لو فيه حادث تصادم بسيط تحب تكون في مرسيدس c200 ولا نيسان bluebaird ولا اسبرانزا a620

[Devill Blood]

ياخونا الصينين دول بيستعابطوا أقول لكم ليه لأن الجزء اللى أتخبط فى ال620 فيبر يعنى المفروض يتعدم العافية وبعدين أنا مش عارف هما جايبين المرسيدس ديه منين دى شكلها عاملة ذى الجيلى زبالة

[iprahim_refaat]

المشاركة الأصلية كتبت بواسطة حازم شاهين توضيح بسيط فقط سيارات شيرى و السيارات الصينى عموما الصاج بتاعها ثقيل و محمل و دى حاجه إحنا بنحبها هنا فى مصر علشان الحوادث البسيطة إللى حضرتك ضربت بيها المثال لكن الصاج المحمل بيسبب مشكلتين الأولى بيزود وزن السيارة بصورة ليس لها داع و بالتالى بزود استهلاك البنزين و بيخلى السيارة محتاجة موتور أكبر علشان تعطى أداء أفضل أما ثانى العيوب إن الصاج المحمل لا يمتص قوة الإصطدام بل بنقله مباشرة إلى أجزاء أخرى فى السيارة (نتيجة لأنه قوى نوعا ما فبينقل قوة الصدمة إلى الشاسية و الكابينة) و دى حاجة مش كويسة فى الحوادث اللى على سرعات عالية (يعنى إبتداء من 50 كيلومتر و طالع) قوة تحمل السيارة للصدمات الخفيفة ليس لها علاقة باختبارات الأمان فغختبارات الأمان بتعتمد على قياس تأثير اصطدام السيارة بجسم صلب على سرعة تصل ل 64 كيلومتر فى الساعة بالإضافة إلى حاجات تانية كتير ، و لما نلاقى سيارة ذات صاج قوى مش معنى كده إنها ممكن تعدى من اختبارات الأمان بسهولة أغلب السيارات الحديثة حاليا بتعتمد على صاج خفيف جدا مهمته إنه يمتص جزء من قوة الصدمة و يشتتها و كمان فى أجزاء معينة من الشاسية مهمتها إنها تبقى عاملة زى الياى يعنى تتطبق بسرعة فتمتص جزء تانى من قوة الصدمة لغاية ما بقدر الإمكان تنخفض قوة الصدمة عند وصولها إلى كابينة الركاب فى النهاية أنا لا أنكر كفاءة و جودة السيارة A620 إللى مسمعناش عنها مشاكل كتير و كمان الحوادث إللى اتعرضت هنا عنها لم يحدث فى أى منها و فيات (حفظنا الله جميعا) و الحمد لله و أذكر إن مهدس فى التوكيل مرة قالى إنه خلال ثلاث سنين و نصف من عملة فى سيارات إسبيرانزا لم يصادف أى حوادث أدت لوفاة أحد الركاب فى النهاية ربنا يبارك فى سياراتنا و يحمينا من شرورها و من شر الطريق

استاذ حازم اشكرك علي المشاركه ولكن حضرتك ممكن تغبر رأيك لو قريت المشاركه دي http://www.masrmotors.com/vb/showthread.php?t=23646
وهي توضح حتي في الحوادث القويه هيبقي ادأها ايه
وبالنسبه للحوادث البسيطه ايه رأيك في المرسيدس والنيسان
عايز رأيك الموضوعي (if you dar )

[حازم شاهين]

أغير رأيى لإيه ؟؟

أنا مقولتش إن العربية ضعيفة أو تعبانه لكنى كنت عايز أوضح إن مفيش علاقة بين
أثر الحوادث البسيطة على السيارة و درجة الأمان بتاعها
كمان أحب أوضح إن نجوم الإختبار الأوربى لا تعتمد على الحفاظ على سلامة الركاب داخل السيارة فقط و لكن فيه درجات للحفاظ على سلامة المارة و درجات تانية للمساعدات الإلكترونية إللى بتقدمها السيارة لتجنب الحوادث و الإصابات الخطيرة

أما بخصوص رأيى و إن كنت مش عارف ليه إنت خايف لا ميكونش موضوعى

فرأيى إنى لو معايا تمن عربية مرسيدس فمش هيهمنى قوى إللى هيحصل فى الحوادث البسيطة لإنأكيد إصلاحها مش هيبقى مشكلة بالنسبة لى أو هكون مأمن عليها المهم إنى أستمتع بركوب المرسيدس

أما بالنسبة للنيسان فكنت هبقى متغاظ لإن عربية صينى خرشمتنى و محصلهاش حاجة مع إنهم الإتنين نفس السعر تقريبا

[iprahim_refaat]

يا باشا الاتحاد رافض يعمل الاختبار من اساسه تنجح او ترسب ليس المهم ولكن عندما تتقدم شركه بتسع موديلات للأختبارات وينتقي الاتحاد منها 4 فقط ويسقطوا كلهم مش معني كده ان الباقي ممكن ماينجحش

والي انا اقصده بتغير رأيك ان صاج السيارات الصينيه تقيل وبيكون خطر في الحوادث علي الرغم من ان علي سرعه عاليه كان معدل امانها علي الركاب اكتر من متميز
اخيرا صدقني لو معاك تمن المرسيدس (ربنا يرزقك واحنا معاك ان شاء الله ) وصدر عربيتك خلص بالمنظر ده من عربيه صيني هتنزل تكمل عليها انت شخصيا ptmnlo123per1116 وبعدين النيسان اكتر منها في السعر بخمسين الف جنيه يا باشا

[zoomaa&mizaa]

انا باختلف معاك يا استاذ حازم لان من مشاكل الصينى ان الصاج بتاعة خفيف قوى لاكن نظرة بتمعن فى هذا الحادث نجد ان التلفيات الكبيرة كانت فى الجزء الامامى من السيارات وبما ان المرسيدس كانت هى صاحبة الصدمة الاقوى لانها هى التى قامت بصدم الاسبرنزا من الخلف وحركتها الى الامام من وضع الثبات لتجعلها تصتدم بل النيسان بهذة القوة ونجد الجزء الامامى للاسبرنزا قد تضرر بهذا الشكل رغم ان الصدمة قد خفت قوتها فسوف نعلم حين ذلك سبب هذا المنظر ومن زاوية اخرى اعتقد واللة اعلم ان المصور كان خبيث الى حد ما لان الزوايا التى اخذها لا تظهر حقيقة الحادث