الفيرنا بتسخن مع التكييف

[M.TONSY]

المشاركة الأصلية كتبت بواسطة Explorer المشكلة دي حصلتلي في السيات كوردوبا قبل ما ابيعها كانت السرعة التانية في المروحة مش شغالة علشان الفيوز كان ضارب لما كنت بشغل التكييف كانت العربية بتسخن ودرجة الحرارة تقرب من ال ١٢٠ ولما اطفي التكييف درجة الحرارة تنزل للدرجة الطبيعية ٩٠ الفيوز اتغير السرعة التانية اشتغلت والمشكلة اتحلت

هو ده التفسير المنطقى
فعلا كتاوت المروحة بيخلى المروحة تشتغل بسرعتين سرعة عالية وسرعة واطية على حسب احتياج الموتور للتبريد ومن الطبيعى ان المروحة بتشتغل بسرعتها القصوى مع عمل التكييف لانه بيبقى محمل جامد على الموتور وبيسخنه
فلو اشتغلت المروحة بالسرعة الواطية هتلاقى العربية ما تسخنش فى الظروف الطبيعية للتشغيل ولكن تسخن مع التحميل الزائد فى السرعات العالية خاصة مع التكييف

[AHMEDCAR]

هو ليه محدش بقراء المشكله للاخر يا رجاله انا قولت انى اتاكده ان المراوح شغاله و ان الريتادير انا سلكته و كمان ثرموثتات الكوعه شيلته

[bebonet]

اولا ممكن تكون دورة المياه واخده هواء
وغطاء القربه من فوق بيكون فيها بلف
لخروج الهواء من القربه ممكن يكون
مسدود ومحتاج تسليك

[haninatoon]

اولا : اخبار الزيت اية ؟ مكن الزيت مبقاش بحالتة ومن هنا الاحتكاك بيزيد فالعربية بتسخن
انت 120 من غير تكيف مش بتسخن لكن 140 من غير تكيف بردة احتمال تسخن
لان السخونة زيت او مياة وانت بتقول المية ودايرتها تمام التمام
ثانيا ؟ فحص الكمبيوتر

[spiderman]

راجع على سلك الارضي بتاع السيارة الى بجاني قاعدة البطارية