اول تجربة مع توكيل غبور فى صيانة الألف الاولى

[salahabdelnabi]

النهاردة وبالتمام والكمال كملت الألف كيلو الاولى – مبروك ياعم .......... الله يبارك فيكم .........لانى مستلم العربية من حوالى اسبوعين ومشاويرى بيها لحد دلوقتى مسافات قصيرة حوالى 50 ك فى المتوسط يوميا وحسبتها لاقيت انى هاكمل الالف النهاردة روحت اتصلت يوم الاحد 6/21 بتوكيل غبور عشان احجز ميعاد للصيانة
المهم ردوا على بمنتهى الذوق والادب وقالولى حضرتك تشرف يوم الثلاثاء 6/23 الساعة 12 ظهرا ورقمك هو 145 وياريت ماتتأخرشى على الميعاد المحدد ليك (شوف الدقة)
رحت فرع ابو رواش فى ميعادى بالثانية والله– شوف ازاى الانضباط - واتأكدو من الرخصة والحجز وكله تمام وفضلت مستنى المهندس اللى هايستلم من العربية حوالى نص ساعة ( ادى اولها ) المهم ماجاش شوفت مهندس تانى جالى - خير هاتعمل ايه؟ - قلت صيانة الألف الاولى والعربية فيها مشاكل بسيطة - خير مشاكل ايه ؟
العربية بتحدف يمين.... يعنى ظبط زوايا
العربية بتترج بين ال 90 وال 100 يعنى ترصيص
لمبة فرامل اليد بطلت تنور وانت رافع اليد يعنى صيانة
الفرامل بقت خفيفة قوى يعنى صيانة
جرس الانذار مابيشتغلش بعد ال 120 لتنبيه السرعة زاى الكتالوج مابيقول
جرس الانذار لحزام الامان مش شغال ده برضه الكتالوج اللى بيقول
جرس الانذار لو اى باب اتفتح والعربية ماشية برضه مش شغال يخرب بيت الكتالوج اللى عمال يقول ده
لمبة الشنطة فى التابلوه لما تفتحها مش شغالة دى بقى احمد باشا كار اللى بيقول لمبة الشنطة اشتغلت وموجود مكانها فى التابلوه
صاحبنا بصلى قوى كده اكنى واحد جاى راكب فيل وعايز اركبله رومان بلى قلاب وضحك اوى وقالى كل ده فى الالف الاولى طب لما توصل لل 5000 هانجبلك عربية تانية والا ايه – هههههههههههههه – دمه خفيف اوى - مش كل حاجة يا استاذ فى الكتالوج او حد من صحابك قالك عليها _ يقصدك انت يااحمد خللى بالك _ لازم تكون فى العربية يعنى الحدفة والرجة ولمبة الفرامل والفرامل ده شغل الصيانة وهايتعمل اما بقى جرس الانذار للسرعة بعد ال 120 مابينزلشى فيها وشرحه جرس الانذار لحزام الامان هى يادوب لمبة تنور 5 ثوانى وشكرا ونفس الحال للابواب لو اتفتحت بس لمبتها بتفضل منورة لحد لما تقفل الباب – طب الحمد لله – سألته وانا متغاظ لما الحاجات دى مابتنزلشى معاها وهى فول اوبشن طب بتنزل فين وليها مسمينها فول اوبشن دا انا كده ماحصلتيش فول وطعمية دى حتى اللانوس بتنزل فيها الحاجات دى وايه كمان هاف مش فول والله العظيم تصدقوا ptmnlo123per111

قالى الحاجات دى بتكون فى الفول اوبشن اوتوماتيك - يمكن -

المهم انا قولت ماعلينا ماتشيلش فى بالك ياواد واهو الحمد لله انت كنت فين وبقيت فين هاستلم امتى يا هندسة ............ برضه بصلى باستغراب قوى مش عارف ليه وبص فى ساعته وقالى................ الساعة 4 العصر ان شاء الله ..........

كان عندى مشوار فى اكتوبر قضيته ورجعتلهم الساعة 4 بالثانية - منضبط انا اوى مش كده - لاقيت العربية لسه مادخلتش اصلا قسم الصيانة.......... ليه يا اخوانا؟؟؟ لسه دورها ياستاذ..... استنيت وفضلت استنى استنى استنى لحد لما نمت وانا قاعد وصحيت بصيت اتاريها خدت الشمس وغابت - الله يرحمك ياحليم - لاقيت الساعة 6 ولسه ماندهوش على اسمى بدأت اتنرفز واسأل واروح واجى المهم اشرقت على الحلوة بطلتها البهية الساعة 7 وندهونى دفعت 193 ج تغيير زيت شل بلس 7000 ك وفلتر بس والله ورحت استلم وكانت المفاجأة................. .....
العربية حالتها زفت ........اكنها خارجة من تربةptmnlo123per111...... .... قلت فى سرى هاغسلها وانا مروح رغم انى غاسلها قبل ماروحلهم واللهptmnlo123per1127
الزيت اتغير وسابولى الجركن وفيه شوية بربع جنيه تقريبا وكمان الفلتر اتغير والفرامل بقت كويسة احسن من الاول وشكرا على كدهptmnlo123per154
لمبة فرامل اليد حالفة طلاق ما تنور.......... الحدفة اليمين زادت ..........وكمان الطارة بقت معووووووووووجة شمال ......... وايه كمان ....مافيش ترصيصptmnlo123per195ptmnlo123p er195ptmnlo123per195
لاااااااااااااااااااااااا اا مش هاستلم صرخت وزعقت بعلو صوتى جاللى مهندس محترم اسمه طلعت ........بيقولو انه مدير الصيانة - ماعلينا - خير ياستاذ فيه ايه ؟؟؟؟ اهدى بس مالك ؟ حكيتله قالى ولايهمك .......... ياحمزة _ فنى كهرباء وتكييف - شوف لمبة فرامل اليد... فك حمزة وبص ...زرار لمبة الهاند مكسورياهندسة .... ايه ياستاذ انت لما ركبت الفرش شيلت الكراسى وكسرت زرار لمبة الهاند .... والله ماحصل الكراسى ماتفكيتش وبعدين حتى لو اتفكت مالها ومال الهاند بريك ........ ماعلينا روح هات زرار ياحمزة من المخزن ....... امين المخزن روح ياباشمهندس الساعة دلوقتى 7.30 ..... طب انا هاتصرف ......... راح جاب الزرار على مسئوليته الخاصة - ياسلام على الجدعنة - ..... وركب ياحمزة ..... ركب حمزة .... اشتغلت _ الله اكبر _

طب الترصيص ياباشمهندس .......... معلشى تعالى كمان اسبوع والا عشر ايام عشان ترصص لان جهاز الترصيص عطلان بقاله اسبوع ولسه ماتصلحش............. طب الطارة المعووووجة شمال والحدفة يمين .............. لما هاتمشى بيها هاتتعدل - اكنى شارى جزمة جديدة وضيقة ولما هامشى بيها هاتوسع وتريح - ولو ماتعدلتش هاتها وانت بترصص نعدلها ونظبط زاويا تانى ......... لا انا مش هاجى هنا تانى انا هاروح اى مركز صيانة معتمد ........مش هاينفع عشان الضمان وقطع الغيار ......... طب اختملى الضمان بالصيانة اللى اتعملت ........... مش مهم المهم الفاتورة معاك فيها امر الشغل وبعدين ماتبقاش (اجريسف )- شكلها كده شتومة - كده ياستاذ لازم يكون صدرك واسع وعموما هات الضمان وكتب فيه رقم امر الشغل وتاريخه ووقع _ الحلاوة بقى انه كتبه فى مكان غلط مش فى صفحة صيانة الالف هههههههههه - شرفتنا واخوك طلعت تحت امرك.......
خلص الكلام وكانت الساعة 8.15 مساء بالتمام والكمال _ مش بقولوكو منضبط اوى _ وسكتت شهرزاد عن الكلام المباح وليس هنا مجال للكلام غير المباح وادرك صلاح بصيص الصباح لانى لسه داخل البيت من حوالى نص ساعة - كان فى حادثة فى الطريق - ماهى كانت ناقصةptmnlo123per1106
ودى رحلتى الاولى فى صيانة الالف الاولىptmnlo123per195 واشوفكم على خير فى صيانة ال 5000ptmnlo123per172

[AHMEDCAR]

احب اقولك ان ده هبل رسمى و ازاى انت ماكلمتنيش و قولتلى على البلاوى دى بجد انا زعلان منك جدا

ثم المهندس الحمار اللى استغرب على حكايه لمبه الشنطه دى ياريت كنت كلمتنى و هو واقف معاه علشان اعرفه انه خارج من و راء الجاموسه و ان فى ناس مالهاش فى الهندسه و بتفهم اكتر منه
الزوايا و الترصيص ان لازم توح تقعد على دماغ ابوهم و باعلى حسك كده يعملوها و لو مرضيوش انا هاجيك لان دول عالم غير محترمه

بس ايه رايك تشخيص العطل بتاع لمبه الفرامل طلع صح ولا لآ

عموما الف مبروك بس على ايه انا مش عارف

[salahabdelnabi]

الله يبارك فيك يا ابو حميد وماتزعلش انا فعلا حاولت اتصل بيك كتير عشان تأكدى المعلومات دى بس الشبكة كانت زبالة فى ابو رواش وانا مش هاسكت انا هاروحلهم تانى الاسبوع الجاى وهاطلع عين اللى خلفوهم

[AHMEDCAR]

نحن لها ماتقلقش زى ماقولتلك حاول تروح ايام غير الجمعه و السبت علشان اللى بالى بالك يكون موجود

[salahabdelnabi]

ياباشا انت عمرك قلت كلام غلط ؟؟؟؟؟؟؟ انت كلامك دايما صح الصح وتشخيصك ولا الاستشارى العالمى بجد ربنا يكرمك ويزيدك من علمه وفضله