هيونداي اكسنت ولا نيسان صني

[MIDO-SPICY]

على فكرة يا جماعه كلام كل واحد فيكم كويس جدا بس بالرغم من ان فيه اكثر من 10 مشاركات لغايه دلوقتى ولا انا ولا صاحب السؤال قدر انه يستفيد من اى اجابه لان فيه 5 بيشجعوا الصنى و 5 بيشجعوا النيو اكسنت
انا عارف ان الصنى ممكن يكون فيها عيوب زى اى عربيه بس ماتنسوش كمان انها عربيه 118 حصان فى حين ان الاكسنت 112 وكمان الصنى انا شخصيا جبت بيها 200 وبجد ماكنتش حاسس انها بتجرى
+ انى اعتقد ان مودرن موتورز والعوض وابو غالى افضل بكتييييييييييير جدا من غبور على الاقل فى ساعات انتظارة لمجرد انك رايح تغير زيت
وعلى فكرة الفرق مش هيزيد عن 10000 ج
مش قصدى انى اقول ان الصنى افصل من الاكسنت بس حبيت اوضح شويه نقط محدده اقارن بيهم على حسب معلوماتى اتكلم عنهم افضل من الكلام العام

[dr_eslam_66]

ptmnlo123per1106 السؤال صعب والمقارنة أصعببين عربيتين لا ينتموو لنفس السعر أو الفئة.
واحدة واحدة كدة ومش عايزيين إندفاع نحللها براحة:
أولا السعر فرق السعر حوالي 10000 دا يتوقف كمان إنتا بتقارن بين انهي نيو أكسنت وأنهي صني.
بس عموما الأكسنت عربية شعبية ودا الجميل فيها كمان إنها ماحدش إشتكا منها بالنسبة لسعرها هيا عربية ممتازة.
ثانيا بقى الصني ركوبة تانية خالص برنس ماشي على الطرييق ولاوني مش مع الصني أوي في حكاية إعادة البيع دي.
بس لو بتدور على عربية عشرية تقعد معاها فترة كبيرة وتبيعها كمان بعد كدة تكون لسة شادة حيلها يبقى الصني بقى مش الأكسنت خالص.
عايز عربية تسافر وتضغط عليها وتستحملك وكمان تجري من غير قلق منك وإنتا جواها يبقى بردو الصني.
عايز عربية تمكنك شوية من الشد والغرز والسحب بسرعة يبقى الأكسنت لأنها أخف وأصغر شوية من الصني.
عموما ورأيي الشخصي أنا وأرجو إنو مايدايقشي حد النيسان برقبة الأكسنت.

[medo akef]

هو حضرتك الحقيقه مش بتقارن بين السما و الارض يعني مش مثلا بين لانسر ب120 و تزود 10 ولا 15 و تجيب سوبارو
فبلاش تضغط علي نفسك نيو اكسنت عربيه جميله و محدش بيطلع منها عيوب و ربنا معاك

[النوبى 2000]

النيو اكسنت افضل

[بدر بسيونى]

المستقبل للاكسنت تقفيل كورى الصنى تقفيل مصرى وقطع غيار الاكسنت ارخص من الصنى والمستقبل للاكسنت فبالتالى الاكسنت لها الافضلية ولو عاوز تعصر نفسك ابقى هات اوبترا طبعا 86 الف وبالتوفيق