مجموعه اسئله عن البرايد 1300 هاتش باك(كميه الزيت-البوجيهات)

[wael890610]

السلام عليكم ورحمه الله
بلاحظ بعد ما اغير زيت الموتور ان فى زيت بيظهر اعلى سير الدينمو,فرحت البنزينه وغسلت الحوض بالكامل ومشيت فتره كبيره ما ظهرش حاجه, علما بانى بحط فى العربيه حوالى 3.5 كيلو زيت (1300cc) فهل الكميه دى مظبوطه ولا اكتر من اللازم ؟؟؟؟؟
كمان انا ما غيرتش البوجيهات من ساعه شراء العربيه (شهر 4 2013) فهل يوجد اى انواع تنصحونى بها ؟؟
اخيرا لانى بجد زهقتكم
انا لقيت المنتج ده
http://www.abro.com/products/automot...es/?product=67
علشان تنظيف الكربراتير ودوره البنزين عاماً وسؤالى بقه هل تكراره غلط لانه فوق العربيه وقلل التسقيف , لانى بفكر اكرره مع كل تفويله؟
ولكم جزيل الشكر

[wael890610]

سؤال تانى بالمره بقه , انا مش لاقى فى الاسماعيليه ترموستات الحراراه , فهل هناك بدائل من موديلات عربيات تانيه
وده كان اخر سؤال

[روبرت مجدي]

شوف يا عمنا..
اولآ اعتقد ان الزيت اللى فوق ده من الموتور لأنى عندى مشكلة ف جوان التاكيهات بتاع الموتور بيسرب زيت و غيرته كتييييير (4 مرات) كل مره عند واحد مختلف عن غيره
ثانيا بالنسبة لكمية الزيت مظبوطه 3.5 لتر لأنى بغير زيت كل مره و يبقى نص لتر ف الجركن
ثالثا بالنسبة لعلبة تنظيف الكاربيراتير ان مجربتوش قبل كده
و اخير ا..
ارجوا ان اكون افدتك باى حاجة من اللي قولته

[Hisham.Elgazzar]

تفتكر لو هتحطه كل تفويلة هيوفر معاك أكيد لأ هيبقى مكلف زيادة عليك لزلك أنصحك تخلييها كل تفويلتين على الأقل
مش عارف ليه معظم العربيات كبيرة او صغيرة بتاخد 3 ونص كيلو زيت
حلها تملا 3 كيلو مثلا وتظبط على المقاس لو عاوز يطلع مظبوط على المقاس
بالنسبة للبوجيهات تجيب بوجيهات نفس الموديل اللى مكتوب فى الكتالوج وغالبا هتبقى ان جى كى إليكترونى
وبالنسبة للترموستات انا شوفت واحد معدل قاعدة ومركب ترموستات فيات ماتقلقش احنا مصريين احفاد الفراعنة اللى بنوا الأهرامات وبعون الله ممكن نعمل اى حاجة

تقبل تحياتى

[wael890610]