العودة   مصر موتورز مجتمع السيارات > السيارات الكورية والماليزية > كيا KIA

كيا KIA احد اعمدة عملاق الصناعة الكورى اندمجت مع هيونداى لتصبح اكبر مجموعة فى كوريا الجنوبية بينما بدات باعادة تجميع موديلات مازدا القديمة من اشهر الموديلات بيكانتو - سيراتو - ماجنتيس - كارينز - ريو - اوبيروس - كارنفال - سورانتو


إضافة رد
 
أدوات الموضوع
  #1  
قديم 22-05-2011, 01:05 AM
ahmed abdelaziz ahmed abdelaziz غير متواجد حالياً
 
تاريخ التسجيل: Nov 2010
المشاركات: 44
ahmed abdelaziz has a spectacular aura aboutahmed abdelaziz has a spectacular aura about
حصرى تجربتى لعمل صيانه شامله للسيفيا وآخر أسعار قطع الغيار

السلام عليكم ورحمة الله وبركاته رجالة منتدى مصر موتورز .
بصراحه يا جماعه أنا كتبت الموضوع دة بالذات لأنى فعلاَ أتعلمت كتير من مواضيع الزملاء فى المنتدى ... فقررت إنى أنقل تجربتى علشان الكل يستفيد منها .
إلى كل السيفياويه ...

من البدايه .. قررت إنى أعمل صيانه شامله للسيفيا علشان أريح دماغى بدل ما كل شويه أعمل حاجه .. وبينى وبنكم لما بتعمل كل حاجه بجد بتحس بفرق شاسع وكأنك معاك عربيه لسه زيرو ..

المهم رحت الصبح للميكانيكى على الساعه 11 صباحا وقولتلوا قولى بقى يا عم الحاجات الى لازم نعملها وكانت كالتالى ...

1- تغيير مساعدين أمامى وخلفى .
2- تغيير مقصات أمامى .
3- تغيير سير الكاتينه وسير الباور وسير الدينامو .
4- تغيير فلتر البنزين وفلتر الهواء .
5- تغيير طقم بوجيهات .
6-تغيير طقم بارات داخلى وخارجى .
7- تغيير جوان غطا التكيهات .
8-تغيير بلى شداد الكاتينه .
9- تغيير البطاحات.
10- وأخيرا ظبط زوايا عجل .

وإليكم يا رجاله أسعار كل حاجه ودى أنا جبتها من شارع دمشق من عند الجندى .
وهى كالتالى .

1- طقم مساعدين أصلى 500 جنيه.
2- مقص أمامى 190 جنيه .
3- طقم بارات داخلى 80 جنيه .
4- طقم بارات خارجى 90 جنيه .
5- سير كاتينه 75 جنيه .
6- سير باور 25 جنيه .
7- سير دينامو 25 جنيه .
8- طقم بوجيهات عدد 4 بوجيه 45 جنيه .
9- بلى شداد كاتينه 130 جنيه .
10- جوان غطا تكيهات 95 جنيه .
11- فلتر هواء 25 جنيه .
12- فلتر بنزين 65 جنيه .
13- طقم بطاحات 210 جنيه ( نادر وجودهم جدا وتعبت على ما جبتهم)

بعد ما رحت للميكانيكى الساعه 11 صباحاً ... رجعتلوا تانى على الساعه 2 ظهرا بعد ما جبت الحاجة يعنى قعدت 3 ساعات وده لأنى دخت على البطاحات لأنها نادرة جداً لفيت عليها كتير بس الحمد لله فى الأخر لقتها لأن كل الشغل كان هيقف بسببها لأنوا مكنش ينفع يغير مساعدين من غيرها .


المهم هو بدأ طبعاً بالمقسات الأمامى ثم المساعدين وبعد كدة فك الموتور وغير جوان غطا التكيهات .. وبعدين غير سير الكاتينه سير الباور والدينامو ... وبعد كدة دخل فى فلتر البنزين والهواء ... وبعد كدة ظبط الفرامل والزيت الباكم وبقيه الزيوت ...

وفى الأخر والحمد لله بعد يوم ملىء بالعناء بجد لأننا خلصنا الساعه 3 صباحاً .. طلع معايا علشان نجرب العربيه ..

والحمد لله كلوا تمام ..وحسيت بفرق كبير جداً فى سحب العربيه وفى أستهلاكها للبنزين .. قل طبعاً .. وصوت العربيه بقى أنعم ...

فى النهايه سألتوا السؤال المرتقب .. عايز كام يا عم الحاج ....قالى ...
.
.
.
.
.
350 جنيه علشان خاطرك وأنت راضى الصبيان بتوع الورشه
المهم بصراحه مردتش أتكلم معاه لأنوا بجد تعب وأحنا أتأخرنا اليوم دة جامد وأنا كنت مصمم ما أمشيش من الورشه الا لما يخلصلى ل حاجه..

ودى كانت تجربتى وأتمنا من الإداره التثبيت لأن فيها آخر أسعار قطع الغيار بعد الثوره ..
وأى سؤال أنا فى الخدمه ...
__________________

إن الخيل إذا شارفت نهاية المضمار بذلت قصارى جهدها .. لتفوز بالسباق ..
فلا تكن الخيل أفطن منك .. !
فإنما الأعمال بالخواتيم
رد مع اقتباس
  #2  
قديم 22-05-2011, 02:10 AM
drasd drasd غير متواجد حالياً
 
تاريخ التسجيل: Feb 2010
المشاركات: 268
drasd has much to be proud ofdrasd has much to be proud ofdrasd has much to be proud ofdrasd has much to be proud ofdrasd has much to be proud ofdrasd has much to be proud ofdrasd has much to be proud ofdrasd has much to be proud ofdrasd has much to be proud of
افتراضي رد: تجربتى لعمل صيانه شامله للسيفيا وآخر أسعار قطع الغيار

ياريت نعرف هيا سيفيا 1995 ولا سيفيا 1999 ؟
وربنا يبارلكلك فيها
وعلى فكرة قدامي واحدة 1995 نفسي اجيبها بس خايف لان عداد موتورها ماشي 220 الف كم متهيألي دي حاجة تخوف لانه ممكن يحتاج عمرة
ياريت اعرف رايك اخدها ولا بلاش ؟؟؟
رد مع اقتباس
  #3  
قديم 22-05-2011, 02:56 AM
ahmed abdelaziz ahmed abdelaziz غير متواجد حالياً
 
تاريخ التسجيل: Nov 2010
المشاركات: 44
ahmed abdelaziz has a spectacular aura aboutahmed abdelaziz has a spectacular aura about
افتراضي رد: تجربتى لعمل صيانه شامله للسيفيا وآخر أسعار قطع الغيار

السيفيا الى معايا يا أخ Drasd هيا موديل 2000 ... وجزاك الله خيراً على الدعاء .. بس على فكرة لو قدامك سيفيا موديل 1995 وعامله 220 ألف كيلوا هيا دى حاجه تقلق مش علشان كتيير .. بل على العكس دى حاجه تقلق لأنها قليله جداً .. وعموماً يا باشا الى بيشترى عربيه عدى عليها 10 سنين أستحاله يسأل على العداد عامل كام ...
وعموماً لو عايز رأى ... هاتلك حاجه موديل 2000 وأنت طالع علشان متتعبكش فى الصيانه خاصة لو دى أول عربيا تجيبها ... وربنا يوفقك
__________________

إن الخيل إذا شارفت نهاية المضمار بذلت قصارى جهدها .. لتفوز بالسباق ..
فلا تكن الخيل أفطن منك .. !
فإنما الأعمال بالخواتيم
رد مع اقتباس
  #4  
قديم 22-05-2011, 07:29 PM
retaliation retaliation غير متواجد حالياً
 
تاريخ التسجيل: Oct 2009
المشاركات: 36
retaliation will become famous soon enough
افتراضي رد: تجربتى لعمل صيانه شامله للسيفيا وآخر أسعار قطع الغيار

مبرووك يا باشا على الصيانه و ربنا يباركلك فى العربيه بس أنا عندى أستفسار طقم المساعدين أمامى و خلفى ب500 جنيه و ياترى دول غاز ولا زيت عشان أنا كنت سائل عليهم من فتره كانوا ب900 جنيه يابانى على ما أتذكر
و الميكانيكى ده مكانوا فين؟
رد مع اقتباس
  #5  
قديم 22-05-2011, 09:25 PM
sameh_saso sameh_saso غير متواجد حالياً
من انا؟: Heliopolis
 
تاريخ التسجيل: Oct 2010
المشاركات: 101
sameh_saso is a jewel in the roughsameh_saso is a jewel in the roughsameh_saso is a jewel in the rough
افتراضي رد: تجربتى لعمل صيانه شامله للسيفيا وآخر أسعار قطع الغيار


المشاركة الأصلية كتبت بواسطة ahmed abdelaziz مشاهدة المشاركة

السيفيا الى معايا يا أخ Drasd هيا موديل 2000 ... وجزاك الله خيراً على الدعاء .. بس على فكرة لو قدامك سيفيا موديل 1995 وعامله 220 ألف كيلوا هيا دى حاجه تقلق مش علشان كتيير .. بل على العكس دى حاجه تقلق لأنها قليله جداً .. وعموماً يا باشا الى بيشترى عربيه عدى عليها 10 سنين أستحاله يسأل على العداد عامل كام ...
وعموماً لو عايز رأى ... هاتلك حاجه موديل 2000 وأنت طالع علشان متتعبكش فى الصيانه خاصة لو دى أول عربيا تجيبها ... وربنا يوفقك
+++111111111111
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:01 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017