طلب مشورتكم فى سينا أو جيلى

[peter5]

اية الفرق بين سينيا 2002cc1400
والجيلى ck1 2006 cc1600
وايهما افضل
اسرع فى البيع والشراء حيث ان السينيا رشة خوارج بينما الجيلى فبريكة بالكامل وعاملة 46الف كم

[miroseba]

بص انا هقولك العربيات الصينى متجبش مستعمله ابدا ياعنى بيجو 504 حالتها ممكن تكون احسن من اى عربيه صينى 2008
وكمان الصين بتعمل عربياتها على اساس انها استهلاكيه ياعنى 4 سنين وارمى تبقى خرابه بعد كده عشان كده العربيات رخيصه جدا بره مش فى مصر والسيينا افضل بكتير ماتور وتقفيل واستحمال وكل حاجه ومش هتقارن عربيه صينى بعربيه ايطالى حتى لو موديلها قديم ياعنى مثلا تمبرا موديل 90 و اونو 95 و حتى 128 افضل وكمان الصينى بطئ جدا فى السوق مش زى السيينا ومش مهم خوارج المهم الاساسيات ولو دورت اكتر فى النت هتلاقى عربيات فبريكه بالكامل وحاول تشترى من النت بلاش السوق كل الى بيبع العربيات فى السوق هلكانه

[محمدحمدي]

مع احترامي للسيارات الايطالي وعقده الخواجه اللي عمرها ما حا تسيبنا ما الايطالي كله عيوب ها نقول الايطالي الياباني ونرجع نقول ده طلع فيهم عيوب وفضيحه التوتا والهوندا والفورد ليست ببعيده وكنا طالعين بيهم السما اما اسعار الصيني ليه رخيصه لانها لسه لم تاخذ حقها في السوق زي اي سياره بدات اما ان الاستعمال رديء ييجي اي يفحص سيارتي الجيلي ويجيب فيها عيوب مع العلم انها عامله 100000 كيلو مع العلم انك لا تشتري صيني فلافضل لاتشتري ايطاااالي لان السيينا حدث ولا حرج

[haythamkmal]

فى فرق كبير اوى بين الصينى واى حاجو تانية مع احترامى لعربيت حضرتك فى خامات و تقفيل ، ياراجل دا فى فرق بين الكورى واليابانى ما بالك الصينى والفضيحة اللى انت بتقول عليها دى عشان دى شركات محترمة بتعترف بالغلط وبتكشفة لكن فى ناش تانية لو كشفو عن اخطائهم هتبقى كارثة .
بلاش نضحك على نفسنا ونقول عقدة الخواجة، اعطى لكل ذى حق حقة.

المشاركة الأصلية كتبت بواسطة محمدحمدي مع احترامي للسيارات الايطالي وعقده الخواجه اللي عمرها ما حا تسيبنا ما الايطالي كله عيوب ها نقول الايطالي الياباني ونرجع نقول ده طلع فيهم عيوب وفضيحه التوتا والهوندا والفورد ليست ببعيده وكنا طالعين بيهم السما اما اسعار الصيني ليه رخيصه لانها لسه لم تاخذ حقها في السوق زي اي سياره بدات اما ان الاستعمال رديء ييجي اي يفحص سيارتي الجيلي ويجيب فيها عيوب مع العلم انها عامله 100000 كيلو مع العلم انك لا تشتري صيني فلافضل لاتشتري ايطاااالي لان السيينا حدث ولا حرج