العربية الى متقطعة ايه حكمها

[hema_hn]

انا عارف ان كله بيعدى بالطرق المختلفة بس الى ميعرفش يسلك ايه الى حيحصله
بس انا سمعت انه بيروح بالعربية لشركة معترف بيها وبيجب منها جواب يثبت ان الجزء الى اتغير قبل تاريخ اصدار القانون الجديد للمرور لو قبل بيدفع رسوم وبيعدى ولو بعد القرار بتتعدم عشان مسمعش الكلام
ومستنى تصحيح الخبر ده

[hema_hn]

وشكرا لجميع الردود والتفاعل

[mansoub504]

المشاركة الأصلية كتبت بواسطة hema_hn فيه واحد زميلى اشترى عربية مغيره نصف وطبعا السمكرى قطع الحتة الى فيها رقم الشاسيه ولحمها فى النص الجديد والكلام ده من حوالى عشر سنوات وبالطبع تم الفحص عليها اكتر من مرة وهو خايف يدخل الفحص لحسن سمع ان الى بيكتشفو انه مغير النص العربية بتتعدم هل الكلام ده صح ولا عملو حلول للمشكلة دى

يا باشا انا فاهم قصدك لو اكتشفوها هيقولو انو سارق العربية ومفصلها رقم الشاسيه يفضل تغيير الشاسيه بالكامل وبتجيب ورق الافراج بتاع الشاسيه ويتثبت الرقم الجديد في الرخصة وبيعدمو الشاسيه القديم ويا ريت يكون حد معرفه في الموضوع ده عشان ميرخموش لما يلاقوا الشاسيه المتكهن في لحام عند الارقام

[خالدخليفة]

المشاركة الأصلية كتبت بواسطة hema_hn فيه واحد زميلى اشترى عربية مغيره نصف وطبعا السمكرى قطع الحتة الى فيها رقم الشاسيه ولحمها فى النص الجديد والكلام ده من حوالى عشر سنوات وبالطبع تم الفحص عليها اكتر من مرة وهو خايف يدخل الفحص لحسن سمع ان الى بيكتشفو انه مغير النص العربية بتتعدم هل الكلام ده صح ولا عملو حلول للمشكلة دى

مفيش حاجة اسمها السمكرى لحم رقم الشاسيه لانهم هيكتشفو اللحام طبعا وده معناه انهم هيصادرو العربية ويقبضو عليه لاقدر الله وممكن بعد وسايط ودفع فلوس يسيبوه وياخدو العربية ده كلام سمعته من واحد صديقى فى مرور الدراسة
لكن وخلى بالك من لكن دى
المفروض ان العربية تدخل فحص كل 3 سنوات للملاكى وللتاكسى او الاجرة كل سنة
فازاى صاحبك مفحصش من 10 سنين فيه شىء هو مش قايللك عليه؟؟؟؟؟؟؟؟؟؟؟
واخيرا انا اتعرض عليا فى مطروح عربيات بتيجى نصين بتدخل على انها قطع غيار وتتلحم فى بعضها وتمشى من غير ورق وممكن تدفع لها فلوس ويطلع لها ورق مضروب بس لو اكتشفوه خلى بالك دى جناية ياحلو فلو صاحبك كان عامل كده ومش قايللك يبقى انصحه لوجه الله ميروحش يفحص ويمشى بالعربية بدون فحص ويبعد عن اللجان والكماين قدر المستطاع وميتأخرش بالليل اوى

[hema_hn]

بحب اوضح يا اخونا ان العربية كانت عمله حدثة وتم التغيير منذ زمن اكثر من 10 سنوات وبالفعل هى فحصت 3 مرات والفحص الى جاى حيبقى فى 2012 والعربية اتباعت لأكثر من واحد وانا قلتله ان انت اشتريت السنة الى احنا فيها والموضوع ده حصل من زمان يعنى الى حيتسائل فى الموضوع ده الى كانت باسمه ساعة مكانت معاه فى نفس الفترة

انا بسأل هل الموضوع ده جديد بتاع شركة رجب انه بيجيب ورق من عندهم يثبت ان الربع او الجزء الى ركبه فى تاريخ سابق من اصدار القانون الجديد للمرور ولا الى اشترى اتدبس فى القضية ويسيبوا الى عمل النصيبة دى مش كل عربية وليها ملف من يوم متوجدت

برجاء الافادة