رينو ستيب واي بونتو اسبيرانزاm12

[spieler80]

المشاركة الأصلية كتبت بواسطة ahmed-alaa قطع غيار اللوجان اسعارها معقولة و متوفرة برة التوكيل يعني ابتدت تبقي منتشرة انتشار قد يصل لانتشار قطع غيار الفيرنا انا شخصيا انصحك بلاش البونتو لأن واحد صاحبي معاه فيات لينيا و التوكيل فعلا زبالة مطلعين عينو في كل حاجة و قطع الغيار بيبعوها غالية و صيانتهم ز بالة و قطع غيارها مش منتشرة اوي زي اللوجان اللي قطع غيارها بقت في كل حتة و حتي قطع غيار الستيب واي لو حبيت تجيبها من التوكيل مش بيسرقو اوي زي توكيل فيات اللي بيضربلك الحاجة في 10 و خدمتهم آدمية و معقولة ربنا يوفقك يا رب و يهديك للعربية اللي فيها الخير ليك. بس بأمانة انا لو منك هبعد عن الفيات والاسبيرانزا و هجيب الستيب واي عرربية اشيك و قطع غيار اكثر توفرا و مراكز صيانة محترمة ومنتشرة و جودة كويسة عن الاتنين التانين و سعر اعادة البيع هيكون اعلي من الاسبرانزا و الفيات

الف شكر يا باشا انا فعلا ميال للستيب واي اكثر بس متردد عشان اولا هي لسه جديده و معرفش قطع الغيار متوفره ولا لا ثانيا حاسس ان 80000 كثير عليها عشان هي فقيره شويه من جوه يعني اظن البونتو من جوه احسن بس هو فعلا توكيل رينو افضل بكثير لو عندك اي معلومات عن ستيب واي من ناحيه المميزات و العيوب يا ريت اعرفها و اكون شاكر

[mira lada]

رينو ستيب واى الافضل.

[ahmed-alaa]

المشاركة الأصلية كتبت بواسطة spieler80 الف شكر يا باشا انا فعلا ميال للستيب واي اكثر بس متردد عشان اولا هي لسه جديده و معرفش قطع الغيار متوفره ولا لا ثانيا حاسس ان 80000 كثير عليها عشان هي فقيره شويه من جوه يعني اظن البونتو من جوه احسن بس هو فعلا توكيل رينو افضل بكثير لو عندك اي معلومات عن ستيب واي من ناحيه المميزات و العيوب يا ريت اعرفها و اكون شاكر

بص هو كلامك هن كونها جديدة صحيح بس الفكرة ان العربية هي هي تقريبا اللوجان في كل حاجة الا الفوانيس و الحاجات اللي في البودي من برة يعني الاكصدامات و الرفارف و كام حاجة تانية فده مخلي الموضوع سهل جدا لان قطع غيارها منتشرة من سنين قبل ماتنزل و هي مش فقيرة ككماليات يعني فيها اغلب الكماليات الاساسية اللي هتحتجها و متنساش ان موتورها احسن من موتور البونتو و شنطتها اوسع و حجمها اكبر وده يفرق طبعا في السعر و شكلها و كماليتها افضل (الشكل ده وجهة نظر طبعا ) انا شايف ان سعرها معقول عليها هي كان هيبقي افضل لو ارخص كام ألف بس انت عارف التوكيلات في مصر ربنا يسامحهم بس انا شايف انها تستاهل الكام الف الزيادة عن البونتو وبعدين الواحد بيجيب العربية عشان تريحو مش عشان كل كام يوم يروح يتخانق مع التوكيل فعلا توكيل فيات زبالة و الله صاحبي كل كام شهر يروح يتخانق معاهم . و الستيب واي ماقدرش افتي في قصة العيوب لانها لسة نازلة بس اقدر اقولك انها تقريبا هي هي السانديرو اللوجان و التنين ما شاء الله تقريبا عيوبهم قليلة جدا يعني عالية شويتين بس دي هتبقي مفيدة عشان شوارعنا
و بالتوفيق

[yehia89]

رينو ستيب واى
:0101 04~171:

[lolyta]

يا جماعة طيب بالنسبة لتصليح الرينو خالج الضمان اخبارو اية ؟؟؟؟؟؟؟