|
|||||||
| مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
 |
|
|
أدوات الموضوع |
|
|||||||
| مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
|
|
|
أدوات الموضوع |
|
#1
22-02-2012, 02:08 AM
|
|||
|
|||
طرق سرقة السيارات فى الشارع المصري"متجدد" ومهم جدا
السلام عليكم
كل واحد يكتب طريقة حصلت قدامة او واحد صديق لية او حصلت معاة واتسرقت العربية الموضوع للفائدة العامة .. لان السرقة كترت اليومين دول وانا حبدأ بمجموعة طرق لسرقة السيارات ---------------------------- صاحب العربية يقف قدام محل مثلا يشتري حاجة ويسيب العربية دايرة او المفتاح فيها طبعا الحرامي اول ما يشوف العربية كدة حيركب ومش حتشوف عربيتك تاني -------------------------- وانت ماشي فى امان الله تلاقي حاجة خبطت فى العربية من الخلف ... وواحد بيجري وراك وبيقولك فى واحد حدفك بطوبة ,, طبعا سيادتك حتنزل تشوف العربية ومن لخمتك حتسيبها دايرة ,, حيكون فى واحد تاني حيركب العربية ويدور ويطلع , ووفى حالة انك اخدت المفتاح حتلاقية بياخد اى حاجة قدامة "موبايل * محفظة * اى حاجة"لان الحرامي الاول حيخليك تشوف حتة تانية خالص من العربية اما الخلف او الباب اليمين --------------------------- اتنين بموتوسيكل وانت ماشي فى امان الله تلاقي اتنين راكبين موتسيكل وخبطوا فيك من ورا طبعا انت حنين وحتنزل تشوف اية الى حصلهم المهم حتلاقي واحد فيهم عامل كأنة ضربة قطر مش عربية مسافة متنزل تشوفة حيقولك انا مش قادر طبعا حتقولة اركب اوديك المستشفي مسافة محيركب هوا حيقفل الموسوجر والتاني حياخد الموتوسيكل ومش حتشوف العربية تاني "حصل معاية سابقا بس ربنا سترها والعربية متسرقتش ولا حاجة اتسرقت غير فلاشة موجود عليها شوية اغاني" ----------------------------- وانت ماشي على اى طريق حتلاقي بنت شكلها ممكن يكون موزة شوية , او شكلها تعبان وواقفة فى حتة مقطوعة طبعا انت الحمشنة حتاخدك وتقف على شان توصلها مسافة ما تفتح الباب وتقعد حتلاقي الغزال اتفتح فى وشك وحتفوجأ بأتنين قاعدين فى الكنبة الى ورا ---------------------------- وانت ماشي على طريق مقطوع ولقيت حاجة سادة الطريق (عربية واقفة بالعرض او جزع شجرة او حجر او اى حاجة توقفك ) لف وارجع تاني احسن لانة غالبا مش حيكون الا انت بس الموجود فى الشارع ---------------------------- طرق اخري من اعضاء بمنتدات اخري --------------------------- اتنين بموتوسيكل وانت ماشي فى امان الله تلاقي اتنين راكبين موتسيكل وخبطوا فيك من ورا طبعا انت حنين وحتنزل تشوف اية الى حصلهم المهم حتلاقي واحد فيهم عامل كأنة ضربة قطر مش عربية مسافة متنزل تشوفة حيقولك انا مش قادر طبعا حتقولة اركب اوديك المستشفي مسافة محيركب هوا حيقفل الموسوجر والتاني حياخد الموتوسيكل ومش حتشوف العربية تاني "حصل معاية سابقا بس ربنا سترها والعربية متسرقتش ولا حاجة اتسرقت غير فلاشة موجود عليها شوية اغاني" المهم ان مش حاجه كبيره اللي اتسرقت الحمد الله و حصل الموقف ده مع واحد صاحبي بس بطريقه مختلفه كان ماشي على الدائري بليل و لقى 4 موتسكلات قدامو قافلين الطريق كل ما يجي يعدي من واحد يقفل عليه لحد لما لقاهم بدااو يهدو قال مبدهاش راحش شادد مره واحده و دخل بين موتسكلين نيمهم على الارض و خلع ------------------------------------------------------ البلطجي معاة سلاح طبعا بينتظر جنب السيارة لغاية ما صاحبها ييجي ويفتحها بنفسه وقبل ما يشغلها ..... وهوب يفتح الباب و يثبته بالسلاح . وبخخخخخخخخخخخخخخخخخخ .... العلاج اول ما تركب عربيتك اقفل اللوك الاول وبعدين ابدأ شغل عربيتك وكمان اعمل سكان بعينك حول العربية عشان تشوف حد لابد في الدرة ولا الدار أمان -------------------------------------------------------- ---------------------------- طبعا فى عربيات كتيرة مفتاحها الاصلي اتسرب ,, امثال السيراتو فنصيحة تكلبش الدركسيون ودا حتت حديدة بتتقفل بمفتاح واستحالة الدواسات او الدركسيوون يشتغلوا --------------------------- فى طريقة تانية لو عندك شبكة فوق العربية ,, ودي ان عربية تانية تدخل ومعاهم سكين ويقف جانبك وواحد معاة سلاح رشاش او مسدس وطبعا سيادتك مش حتعرف تتكلم وهوا بيقطع الحبل الى انت رابط بية الحاجات فوق الشبكة وحيسحبها وحيمشي (حصلت مع ناس قرايبي) --------------------------- وربنا يهد البلطجية او تجيلهم داهية تاخدهم كلهم فى طرق تانية بس مبيستخدموهاش فى مصرولا داعي لذكرها الاضافة مفتوحة لكل الاعضاء 
|
|
#2
22-02-2012, 06:37 PM
|
||||
|
||||
|
رد: طرق سرقة السيارات فى الشارع المصري"متجدد" ومهم جدا
تسلم ايدك وربنا يسترها على الناس يارب محدش بقى ناقص
|
|
#3
22-02-2012, 06:55 PM
|
|||
|
|||
|
رد: طرق سرقة السيارات فى الشارع المصري"متجدد" ومهم جدا
أنا شوفت قبل كده حادثة سرقة بس الكلام ده كان السنه اللى فاتت كنت فى الجامعه(جامعه القاهرة) و راكن عربيتى قدام سور الجامعة جنب باب تجارة كدة و بالصدفة ركنت و كان قدامى على طول عربية كيا سيراتو لونها فضى كانت لسه زيرو و فضلت قاعد فى العربية شوية و ببص لاقيت واحد جه وقف جنب السيراتو و اتصل بواحد مافيش 5 دقايق لاقيت ونش انقاذ سريع جه و حضن قدام السيراتو و رفع السيراتو فوق العربية و الاتنين اختفوا و كل ده فى اعتقاد كل اللى واقفين انها عربية الراجل اللى واقف جنبها فضلت قاعد مستنى اصحابى و شوية لاقيت واحد عمال يصرخ و يصوت و يقول عربيتى اتسرقت الناس اتلمو عليه و سالوه فى ايه قالهم عربيتى الجديدة اتسرقت نزلت بسأله كنت راكن فين قالى كنت راكن هنا قدام العربية دى اللى هيا عربيتى قولتله لا كان فى واحد عربيته كيا سيراتو و شكلها كانت بايظة و جاب ونش و اخدها راح قايلى ما هيا الكيا دى عربيتى و فضلت معاه وجه الونش بتاع الشرطة و نزل ظابط و قعد يحقق مع اللى كانو واقفين و طلب مننا نروح معاه مديرية امن الجيزة علشان نعمل محضر بالواقعة و قولتله على اللى شوفته و على مواصفات الراجل و مواصفات الونش و مشيت
|
|
|
|
