استفسار بخصوص سيارة معاقين

[ha_thewolf]

السلام عليكم
اولا الموضوع ده ليه عيوبه و له مميزاته
المصاريف اللي انت هتدفعها
1- في حدود 5000 للمعاق
2- 10000 لفك الحظر من العربيه ( بمعني ان اي حد يقدر يسوق العربيه غير المعاق و لكن هتفضل العربيه باسم المعاق حتي 3 سنين حتي تستطيع نقل ملكيه العربيه ليك )
يبقي اللي هيتبقي في حدود 35000 تقدر تشتري بيهم العربيات الاتيه (جوليت-لانوس 1&2 -نوبيرا 1&2-ماتركس)مانيول او اتومتيك عدا الماتركس عامله (37000 الي 40000 ).

مميزاته
-عربيه بمواصفات امان هايله جدا فمثلا ( abs - air bag ) . (لاتوجد في الفئات الموجوده في مصر )
-تبقي العربيه مستخدمه استخدام نظيف جدا جدا حتي و لو مشيه 150 الف كيلو .( لا تقارن باستخدام المستخدم في مصر )

عيوبه
-ان العربيه هتفضل باسم المعاق لمده 3 سنين
-لازم تكتب المعاق وصل امانه بقيمه العربيه (لقدر الله لو مات المعاق فوصل الامانه ضاع عليك هو و العربيه).

و الاهم من ده كل تاخد معاك واحد عنده خبر كبيره جدا لان في نصب كتير ممكن هتلاقيه هناك تكون العربيه شكلها زي الفل و لكن كعفشه او ماتور تبقي و حشه وطبعا البرومه او المساعدين .

انا لو منك الافضل تشتري من مصر بس هتتعب قوي علشان تلاقي عربيه نضيفه زي الموصفات اللي مستورده من الخارج .
لان انت متضمنش المعاق ممكن يكون نصاب اولقدر الله يتوفي (الحاله الوحيد المضمونه لو كان قريبك )

[ha_thewolf]

اسف نسيت في كمان عربيات في حدود 35000 كيا شوما 1&2 و كمان الانترا مو 2000 الي 2002

[nabaleto]

شكرا لاهتمامك بجد
هي اكيد بتبقي عربيات حلوة طبعا
بس للاسف الاجراءا ت دي حاجة صعبة اوي

[ha_thewolf]

ممكن اعرف بعد اذنك هل المعاق معرفه ليك او صديق ليك ولا لا

[tham1010]

أنت ممكن يا nabaleto تشترى عربية من معاق بعد ما تخلص المدة بتاعتها. برضوا هتاخد حاجة كويسة وبسعر كويس.