رابطة مالكي الكيا سيفيا فيد واستفد ( صداقة - نقل خبرات )

[fahdrasslan]

السلام عليكم عندى سيفيا 1999 اوتوماتيك مؤخرا ظهر برجلة وبتبطل عند D ولازم ادوس بنزين وانا طالع وبعد كده العربية تترجرج وبيحصل نتشة عند سرعة ال40 فين المشكلة ولو حد يقوللى على فنى شاطر وجزاكم الله خير

[zamzamm]

السلام عليكم
هذه اول مشاركه لي
سيارتي كيا سيفيا 95 المشكله بوجود رائحة دخان داخل السياره والشبابيك مغلقه وهذه الرائحة لا تاتي تقريبا الا عند الصعود والطلعات او ضغط الماتور
تم فحص الاكززوت من قبل اكثر من فني والامور سليمه

[a_s_a_o]

السلام عليكم ورحمة الله

وانا لسه طالع الصبح فى امان الله

وماشي على السلانسيه

سمعت خبطة جامدة وطقه

وقجئة العربية وهى على ال d مبقتش تمشيى ادوس بنزين صوت الارب بى ام يعلى وعداد السرعة يزيد ولا كان العربية واخده غيار اجيب مارش نفس المشكلة اول مجبت على البى سمعت زي صوت احتكاك فى ترس عمل ( ازززززززززززززز) ده الصوت رحت مرجع العربيه زق وركانها فتحت الكابوت لاقيت زى حتة كاوتشة كده صغير مدورة واقعه مش عارف منين

ربنا يستر مش عارف ايه اللى حصل

وطبعا لمبة ال od/off بتنور

العربية كيا سيفيا 99

ارجوا المتابعه الله يكرمكم ويقولى ايه المشكلة ولا اودى العربية فين

[احمد الإسناوي]

ياريت رقم الميكانيكي ده لاني محتاجه ضروري

[masrawy333]

السلام عليكم
أنا عضو جديد في رابطة مالكي السيفيا، اشتريت سيفيا 2001 مانيوال 1500 سي سي استعمال خفيف، كشفت عليها في مركز صيانة قبل ما أشتريها قالولي تمام باستثناء علبة الشكمان الوسطانية ممكن تحتاج تغيير فيما بعد لو سحب العربية كتم معاك، تاني حاجة كفاءة الأسطوانة والدسك بتوعها تقريبا 70 % فقالولي امشي بيها سنة كدة وبعدين غيرهم، المهم أنا عملت الصيانة الشاملة للعربية (تغيير سيور وفلاتر وزيوت وبوجيهات) ولكن أنا لاحظت:
(1) العربية سحبها مش حلو وبتحتاج إني أقرص عليها في الغيارات عشان تديني التسارع المطلوب، ولما بمشي على الطرق السريعة بلاقي إنها ماشية على عزم عالي شوية للموتور، بمعنى إني عشان أمشي على سرعة 90 كم/ساعة بلاقي عداد لفات الموتور أكتر من 2.5 يعني مثلاُ 2700 لفة/دقيقة وعشان أمشي على سرعة 100 كم/ساعة عداد لفات الموتور بيقرب من 3000 لفة/دقيقة .. بيتهيألي كدة كتير؟ عايز أعرف من مالكي السيفيا الأرقام دي كام بالنسبالكم.
(2) ثبات العربية على السرعات العالية مش حلو لما بتكون في حتة مش مظبوطة في الطريق وبحس إن العربية بتعوم لما باكل مطب صغير على سرعة عالية، مع إن المفروض إن السيفيا عربية حجمها كبير وواطية على الأرض والمفروض ثباتها يكون أحسن من كدة .. تفتكروا ممكن ده يكون من إيه.
شكراً وفي انتظار ردودكم .
(3) معدل استهلاكها للبنزين جوة البلد 10 كم / لتر تقريباً وفي السفر من غيير تكييف 12.5 كم/لتر .. كدة كويس ولاايه؟