|
#1
07-07-2013, 09:35 PM
|
|||
|
|||
يعني حساس الكرنك وفايدته ومكانه؟؟؟
انا عندي اوبتر 2011 كنت هغسل حوض الموتور من التراب فقط مفيش اي حاجة تاني لكن ناس كتير حذرتنى من إن الميه لو جت على حساس الكرنك العربية مش هتدور و هتقف مكانها انا كنت عاوز حد يعرفنى يعني ايه حساس الكرنك و مكانه فين في الاوبترا و فايدته ايه و يا ترى لو الميه جت عليه العربية هتعطل فعلا؟؟؟ يا ريت معلومات كامله عن الموضوع و لو حد عنده صور او فيديو
مع الشكر 
|
|
#2
07-07-2013, 11:44 PM
|
||||
|
||||
رد: يعني حساس الكرنك وفايدته ومكانه؟؟؟
1- عربيتك جديدة متخليش حد يفتيلك فيها 2- الميه اكبر عدو للميكنات عموما و العربيات خصوصا الا فى ظروف معينة بتكون حالة الميه مش مضره للميكنة 3-الشئ اللى مش ضرورى و فى مخاطرة الافضل تتجنبه 4-فى قطع زى حساس الكرانك بتكون كلها فى وضع واحد لأنها بتأدى نفس الوظيفة اولا الكلام اللى اتقالك بخصوص حساس الكرانك صحيح تماما انك لو جبت عليه اى ميه او زيت هتتلفه حساس الكرانك اسمه العلمى كرانك شافت بوزيشن سيسنور CPS ببساطة وظيفته يحدد موقع الكرانك و هو بيلف فيه و يبعت المعلومة لكمبيوتر الموتور و الكمبيوتر يحدد بناء عليه امتى يضرب الشراره بالميكروثانية عشان يظبط حركة البساتم و الا الكرانك هيتعصر والعربية هتلاقيها بتقطع او مش بتشتغل ثانيا ليه الحساس ده بيبوظ من الميه لأنه ببساطة شغال على العربية بحاجه اسمها الالكتروماجنيتك سيجنال جينيراتور و ده ببساطة كده بيعتمد على توليد موجات مغناطيسية قابلة للتغير بتغير توصيلية الوسط المحيط اللى هيا الميو و الميو بقى بتزيد قيمتها كل اما يقرب منها قرص الكرانك من جوه و بناء على كده بتتغير قيمة المجال المستحث فى القطعة دية و يعرف الكمبيوتر بمقدار التغير و مدة حدوثه و بناء عليه يعرف الكرانك فين بالظبط و سرعته قد ايه فى اللحظة دية الكلام ده بيحصل فى زمن ممكن متتخيلهوش واحد على مليون جزء من الثانية لما تيجى الميه تدخل فى السينسور ده او الزيت قيمة الميو بتفضل ثابته و مش بيحس بالفرق الطفيف جدا اللى بيحصل و بناء عليه بيقول للموتور مفيش كرانك بيتحرك و الموتور يقول طب مش هدور هو بعزقة بنزين يا عم  ثالثا لما تحب تنضف الحوض و الموتور و الفتيس من تحت و الكلام ده كله تعمل ايه انك تروح لمركز متخصص ده بيكون نزاها و احترام للمكنة بناقص 30 ج ما احنا بندفع قد كده لما خلاص اتعقدنا لما تحب تنضف الموتور فيه فوم مخصوص لتنضيف المكنه لما تحب تنضف اى قطعة ميكانيكية تنضفها بأوكتان او نفط متنضفهاش ببنزين لما تحب تنضف اى قطعة بلاستيكية تستخدم جلانس لو القطعة ضعيفه لو مش ضعيفه و بلاستكها جامد تستخدم بنزين تنضيف نوع خاص من البنزين بيكون ملهوش لون بيتباع فى البنزيمات لتنظيف الملابس اساسا لما تحب تنضف اى قطعة ميكانيكية تدور مثل التروس او الكبالن او الكرونة او الفتيس او عصاية الفتيس بعد ما تنضفها كويس تغمسها فى زيت تروس او تحطه فى رشاش و ترش عليها عشان تضمن ان الترس اخد الغلاف اللزج المناسب لحماية العضم بتاعه لما تحب تنضف اى توصيله كهربية او لوحة الكترونية افصل قطاش البطارية و نضفها بأسبيراى مضاد للأكسدة 90 لما تحب تنضف البوابة اشترى طقم نضافة للمكنة لما تحب تنضف قطاش البطارية استخدم سنفرة حدادى ناعمه و رش مضاد الاكسدة و انت بتنضف رابعا الصور بقى توضيح لنظرية عمل حساس الكرانك زى ما شرحتلك  علاقة حساس الكرانك بكمبيوتر الموتور  شكل حساس الكرانك بيكون ازاى  بيركب فين الحساس ده  تدور عليه عند ربط الموتور من ورا عند ربطته بحلة الفتيس او تدور عليه من قدام عند الفلاى ويل بتاعة الكرانك  بالتوفيق و ربنا معاك
__________________
|
|
#3
10-07-2013, 01:10 AM
|
|||
|
|||
|
رد: يعني حساس الكرنك وفايدته ومكانه؟؟؟
بصراحة انا مش عارف اشكرك ازاي على الشرح الوافي الرهيب ده
عموما انا بشكرك جدا
|
|
#4
11-07-2013, 12:38 PM
|
|||
|
|||
|
رد: يعني حساس الكرنك وفايدته ومكانه؟؟؟
مش ممكن توضح لنا حساس الكامة كمان بالمرة
|
 |
|
|
