مجرد فضفضة فى زمن الإخوان

[ezzat2002mo]

كلام غير واضح يعنى هل تحملى حضرتك الانهيار السائد مثلا فى النظام الصحى للاخوان وللرئيس مرسى وده كلام غير منطقى لان حتى لو مين ورث البلاوى ديه مستحيل يقدر يصلح القديم وينظر فى الجديد وده فى غمضه عين ومع احترامى الشديد لشخص حضرتك دى نظرة قاصرة جدا لفئه قليلة جدا من الناس لان افراد كثيرون ومنهم ناس مستواهم بسيط جدا يرون ان المرحله دقيقه ومحتاجه صبر وتحمل ومش كفايو كده ده فيه ناس مش عاوزينه يشتغل وينجح وطبعا الكلام فى الموضوع ده محتاج بصراحه ساعات
ربنا يقدم اللى فيه الخير والاخوان نحسبهم على خير واذا بينت الايام غير ذلك اذا فقد اخذنا درسا عنهم ولن يتم اختيارهم مرة اخرى ودى الديمقراطيه مش انتخب رئيس ويطلع شوية يقول انا مش معترف بيه هوة فيه رئيس بيوافق عليه 100 فى ال 100 الا مبارك ولو هنقول النسبه مش عارف 52 % اقول بصوا لانتخابات فرنسا الاخيرة
بس اقول ايه حسبى الله ونعم الوكيل فى الاعلام

[محمد فيصل]

مشاركة مهمة
صادمة
صادقة إلى ابعد مدى
يسر الله امر بلادنا لكل الخير إن شاء الله
حسبى الله ونعم الوكيل فى كل مقصر فى اداء عمله

[احمد سويلم]

أختى الفاضله
يعلم الجميع او لايعلم أننى لست اخوانجيا ولكن الانصاف ياناس
الرجل استلم الدوله من وراء حرامى ولم يتسلمها من وراء عمر بن عبد العزيز رضى الله عنه

لاتعطنى احساس ان حضرتك دبلوم تجاره
لانك تقولى اللى قالوا نعم ع الدستور ايه رأيهم دلوقتى
فلنفرض ان نتيجه الاستفتاء ع الدستور خرجت ب لا
كانت ستجرى انتخابات ع اعضاء اللجنه التاسيسيه وحينئذ سيكتسحها الاسلاميون من جديد ونلعب هذه اللعبه من جديد
انا هنا لا ادافع عن مرسى او عن دستور رقيع لم يذكر فيه اسم الله عزوجل
ولكن من أجل أن تسير الامور ف مصر المسكينه ويستطيع الرجل ف أن يقبض سيطرته ع البلد حتى يستطيع استعاده الاموال المنهوبه بأقصى سرعه
ولذك خرج أناس يردحون ع الشاشات من أجل تعويق الدستور من أجل تعطيل المشروع الاسلامى لانه اذا سارت البلد ووقفت ع قدميها سيلقى مرسى بهم ف المزابل و السجون بالقانون

[magdy_c_c]

مافيييييييييييييييييييييي ش جديد
كلهم زى بعض
بصراحة حضرتك هتقلبى على المواجع
اللى بيقول ان مرسى ورث نصيب كبير من الفساد
أمال البلكيمى عمل العملية بتاعته على حساب مين ؟ و اللى أعرفه انه أساسا ً سواق تاكسى
و كل الاخوة الجدد راكبين عربيات زيرو بعد ماكانوا مش لاقيين ياكلوا
و الناس المحترمة أساتذة الجامعة مش عارفين يتعالجوا !!!
لما القيم العلمية نسيبها تموت و نعمل عمليات تجميل لسواقين التاكسى لمجرد انهم من حزب الاخوان الشياطين ، يبقى دى بلد بتحترم نفسها و لا مواطنيها ؟
أنا أول ابن لى - رحمه الله - مات علشان كان وزير الصحة وقتها سارق فلوس التأمين الصحى للأطفال و مهربها لحسابه فى سويسرا !!!
أقسم بالله فى التوقيت ده نفسه سمعنا أن احدى الراقصات كانت بتتعالج على نفقة الدولة فى ألمانيا
باعتبار انها من القيم الفنية الفريدة !!!
أنا مش هاوصف لكم شعورى ساعتها كان ايه ؟
كل واحد فيكم ممكن يتخيل براحته ( ده كان فى زمن المخلوع )
لسا الحكايات ما خلصتش
لما ربنا رزقنى ببنت تانية باردوا فضلت شوية كده و ماتت الحمد لله
و علشان ربنا يرزقنى بأولاد تانيين لازم المدام تسافر لندن و تقعد فى مستشفى خاص للولادة و يتم متابعتها على مدار الـ 24 ساعة طوال الـ 9 شهور بحد أدنى 120 ألف دولار !
و أنا لسا عندى أمل فى بكرة
و فى النهاية أنا راضى و ساكت
لكن لما بنتى الوحيدة تتعب و اوديها مستشفى للطوارئ الساعة 2 صباحا ً لأن مافيش غير المستشفى دى اللى قدامى و جميع طاقم الأطباء و التمريض يرفضوا حتى يبصوا عليها بحجة انهم عاملين اضراب تبقى دى مهزلة وقلة أدب و لما أسيب المستشفى العام دى و اجرى بها على الحميات و باردوا عاملين اضراب يبقى كل سنة و انتم طيبين فى البلد كلها
أنا ضاع منى ولد و بنت قبل كده و لكن مش هافرط أبدا ً فى بنتى الوحيدة
و الله ما احترموا نفسهم و خدوا البنت و عملوا لها كل اللازم غير لما خليت نائب الطوارئ طالع من السكن بتاعه فى المستشفى رايح الكانتين و ضربته باكصدام العربية و زنقته فى الجدار
و قلت له من الآخر لو ما عملتوش اللازم للبنت حالا ً هاروح البيت و اجيب الطبنجة و أصفيكم واحد واحد يا اللى ما عندكوش ضمير يا اولاد الكلب
ما عداش 5 دقايق و لقيت المدير الادارى جاى و معاه رئيسة التمريض و صحوا البيه بتاع الاطفال و تمت كل حاجة على خير
اذا كان ده بيحصل مع الحالات البسيطة فى جميع الاقسام و الطوارئ
يبقى هيعملوا ايه فى العمليات الكبيرة ؟؟؟
المهم عندهم بتوع التاكسى و التكاتك اللى بيدوهم صوتهم فى الانتخابات
حتى لو كانت عملية تصغير أنف و لا تكبير ثدى و لا أى هجس و كله على حسابنا من أموال الشعب الغلبان - لمجرد انهم من الاخوان - حتى لو هتكلف ملايين الجنيهات
مش باقول لك مافيش فرق
النظام هو هو و الفساد هو هو
البلد هى هى بس طلع لها دقن

[ahmed el gendy]

المشاركة الأصلية كتبت بواسطة magdy_c_c مافيييييييييييييييييييييي ش جديد كلهم زى بعض بصراحة حضرتك هتقلبى على المواجع اللى بيقول ان مرسى ورث نصيب كبير من الفساد أمال البلكيمى عمل العملية بتاعته على حساب مين ؟ و اللى أعرفه انه أساسا ً سواق تاكسى و كل الاخوة الجدد راكبين عربيات زيرو بعد ماكانوا مش لاقيين ياكلوا و الناس المحترمة أساتذة الجامعة مش عارفين يتعالجوا !!! لما القيم العلمية نسيبها تموت و نعمل عمليات تجميل لسواقين التاكسى لمجرد انهم من حزب الاخوان الشياطين ، يبقى دى بلد بتحترم نفسها و لا مواطنيها ؟ أنا أول ابن لى - رحمه الله - مات علشان كان وزير الصحة وقتها سارق فلوس التأمين الصحى للأطفال و مهربها لحسابه فى سويسرا !!! أقسم بالله فى التوقيت ده نفسه سمعنا أن احدى الراقصات كانت بتتعالج على نفقة الدولة فى ألمانيا باعتبار انها من القيم الفنية الفريدة !!! أنا مش هاوصف لكم شعورى ساعتها كان ايه ؟ كل واحد فيكم ممكن يتخيل براحته ( ده كان فى زمن المخلوع ) لسا الحكايات ما خلصتش لما ربنا رزقنى ببنت تانية باردوا فضلت شوية كده و ماتت الحمد لله و علشان ربنا يرزقنى بأولاد تانيين لازم المدام تسافر لندن و تقعد فى مستشفى خاص للولادة و يتم متابعتها على مدار الـ 24 ساعة طوال الـ 9 شهور بحد أدنى 120 ألف دولار ! و أنا لسا عندى أمل فى بكرة و فى النهاية أنا راضى و ساكت لكن لما بنتى الوحيدة تتعب و اوديها مستشفى للطوارئ الساعة 2 صباحا ً لأن مافيش غير المستشفى دى اللى قدامى و جميع طاقم الأطباء و التمريض يرفضوا حتى يبصوا عليها بحجة انهم عاملين اضراب تبقى دى مهزلة وقلة أدب و لما أسيب المستشفى العام دى و اجرى بها على الحميات و باردوا عاملين اضراب يبقى كل سنة و انتم طيبين فى البلد كلها أنا ضاع منى ولد و بنت قبل كده و لكن مش هافرط أبدا ً فى بنتى الوحيدة و الله ما احترموا نفسهم و خدوا البنت و عملوا لها كل اللازم غير لما خليت نائب الطوارئ طالع من السكن بتاعه فى المستشفى رايح الكانتين و ضربته باكصدام العربية و زنقته فى الجدار و قلت له من الآخر لو ما عملتوش اللازم للبنت حالا ً هاروح البيت و اجيب الطبنجة و أصفيكم واحد واحد يا اللى ما عندكوش ضمير يا اولاد الكلب ما عداش 5 دقايق و لقيت المدير الادارى جاى و معاه رئيسة التمريض و صحوا البيه بتاع الاطفال و تمت كل حاجة على خير اذا كان ده بيحصل مع الحالات البسيطة فى جميع الاقسام و الطوارئ يبقى هيعملوا ايه فى العمليات الكبيرة ؟؟؟ المهم عندهم بتوع التاكسى و التكاتك اللى بيدوهم صوتهم فى الانتخابات حتى لو كانت عملية تصغير أنف و لا تكبير ثدى و لا أى هجس و كله على حسابنا من أموال الشعب الغلبان - لمجرد انهم من الاخوان - حتى لو هتكلف ملايين الجنيهات مش باقول لك مافيش فرق النظام هو هو و الفساد هو هو البلد هى هى بس طلع لها دقن

ربنا يعينك يا استاز مجدي بغض النظر عن موضوع البلد اللي بنتكلم فيه كل اللي اقدر اقوله لك ربنا يعينك واكيد ربنا شايل لك خيير كتير بس انت اصبر يمكن بنتك دي ربنا يضع لك فيها كل الخير وتبقي نبغه من نوابغ زمنها