تجربتى بين الفيرنا وستروين c3

[ahmedemad]

السلام عليكم
عن تجربة شخصية هقارن بين اول عربية مبيعات فى السوق المصرى والc3
كان معاى فيرنا اتوماتيك زيرو من 2007 واعدت معاى لحد 2011 واضريت ابعها لظروف مش هطول عليكو
بصراحة عمرى مكنت مفكر فى موضوع الستروين وجت معاى صدفة واشتريت c3 بحالة الفبريكه ب 46 المهم انا كنت زعلان ع الفيرنا اوى لكن اول مركبت الستروين حسيت بفرق فى الاعدة فى الفيرنا كراسيها عالية وتجيب اتب فى الضهر اما الستروين مريحة
الفيرنا منظر صالونها مش ولا بد والتابلوه حتة واحدة اما الستروين كان التابلوه رسمه فنان
الفيرنا فى الملفات تحس انك بتلف معاها لكن الستروين خدت منحنى على 140 وكان مفيش حاجة
الفيرنا بلاحظ انها كانت بتنفع شركات البترول فى استهلاك البنزين ممكن عشان كانت 1600 لكن الستروين بنسى موضوع البنزين معاها
الفيرنا بيقلو ان قطع غيرها رخيصة تخيلو انى لقيت محل قطع غيار ستروين قلت اخش اشوف ايه النظام جيه فى دماغى اسئل على جوز المساعدين الراجل قالى 700 وجداد فرنساوى اصلى ؟؟ انا قبل كده عملت مقص خلفى فيرنا بنفس السعر طب رخيصة ازاى سبحان الله على الشعب المصر لما يقول بيقلك قطع غيرها ولعة ومش موجودة
احنا شعب بنظلم العربيات ونشجع عربيات ملهاش لزمة ولا حد يعرف عنها حاجة بره
ظلمنا الالفا رميو وخلينها ب 30 الف وظلمنا الفورد وخلنها ب40
سبحان الله على كلمة بيقلك

[Egy News]

كل ده بسبب الثقافيه الشرائيه بتاعت المصريين

[Mohamed Dahab]

الف الف مبروك اللهم بارك
انا هقول جمله واحده
اركب واستمتع

[ahmedemad]

مشكورين على الردود

[ahmedromance]

الف مبروك علي العربية وان شاء الله تتهنى فيها ومرحبا بك في قسم ستروين ومتحرمناش من تقرير انطباعك عن السيارة في كل فترة تستخدمها فيها.