ممكن اعرف مميزات و عيوب مازدا 929 و بيجو305 فى اقرب وقت

[عماد زيدان]

ممكن اعرف مميزات و عيوب مازدا 929 وبيجو 305 وفيات 132 وسعرهما ولكم جزيل الشكر و ايهما افضل بالترتيب وشكرا

[wael_khaled]

بص انا ممكن اكلمك على ال 929 لانى ركبت عربيتين مازدا واحده موديل 84 والتانيه موديل 83 وركبت كل واحده فيهم سنتين هى عربيه ممتازه عربيه ثقيله وبتجرى وعظم الكماليات موجوده - لو شغاله طبعا - مليانه مميزات يعنى كانت معايا فيها مثبت سرعه تكييف باور سنتر 4 زجاج كهرباء - شنطة وتنك كهرباء فتحة سقف كهرباء مرايات كهرباء يعنى ما اعتقدش انك ممكن تلاقى عربيه زيرو فيها اكتر من كده لا وايه يابانى يعنى قصه
نيجى بقى للعيوب وهو ده المهم اسعار قطع الغيار معقوله - بس بتقل وها تتعب علشان تلاقيها ممكن تلاقى عفشه وميكانيكا بس صالون واكسسوارات وفوانيس صعب انا مرة روحت طبخت 4 اوكر للابواب لما يئست من انى الاقيهم ولا حتى فى بورسعيد وكان الحل انى اشتر اربع ابواب ب 1000 جنيه علشان اوكرتين طبعا الطبخ كان اسرع بس النتيجه مش قوى
سعر اعادة البيع - عربيه تقيله واللى فاهمها وبيحب يشتريها قليل وبالتالى تقيله فى بيعها وسعر اعادة البيع مش قد كده
بعد كده انت حر انا بعد كل اللى قولتهولك انا بحبها بس تعبتنى - ولو لقيتها سليمه 100% يبقى ها تبقى غاليه ولو قدرت على تمنها لو حصل فيها حاجه مش ها تعرف ترجعها زى ما كانت بسهوله


مغومات عن البيجو ال 305 بس مش معومات واحد ركب لانى ما اشترتهاش قبل كده اعرف عنها انها ملهاش سوق اسعار قطع غيارها نار مرة واحد قالى طقم الدبرياج ب 2500 جني الاصلى وتالعربيه كله ممكن توصل من 10 ل 15 والماتور بالعرض ومش اى حد يعرف يشتغل فيه وعربيه برضه مش محبوبه فى البيع والشراء

ال 132 الف من يفيدك بس بلاش انا لانى مليش فيها تجارب


نصيحه رنج السعر بتاعك لو اقل من ال 20 دور على 128 نضيف امكانيات قليله بس عربيه تساوى فلوس لما تحب تبيعها مش ها تدلل عليها ها تلاقى زبونها بسهوله. لو اكتر من ال 20 شوف ال شاهين تحفه او خش على الناعم زى الاكسيل يعنى من الاخر امش مع السوق شوف ايه اللى بيتباع واشتريه علشان ما تغرزش فى عربيه ما تعرفش تطلع منها بسهول لانى مجرب كان معايا 128 كانت الزباين بتتحايل عليه فيها وبالسعر اللى انا عايزه والمازدا كنت بادخلها من عربيه لعربيه علشان اعرف اطلع منها رغم انى ركبتها 4 سنين وصرفت عليها كتير وخسرت فيها اكتر واتعمت منها امش مع الناس مش لوحدى كه كسب كله خسر ابقى مع الناس وخلاص

[mady_sameh2010]

السلام عليكم
بص ياسيدي العربية الماذدا ال 929 بجد عربية تحفه بس شرط الحاله
فيها كل الاوبشن اللي انت عاوزه تكييف باور زجاج كهرباء سنتر بس التكييف بتاع الماذدا مش قوي وفيه عيوب في الباور والعفشه مش بتستحمل قوي لان اغلمساعدين ضعيف علي وزن العربية بس في مجملها عربية محترمة وقطع الغيار الخاصة بالميكانيكا موجوده اما الاكسسورات فهيا غاليه ونادره بس لو اشتريتها كلمني وانا اديك خلاصة الناس اللي بتشتغل في الماذدا بس لو بتقارن الماذدا بالبيجو الماذدا رقم 1 والبيجو ال305 رقم 20000