|
#1
27-04-2011, 04:43 PM
|
|||
|
|||
انا إستلمت نيسان صني 2011
مساء الخير على جميع الاعضاء في هذا القسم .
دة طبعا اول موضوع اشارك بيه معاكم و أكيد دة شيئ يشرفني , انا اشتريت صني 2011 ex , abs و استلمتها في ساعتها و سعرها 93.500 الف . تقريري المتواضع جدا و البسيط عن صني و بساطته ترجع لأني استلمتها اول امبارح ,,, العربية محترمة جدا و بتتميز بالفخامة بالنسبة لحجمها اللي معروف عنها ( و دي مشكلة بالنسبالي حتى الان لاني كان معاية عربية صغيرة ) و دي طبعا مشكلة مؤقتة نسبياً , الباور محترم جدا الدريكسيون مش تقيل زي ما ناس كتير كانت بتقوللي, الدريكسون باور مش ورقة توديها وتجيبها في اي حتة لأ في تحكم كويس و انا شايف ان دة افضل من الباور الكهرباء , المساحة من قدام واسعة جدا و من ورا متوسطة يعني مش ضيقة اوووووووي زي ما قريت في اماكن كتير , و الشنطة مساحتها هايلة , الاضاءة في مجملها كويسة جدا, تغطية المرايات عادية في عربيات افضل بكتير خصوصا ارتفاع الشنطة اللي رخم شويتين بالنسبالي , ارتفاع العربية عن الارض جميل ماتحسش بمطبات ولا انك لازم تعمل العربية زي التعبان و تفضل تتلوى و علو الصني جميل بس في المعقول يعني في الطباط المعقولة مش العليا قوي , صوت العربية عالي من الداخل بس مايخضش يعني , عزل العربية مش ممتاز عادي ,في المطبات سلسة و مش زي ما سمعت برضه , التسارع حلو مش وحش يعني قوية و سريعة و احسن من كتير اوي اوي , و ايه تاني يا ربي ؟؟ !!  , الكيك داون مية مية و استجابة الدواسة مية مية , الفرمل مش جامدة و قالولة لسة ماطبعتش على التنبورة , الزجاج كله كويس من حيث سرعته لكن اللي ورا يمين في حكة بسيطة قالولي في التوكيل هتتظبط بسهولة , اماكن التخزين داخل العربية كويسة بس تحس ان المصممين اغبياء شوية يعني الولاعة مزنوقة تحتت حامل الاكواب و دي حجات تعدي يعني مش مميتة , المفتاح و الريموت بدائيييييييييييييييين جدا شكلهم مش مستوة العربية المجمل العربية دي ممتازة جدا  :14FEAD~15 1:  و انا مبسوط ان انا جبتها . و شكرا لمروركم و ازعاجكم . 
|
|
#2
27-04-2011, 05:15 PM
|
||||
|
||||
|
رد: انا إستلمت نيسان صني 2011
ربنا يبارك لك فيها ويعطيك خيرها ويكفيك شرها
__________________
بسم الله الرحمن الرحيم سؤال على بال كل شاب أو رجل يُريد أن يتزوج كيف اختار الزوجة التي ستظل معي طوال العمر اوووووووعة تفكر كتير شاهد هذة الحلقة وبأذن الله تأخذ القرار الأخير وذلك مع فضيلة الشيخ أبي إسحاق الحوينى الحلقة بجد راااااااائعة والله طبعا الحلقة (مرئية) وبمساحة خيالية
|
|
#3
27-04-2011, 05:31 PM
|
|||
|
|||
|
رد: انا إستلمت نيسان صني 2011
الف مبروك
 وبارك لك الله فيها واعطاك خيرها وابعد عنك شرها وشر القر عليها
|
|
#5
27-04-2011, 05:33 PM
|
|||
|
|||
|
رد: انا إستلمت نيسان صني 2011
ربنا يعيزك يا استاذ walidelwahsh و يبارك فيك ....
|
 |
| الكلمات الدليلية |
| صنى, نيسان صنى |
|
|
