رد: مخطط تصفيه الثوره ,,
الحرب على مصر مستمرة وفى جبهات متعددة سيبكم من الارهاب اللي على الحدود وده ربنا يعين خير الاجناد عليه -- الجبهة التانية هى الجبهة الداخلية -- اللي بيحصل فى الصعيد مع اخواتنا المسيحين -- و نشر الشائعات اللي هدفها التخويف وترويع المواطنين زى موضوع خطف بنات فى اسكندرية مثلاً والمقصود طبعاً بالكلام ده اثبات ان الشرطة مش شايفة شغلها ومحاولة استعداء الشعب على الشرطة -- التشكيك فى جدوى قرض الاتناشر مليار دولار والي بيشكك وبيرفض ماقالش حل بديل يخلي عقلى يقتنع -- انه صح -- والحقيق...ة برضه لما سيادة الرئيس بمنتهى الشفافية والصدق اتكلم فى الموضوع ده -- فجأة الكوميديا زادت وبرضه ماحدش رد بشكل يقنع دماغى واخيراً موضوع الاربع طيارات بتوع الرياسة وبينى وبينكم لما لقيت الخبر متشير كتير شكيت -- ولانى مابعرفش فرنساوى غير الكام جملة اللي درستهم فى ثانوى بتوع امينه ايه مالاد وچومابل نشوى -- فقلت اسأل الاحباب اللي يقدروا يترجمو لى الحكاية علشان اخد موقف من الموضوع ده مش بناءاً على عنوان متشير -- وبعد الترجمة لقيت ان الموضوع مش موضح اذا كانت طيارات رئاسية ولا حكومية ولا مصر للطيران ولا حرس جمهورى تانى حاجة ان مصر للطيران عندها نفس نوع الطيارات دى اذاً ممكن تكون بتشترى تانى نفس النوع وعادى ان شركة طيران تشترى طيارات الاهم من كده -- مين مصدر الخبر -- هل هى الحكومة الفرنسية -- لاء -- دى حاجة اسمها لاتريبيون -- قمت سألت الناس الي بتفهم ومتابعة اعلام فرنسى -- يااخوانا لاتريبون دي ايه بالظبط تبع مين -- وبعدين دى فرنساوى يعنى خواجات ومش ممكن يكذبوا زينا -- اتقال لى ماتبقيش عاملة زى القروى السادج المنبهر بأى حاجة فيها لغة اجنبية -- لاتريبيون دى حاجة كده شبه المواقع الصفرا بس ليها منابعين كتير لانها بتبحث عن كل ماهو مثير -- وبعدين زى ماهنا فيه مواقع بيمولها الكارهين -- الاعلام الغربى غالباً بيتمول من اللوبى الصهيونى حتى وان لم يكن بشكل ظاهر يعنى من ورا الستار -- يعنى لاتريبيون مش رويترز مثلاً علشان اسلم بصحة الاخبار اللي بتنشرها -- ياجماعة شوية عقل وتدبر للامور -- والله احنا مانستحمل اللي بيحصل لدول شقيقة حوالينا ربنا يعينهم -- ياجماعة الاي متغاظ من شخص رئيس الجمهورية علشان نجانا من الاخوان او اللي متغاظ انه فشّل له مشروعه فى مصر فى انها تكون سوريا او العراق او ليبيا -- او اللي مش مستلطفه لانه كان يتمنى غيره -- ينسى عبد الفتاح السيسى وبكره حيعرف الراجل ده بيعمل ايه لمصر وبكره اللي اقصده بمره القريب مش البعيد -- خلينا كلنا نتلم مع بعض علشان مصر -- قوتنا اللي ترعب الاعادى هى وحدتنا -- واعتصموا بحبل الله جميعاً ولا تفرقو -- مافيش فايدة مش عارفة استمتع بالاجازة
سحر مصطفى
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
17-08-2016, 05:00 PM
