مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((

[عمرو محمد عزوز]

يا باشا انا معايا صنى اوتوماتيك 2011 وجبت بيها 180 على طريق الجيش الجديد وكمان كنت محمل شنط واربع افراد شوف اى توكيل تانى بس انا اعرف ان السبع كويس

[mody112]

المشاركة الأصلية كتبت بواسطة Elm3alem يا باشا قلت كده للمهندس قاللى يباه اللى بيقولك كده بيضحك عليك .... لانه مفيش صنى 2010 او 2011 مش مقفولة .. اللى مش مقفوله 2009 .. و بكل اسف مش هاقدر اكذبه لانى شغال فى شركة و معايا سته وصلوا بيها فعلا حتى 160 و قفلت على كده و مش بتزيد فانا معايا 6 بيايدونى و واحد او اثنين بيقولوا عكس كلامى ففى الغالب كلام المهندس صح هو أدرى منى و منك و فى نفس الوقت اللى قاله صح و رده كان جااااااااااااهز مش بيفتكسلى اى حوار و السلام شكرا ليك

صدقنى انا بحاول بس اساعدك وخصوصا لانى بحب الجرى وعارف يعنى ايه عربية جديدة وزى الصنى وهورس بور 118 حصان ومتجيبش غير 160 بس طبعا حاجة تخنق ولكن صدقنى انا صاحبى ده معايا فى الشغل وامبارح اول ما لقيت مشاركتك روحت وسالته على طول وقالى اللى انا كتبتهولك امبارح وصدقنى ممكن المهندس مش عاوز وجع دماغ والكلام اللى قالهولك ده هو حفظه وقاله قبل كده لحد زيك كان عنده نفس المشكلة عشان كده رده كان جاهز وبعدين ازاى تبقى عربيات اقدم من عربيتك بكتير وكمان هورس بور قليل جدا وتعدى عربيتك زى الفيرنا والانوس وكمان ياراجل دى البريليانس موديل 2009 مع واحد تانى صاحبى وصل بيها لغاية 200 وهى مانيوال 106 هورس بور يبقى الكلام مش منطقى بالمره حاول تسال حد تانى وربنا يوفقك

[abdulkhaleq]

طبعا انا مش من مشجعي الجري تماما, وخصوصا ان العربيات دي كللها مش معموله لكده
واحنا برضه واجهنا الموضوع ده لما كنا هنجيب مازدا 3 الجديده (مقفوله على 180) كوسيلة أمان, بتيجي كده من بره, ولما التوكيل كلم المصنع وقال في ناس عايزين يفتحوها قاللهم take it or leave it
عشان بيكونوا ضامنين الفرامل والتحكم لحد السرعه دي بس
بالنسبه لقصة 160 دي, انا مش عارف هل العربيه دي فيها كمبيوتر ؟؟
لو كده هيبقى التعديل فيه, ده لو بتوصل ل 160 وبتحس ان العربيه بتتخنق والسرعه هتبدأ تهدى
لو لأ يبقى الجير بوكس فعلا وحرام تغيره عشان لسه جديد زي ما بتقول

[hima_alex]

يا جماعه لو حاد فيكوم فاتح الكتلوج بتع العربيه حيلقى السرعه القصوى 170 ان عندى صنى 2011 وبعنى من نفس المشكله بس ان اعتقد انهوم ئفلين rbmعلى 4000 مش السرعه بس متهئلش ينفع تعلى عن 170

[elgdawy2007]

المشاركة الأصلية كتبت بواسطة Elm3alem انا معايا صنى إى اكس اتوماتيك ABS + AirBag موديل 2011 و عامله دلوقتى 9134 كيلو و انا بسافر كتير ومن هواة الجرى الاّمن .. و فوجئت فى احدى المرات و انا على طريق اسكندريه الساحلى الدولى انى لما بحاول اجرى العربيه بتجيب ال 160 على ااااخر الثالث و بعدين يقوم جايب رابع و الار بى ام يثبت على 4 و السرعه مبتزيدش حتى وانت دايس او لو عملت كيك هينزل ثالث يجيب اخره و بعدين برده ينقل رابع و يقف الار بى ام على 4 و السرعه لا تزيد ابدا عن 160 .. فقلت يمكن البنزين او الزيت لغاية اما عملتها اكتر من مره مع غيار الزيت من شل 5000 الى موبيل 5000 و برده مع اختلاف الموقف ( يعنى سواء كنت بحرقلها او كنت بجرى مستريح على طريق مفتوح زى الدولى) اخرها 160 ( فكلمت توكيل السبع و وصلتنى بمهندس مسئول و حكيتله الموقف .. فرد بمنتهى الثقة و التاكيد ( انه ده شئ طبيعي لان صنى 2010 و 2011 الاوتوماتيك Gear Box factory locked 160 KM/S بينما الموديل 2009 يجيب لغاية 200 كيلومتر واااااااسفاااااااااه 118 حصان و مقفولة على 160 كيلو .. اللى يزعل انى كنت بجيب 180 بلانوس مانيوال 2004 و كان نفسى احس ال 200 فى الصنى .. بس مليش نصيب ولكن "عسى ان تكرهوا شيئا ... "

يا جدعان اقسم بالله اقسم بالله للمره المليون توكيل السبع دول نصابين من الدرجه الاولى وبتوع حوارات واى استفسار من اى شخص يعيب السياره حيقولوا لكم اى شيىء على اعتبار ان دى مش مشكله فى السياره وانا عن نفسى جربتهم وعرفت سياستهم القذره دى كويس جدا دول ناس بتوع اشتغالات للناس وبس يعنى بالعربى بتوع حركات قرعه حتى كمان فيه ناس منهم هنا فى المنتدى وحتلائيهم عاملين نفسهم اصحاب سيارات من نفس النوع وبيشكروا فى توكيل السبع وطالعين بيه السما السابعه كنوع من الدعايه ليهم ليس الا الخلاصه الناس دى اى سؤال حتوجهه ليهم حيخترعولك حوار الغرض منه التضليل على العيوب اليى انت اكتشفتها فى السياره وعلى فكره ده ميمنعش من قول الحق للسياره فهى فعلا سياره فوق كلمه محترمه جدا كمان بس مع الاسف الوكلاء معظمهم فى مصر غير محترمين واولهم السبع صاحب سياسه الاشتغالات