سنة و 4 شهور)<o:p></o:p>

تغير جميع الزيوت و السيور و تغيير البوجيهات <o:p></o:p>

تركيب كسوة لكراسى السيارة<o:p></o:p>

ظبط مشكلة الكهرباء بالسيارة (الدينامو كان مخرف شوية) <o:p></o:p>

عمل تشييك عام على كل السيارة<o:p></o:p>

<o:p> </o:p>

رحلة الذهـــــــــــــــــــــ ــــاب<o:p></o:p>

<o:p> </o:p>

خط السير الرحلة هو كما يلى <o:p></o:p>

<o:p> </o:p>

الكويت–حدود الكويت و السعودية - السعودية - حفر الباطن – رفحاء - عرعر – سكاكة – تبوك – حقل - حدود السعودية و الاردن (منفذ الدرة) - الاردن – الاردن العقبة - عبارة من العقبة الاردنية الى نويبع المصرية - نويبع – طابا- نخل – نفق الشهيد احمد حمدى – السويس – القاهرة – طنطا <o:p></o:p>

<o:p> </o:p>

<o:p> </o:p>


<o:p></o:p>

<o:p></o:p><o:p> </o:p>

<o:p> </o:p>

و بدأت رحلة الامل و الرجاء J فى صباح يوم الخميس 18 – 06- 2009 بالخروج من العمل فى العاشرة صباحا بعد الاستئذان و تفويل السيارة و رش مقدمة السيارة بمادة خاصة لكى لا يتاثر الطلاء بالرمال المتطايرة فى الطريق اثناء السير بسرعات عالية تم الانطلاق الى نقطة اللقاء مع صديقى اللى هيسافر معايا مع سيارته الكامرى و صديق له سوف يشاركنا الرحلة و اتقابلنا على الطريق الدائرى السادس السريع و طبعا قعد يأتتنى انى اتأخرت عليه و ضيعت عليه يوم فى الشغل ... المهم انطلقنا الى حدود الكويت ووصلنا بعد ساعة و نص تقريبا بعد شوية عطلة علشان كان فيه حادثة (يا سلام من اولها كدة بشرى خير J ) و احنا ماشيين كمان على الطريق المؤدى للسالمى (منفذ الحدود الكويتى) كان فيه اشغال تام للحارة اليمنى من الطريق نتيجة تحركات الجيش الكويتى بمعداته الثقيلة و سيارات الهمر ذات اللون الرملى اللى بنشوفها فى التليفزيون دى على شوية عربيات تانية و دبابات متشالة فوق عربيات و كانت الاجراءات على الحدود سهلة و ظريفة لم تتعدى 10 داقائق فى حدود الكويت و ربع ساعة فى حدود السعودية و الاجراءات عبارة عن ختم التريبتك و الجوازات و تفتيش صورى للحقائب و اخذ بصمة فى السعودية ان لم تكن مأخوذة من قبل و دفع تأمين 70 ريال على السيارة عند دخول السعودية<o:p></o:p>

<o:p> </o:p>

نزلنا صلينا الظهر و العصر جمعا و قصرا بعد الدخول الى حدود السعودية و انطلقنا الى حفر الباطن و هى 100 كيلو من الحدود طريق فردى و مكسر و كنا ماشيين على سرعة متوسطة 150 و هى مشكلة الطريق الفردى عموما بتكون فى تجاوز السيارات البطيئة و الاضطرار للمشى فى المعاكس اثناء ذلك التجاوز و الحمد لله دى ما كانتش مشكلة كبيرة بالنسبة ليا لأنى كنت باجى فا المعاكس لما يكون فاضى و اعمل كيك داون اكون عديت خلاص و العضو العزيز سومو جرب الكيك داون عندى فى العربية و يقدر يقول لكم عليها<o:p></o:p>

<o:p> </o:p>

المهم وصلنا حفر الباطن و فولنا العربيات و انطلقنا اللى المدينة التالية و هى رفحاء و طريقها بردة مكسر و وحش بس مش فردى ... طريق مزدوج و ريحنا فى رفحاء شوبة و كلنا كبسة و برمة سعودي كبست على نفسنا J بس الاكل فى السعودية طعمه حلو بصراحة و بعدين كل واحد شربله واحد قهوة و انطلقنا .. و بعد رفحاء المفروض نتجه الى عرعر و تهنا شوية على ما وصلنا للطريق الصحيح و كان الجى بى اس فصل لأن للأسف الرومنج (التجوال) بتاع الخط ماشتغلش و اكتشفت ان عشان الجى بى اس يشتغل لازم يكون فيه خط تليفون شغال بس الاكتشاف ده كان على اخر الليل و حطيت خط تانى كان معايا و اشتغل الجى بى اس الحمد لله اللى كان دوره تأكيدى على اننا ماشيين صح و كنت بشوف انحناءات الطريق على الجى بى اس قبل ماامشى عليها فى الحقيقة و ده بصراحة كان بينفع جدا خصوصا بالليل و الطرق مافيهاش اضاءة.<o:p></o:p>

<o:p> </o:p>

المهم وصلنا عرعر بعد طريق زى الحرير و مزدوج بره و صلينا المغرب هناك و خدت لى مج نسكافيه من الترمس اللى معايا اللى كان مليان نسكافيه بلاك J و انطلقنا الى مدينة سكاكة و وصلنا على الساعة 10 بليل تقريبا بس كنا هلكنا بقى فا قعدنا شربنا قهوة تانى و انا شربت 2 ريدبول (على فكرة مابيعطيش جوانح ولا حاجة J ) بس هو بيفوق جامد جدا نظرا لوجود كمية كبيرة من الكافيين فيه<o:p></o:p>

<o:p> </o:p>

و بعد سكاكة المفروض ننطلق الى تبوك و بين سكاكة و تبوك حصل حتت موقف مش ممكن يتنسى ابدا <o:p></o:p>

كنا ماشيين بالليل انا و رفيق الكفاح على 150 او 160 و فجأة لقيته بيفرمل جامد قوى و بيطير من فوق مطب فا قلت هو شاف المطب فجأة و لبسه فا فرملت طبعا انا كمان و سبت الفرامل قبل المطب على طول و طرت من فوق المطب و بعدين طرت تانى من فوق مطب رمل و السى دى سف J و لقيت نفسى ماشى على حصى مش على اسفلت لحد ما العربية وقفت طبعا فضلت اتشاهد شوية و بعدين لقيت صاحبى جيلى بعربيته بيقولى (حصل لك حاجييية) حاكم صاحبى ده واخد الحياة ببساطة جدا و الدنيا لذيذة عنده ... قولت له معرفش انا مش فاهم حاجة و لا فاهم ايه اللى حصل اصلا<o:p></o:p>

<o:p> </o:p>

اتاريها كانت حتة فى الطريق فيها شغل و فيها تحويدة بزاوية 90 درجة من غير يفطة ولا علامة غير المطب <o:p></o:p>

المهم اطمنت على العربية و قعدت احمد ربنا انها جت على قد كدة و مكنش فه عربيات جاية على الطرق اللى قطعناه ده ساعتها و كان حصل ما لا يحمد عقباه.. و دى صورة توضيحية للى حصل...<o:p></o:p>

<o:p> </o:p>

<!--[if gte vml 1]><v:shape id="_x0000_i1027" type="#_x0000_t75" style='width:422.25pt;hei ght:231.75pt'> <v:imagedata src="file:///C:\DOCUME~1\Ruby\LOCALS~1 \Temp\msohtml1\01\clip_im age003.png" o:title=""/> </v:shape><![endif]--><!--[if !vml]-->


<!--[endif]--><o:p></o:p>

<o:p> </o:p>

المهم انطلقنا تانى بعد ما تمالكت اعصابى بس خليت بينى و بين صاحبى ده مسافة لا تقل عن نص كيلو بدل العشرين تلاتين متر اللى كنت سايبهم بينى و بينه ووصلنا الى تبوك بسلام و الحمد لله و بقى لنا على الوصول لحدود السعودية مع الاردن مسافة ليست بالكبيرة نصفها فى منطقة يستمتع بها المرافق بجمال مناظر الجبال الطبيعية ذات الالوان المختلفة و الاشكال الرائعة و ينكب فيها السائق على الدركسيون بتركيز 100000% لكى يعبر المنحنيات الحادة التى يتخللها الكثير من المطالع و المنازل بسلام و هى منطقة (بئر بن هارمز) و هذه صورة لها من جوجل ايرث و مما يقلق فى هذه المنطقة ايضا و جود بعض السيارات (المتفرتكة) على جانبى الطيق .. ربنا يستر علينا J<o:p></o:p>

<o:p> </o:p>

<!--[if gte vml 1]><v:shape id="_x0000_i1026" type="#_x0000_t75" style='width:203.25pt;hei ght:573.75pt'> <v:imagedata src="file:///C:\DOCUME~1\Ruby\LOCALS~1 \Temp\msohtml1\01\clip_im age005.png" o:title=""/> </v:shape><![endif]--><!--[if !vml]-->


<!--[endif]--><o:p></o:p>

<o:p> </o:p>

<o:p> </o:p>

فكان لازم نريح شوية و ناخد المنطقة دى بالنهار .. المهم ريحنا ما يقل عن الساعة و انطلقنا بعون الله و وصلنا الى مدينة حقل السعودية على الحدود الاردنية و عدينا الحدود فى نص ساعة و دخلنا الاردن و عدينا الحدود فى نص ساعة زيها بس الدنيا كانت سهلة يعنى الحمد لله و دخلنا الى ميناء العقبة فى التاسعة صباحا و بدأت معاناة ختم التريبتيك و حجز العبارة (اللانش السريع) و ختم الجوازات ثم الانتظار الى الساعة الثانية ظهرا حتى يبدا اللانش فى التحميل و تخيلوا بقى الانتظار مع التعب ده كله ... صديقى اللى كان معايا ده هو و الاخ الله معاه <o:p></o:p>

<o:p> </o:p>

عملو حركة جريئة جداااااااااااااااااااا و طلعو المينى بوتجاز اللى كان معاهم و علبة فول و جبنة و خيار و طماطم و عيش J و فرشوا و قعدو يعملو الفول علشان نفطر و قلتلهم يا جماعة انا معايا ساليزونات و كرواسون و شيبسى ...قاموا ضاحكين عليا و قالولى هو ده يعمل معانا حاجة طب ماحنا كمان معانا كرواسون J و بعدين طلعو الكنكة علشان نعمل شاى بقى و نحبس J و بالفعل تم عمل الشاى و الله العظيم احسن كباية شاى شربتها فى حياتى .. كانت حلوة قوى و جاية فى وقتها قوى و انا طبعا عاوز انفجر فى الضحك من منظرنا الجماعة خلصو اكل و شالو الحاجة و ريحو على الحصيرة .. انا قلت فى نفسى لأ بقى كفاية كدة حراااام مش للدرجة دى.. و استأذنت منهم انى مابعرفش انام على الارض (طبعا قالو عليا عيل فافى) و رحت العربية و شغلت التكييف و فردت الكرسى و كنت طبعا هموت من التعب و الفول كابس على نفسى فا نمت فى خلال 3 دقائق و ماحسيتش الا بعدها بساعة و نص و صديقى بيخبط على زجاج السيارة علشان العبارة بدأت تحمل , ودى العبارة السريعة من جوة



J <o:p></o:p>

<o:p> </o:p>

دخلنا العربيات و طلعنا فوق فى العبارة الزحمة مووت و التكييف كان شغال نص نص و فيه ناس لابسة كمامات علشان انفلونزا الخنازير... المهم لحقنا لنا 3 كراسى حلوين كدة و يللة مش مشكلة نستحمل الساعة ولا الساعتين دول باى طريقة و وصلنا اخيرا ميناء نويبع المصرى ... اهلا بيك فى ارض الوطن ... دى ماكانتش يفطة مكتوبة ولا حاجة دى كلمة الواحد كان بيحس بيها فى تصرفات و نظرات كل الناس اللى عايزين ينهبوا اى حاجة و خلاص ... المهم ربنا سهلها و كنت مظبط مع واحد والد صديقى بيشتغل مدير بنك فى نويبع الله يكرمه الراجل بعت لى امين شرطة لحد العبارة و خلص لى الاجراءات كلها و انا واقف جنب العربية فى خلال مدة لا تتجاوز ساعتين J فى الساعتين دول شفت العجب المفروض العربيات اللى بتوصل بيتعمل لها فحص مخدرات و متفجرات و جمارك وطفاية حريق و حاجات تانية كدة مش فاكرها المهم من اول اللى بينزل الشنط و اللى بيركب نمر الجمرك و اللى بياخد رقم الشاسية و كل اللى بيعملو الفحص طبعا عاوزين ينهبوا اكبر قدر ممكن من الفلوس و عساكر قسم المخدرات عمالين يوزعوا مخدرات على بعض قدام الناس .. يا نهارابيض ... الفساد للدرجة دى منتشر ... لا حول ولا قوة الا بالله العلى العظيم .. و فيه ناس من جميع الجنسيات العربية جايين معانا .. منظرنا قدامهم زبالللة و اشهر جملتين هناك (حمدالله على السلامة يا بيه) و (كل سنة و انت طيب يا بيه) و الامين ده ظبطنى فى مبلغ غير اكراميته بس مش مشكلة .. اهو سهل عليا المواضيع المهم رحت لوالد صاحبى شكرته فى البنك اللى قدام المينا و استاذنت علشان الحق اوصل بيتنا و اريح .




<o:p></o:p>

<o:p> </o:p>

المهم انطلقنا من نويبع و انا بالعن فى النظام فى مصر و كل اللى خارجين من المينا معايا طبعا نفس الحكاية و سلكت طريق طابا نظرا لأن الطريق التانى كان مغلق و طريق طابا ده كله على البحر و جبال طالعة و جبال نازلة بزوايا انحدار زى بتاعت قطار الموت فى الملاهى و احنا ماشيين على طرف الجبل و البحر تحتنا بمسافة تقدر بارتفاع عمارتين تلاتة J هى ناقصة شد اعصاب و بعدين منطقة روعة فى الجمال بين الجبال.



<o:p></o:p>

المهم ربنا سلمها و عدينا الحتة دى متجهين الى مدينة نخل بوسط سيناء و البنزين بيشطب منى و احنا داخلين نخل و كل ما نعدى على كمين نسمع الجملة المشهورة ( كل سنة و انت طيب يا باشا ) او (قهوتنا عندك النهاردة يا باشا ) من السادة امناء و افراد الشرطة و انا طبعا حالق و منفض تماما ... المهم فولت بنزين لأول مرة فى مصر و دفعت 115 جنيه .... يا لهوى ازاى ده ... دا كدة البنزين ال 92 فى مصر ضعف تمن البنزين 95 فى السعودية و مرة نص تمن 95 فى الكويت .... صباحو اناناس و انا عربيتى بعيد عنكم 5700 سى سى فا عرفت مصيري مع البنزين هايكون عامل ازاى فى الاجازة وبجد الله يكون فى عون الناس فى مصر ......<o:p></o:p>

<o:p> </o:p>

و فاضل فى سينا المسافة من نخل للسويس و دى من اوحش المناطق فى الطريق كله حيث الطريق الفردى (ده من اول نويبع) بس اللى يزيد بعد نخل كثرة مناطق العمل و كثرة الاماكن التى تغطى الرمال بها حارة كاملة من الطريق فا ممكن الواحد يتقلب بكل سهولة و لو فادى الرمل ممكن يلبس فى اللى قدامه بكل سهولة <o:p></o:p>

<o:p> </o:p>

و انا سايق فى المنطقة دى كنت بقول .... ايه اللى خلانى اعمل كدة فى نفسى بس ... ما كانو ساعتين فى الطيارة و خلاص ... يا رب هونها ..و كمان صديقى تعب و المفروض هو اللى ماشى قدامى و عارف الطريق .. فوت الدخلة بتاعت نفق الشهيد و كمل على طول لحد ما لقيت يفط بتقول قرية كذا و مدينة كذا فا قلبت له و جيت جنبه و سالته اذا كان متأكد اننا ماشيين صح قالى ايوا ماشيين صح J . قلت له معلهش طيب نسال اخر كمين عدينا عليه قالى ماشى روح اسال و انا مستنيك.. رجعت سألت قالى دخلة النفق فاتت لازم ترجع لها 15 كيلو.. شكرا بس الحمد لله انها جت على 15 كيلو ... بسيطة و طلب منى عسكرى الكمين انى اوصل واحد معايا لحد دخلة النفق قلت له هاته يله اهو كلو بثوابه و ركب الاخ معايا و شكله بصراحة كان مريب و انا قاعد اقول ايه اللى بيحصل لى ده و انا بصراحة كنت جايب اخرى ومتنرفذ جدا و تعبان من الطريق و من صاحبى اللى ماشى و انا معتمد انه عارف الطريق المهم اديته الو و قلت له لف و ارجع و قصدت اعمل كدة بصوت عالى عشان اللى راكب معايا ده يعرف ان معايا ناس مش لوحدى و بصراحة كنت شاكك انه ممكن يكون شايل الة حادة ولا حاجة يغزنى و يسرقنى ويهرب و بقول فى بالى ان بعض الظن اثم... المهم كنت سايق على 150 و عمال اقلب لاى حد ييجى قدامى علشان اللى جنبى يكش و يترعب شوية و لو بيفكر فى اى حاجة يرتجع و الباشا ده بقى قعد فتح لى تحقيق .. هى العربية دى نوعها ايه و انت شغال ايه و فين و متجوز ولا لأ و عندك عيال ايه ,,, هو فيه ايه و بعدين قعد يحكى له قصة حياته انه كان راكب موتوسيكل هو و واحد صاحبه و اتقلب بيهم و عسكرى الكمين الله يكرمه قاله استنى هاوقف لك حد يوصلك (الله طيب صاحبه راح فين؟؟؟) و ده اللى كان مشككنى فيه اكتر المهم فاتو ال 15 كيلو بسلام و نزلته و برده قالى كل سنة و انت طيب J قلت له و انت طيب يا حبيبى ...و خلعت طبعا<o:p></o:p>

<o:p> </o:p>

. المهم وصلنا السويس بعد حرقة اعصاب و عدينا النفق و قعدنا ساعة ريحنا و شربنا قهوة و ده كان الساعة 12 بليل بس كانت هانت خلاص كلها 220 كيلو و الواحد يكون فى البيت ان شاء الله<o:p></o:p>

و انطلقنا فى طريق السويس القاهرة على سرعات جنونية بالنسبة لمصر و طرقها ... 140 كيلو J ده طبعا لأننا كنا ميتين من التعب و الدنيا ليل و الطريق مليان منحنيات<o:p></o:p>

<o:p> </o:p>

لحد ما وصلنا الدائرى و من الدائرى نزلة الزراعى الذى كان مكتظا بالتريلات و العربيات العادية كمان لأننا كنا فى مساء الجمعة ... المهم بقى فعلا فاض الكيل... انا وصلت من القاهرة لطنطا (90 كيلو متر) فى مدة لا تتجاوز نص ساعة .. تخيلو انا كنت ماشى ازاى و كمية الغرز اللى كنت باخدها و السرعات الجنونية بجد وصلت 190 و 200 على الطريق الزراعى و العادى كان 150 ... و الطريق زى ال......<o:p></o:p>

لحد ما وصل صديقى لبيته قبل بركة السبع بشوية و نزلت سلمت عليه و انا كملت لحد طنطا ووجدت الاهل فى الانتظار و ركنت العربية فى جراج فى العمارة و طلعت سلمت على اهلى ومراتى وشفت بناتى و كان فيهم واحدة اول مرة اشوفها ... كان عمرها شهر واحد فا نسيت كل تعب الطريق و الحمد لله حسيت بسعادة كبيرة جدا و بعد الدش التمام كان فيه عشوة تمام بط ووز و حمام J و استاذنت من الناس و انطلقت فى سبات عمييييييييييييييييييييق و صحيت تانى يوم و نمت و صحيت و نمت لحد ما فقت الحمد لله<o:p></o:p>

<o:p> </o:p>

و هى دى كانت رحلة الذهاب <o:p></o:p>

<o:p> </o:p>

<o:p> </o:p>

انا اسف على الاطالة و انتظروا حكاية رحلة العودة من مصر الى الكويت .. بس المرة دى كان معايا مراتى و بناتى .. فانتظروا المواقف اللى حصلت فى هذه الرحلة العجيبة <o:p></o:p>

<o:p> </o:p>

<o:p> </o:p>

[AbOnOrA]

رحلة جميلة ومشوقة جدا فكرتنى بسفريات مطروح وشرم مع الفارق طبعا بس انت شكلك تعبت فيها جداً وخاصة الراجل ابو متوسيكل ده عملك وش فى دماغك بس معلش اهو ثواب اخدتة اكيد

بس هو فعلا السفر سواء براً او بحراً هو السفر ومتعتة لكن الطيران ده مبيتحسش سفر خالص
حمدالله على السلامة تانى يا كيمو وفى انتظار مغامرات اخرى

[bmkbmk]

المشاركة الأصلية كتبت بواسطة AboNoRa رحلة جميلة ومشوقة جدا فكرتنى بسفريات مطروح وشرم مع الفارق طبعا بس انت شكلك تعبت فيها جداً وخاصة الراجل ابو متوسيكل ده عملك وش فى دماغك بس معلش اهو ثواب اخدتة اكيد بس هو فعلا السفر سواء براً او بحراً هو السفر ومتعتة لكن الطيران ده مبيتحسش سفر خالص حمدالله على السلامة تانى يا كيمو وفى انتظار مغامرات اخرى

ربنا يخليك يا ابو نورا .. الله يسلمك
و فعلا السفر بحرا او برا هو السفر بجد بكل ما فيه من متعة و عناء و تجارب شيقة

[محمود حسن]

يا سلام رحلة ممتازة وطريقة سردك لها رائعة

وحمد الله ع السلامة

ولي صديق منذ اسابيع قليلة نزل ايضا من الكويت بسيارته وكان فرحان جدا بالرحلة وكان معاه في الرحلة عائلته


لكن مشاكلة للاسف كانت مع السيارة في مصر البنزين خفيف جدا والتوكيل انتهازي في قطع الغيار دة غير الزحمة هههههه

واشكرك مرة اخرى

[islam_galal]

الحمد لله علي سلامتك ياابوكمال
ياااااااه ، الواحد بينهج و هو بيقرأ الحكاية ، كان الله في العون
نصيحو ، أوعي تركب حد متعرفوش أبدا حتي لو مش شايل حاجة في ايده ، ممكن حرامي أو تاجر مخدرات و انت الضحية في الحالتين

ربنا يقويك و نشوفك الصيف الجاي و منتظرين رحلة العودة