مطلوب معرفة الاجابة ؟؟؟

[toti1975]

اصدقائى الاعزاء عاوز اعرف 3 حاجات .... انا عندى لانوس1 م 99
1- هى لازم العربية تتشحم زى العربيات القديمة؟ اصل انا من اول ما اشترتها استعمال مشحمتش؟؟ و حاسس ان العربية مبقتش ناعمه فى المشى ؟
2-بسمع صوت وره فى المش من قدام ناحية اليمين .. رحت لميكانيكى قم رافع العجل و قالى دور و انقل سمع لالصوت و بص تحت قالى العمو اللى واصل بين العجلتين( عمود الكردان ) مش عارف صح كده و لا ايه فيه حته مقوسه شوه ممكن تتعدل و لا لازم اجيب العمود كله استعمال بما فيه الكبالن ؟
3- انا لسه شاحن فريونمن اسبوع و كان كويس لما شحنت و لكن بعد كده حسيت انه مش ثلج و ضعيف بالرغم من انى بكون مشغله على 4 ... ايه السبب ؟؟؟ و شكراً

[samirayad]

1- هى لازم العربية تتشحم زى العربيات القديمة؟ اصل انا من اول ما اشترتها استعمال مشحمتش؟؟ و حاسس ان العربية مبقتش ناعمه فى المشى ؟

العربيات الحديثه زى عربيتك

مفيهاش الكلام ده

وأساسا

مفيش حاجه أسمها يتحط شحم على مكان مكشوف ومعرض للأتربه والرمال

فتلك فتاوى لدى الجهلاء من الصنايعيه

-بسمع صوت وره فى المش من قدام ناحية اليمين .. رحت لميكانيكى قم رافع العجل و قالى دور و انقل سمع لالصوت و بص تحت قالى العمو اللى واصل بين العجلتين( عمود الكردان ) مش عارف صح كده و لا ايه فيه حته مقوسه شوه ممكن تتعدل و لا لازم اجيب العمود كله استعمال بما فيه الكبالن ؟

لو عمود الكبلنج فيه فعلا حته مقوسه

وده صعب

إلا إذا كان حصل وعديت على بلاعه ولا شىء من هذا القبيل

وحصل لطشه فى عمود الكبلنج

يبقى الصح أن تغير جوز عواميد كبالنج بكبالنهم ( إستيراد نضاف )

----------------------

وبرضه علشان تحكم الأمور صح

أعمل إختبار ترصيص لعجل العربيه والعجل راكب مكانه

هيتعرف حالة بلى العجل

لأن ممكن تكون عندك بليه وحشه

والميكانيكى بيقول أى كلام

- انا لسه شاحن فريونمن اسبوع و كان كويس لما شحنت و لكن بعد كده حسيت انه مش ثلج و ضعيف بالرغم من انى بكون مشغله على 4 ... ايه السبب ؟؟؟

ممكن تكون كمية الفريون المشحونه غير كافيه لإتمام عملية التبريد للهواء بالكفاءه المطلوبه

وممكن تكون حطيت فعلا الكميه الصح

بس الفريون بيهرب من أى مكان فى دورة التكييف

[mhamdy75]

العجل الخلفى بس هو اللى بيتشحم البلى بتاعه وكل سنتين مثلاُ

والله أعلم

أما التكييف لو ساء أكتر يبقى فى تسريب لا قدر الله

[goudai]

انا متفق مع العضو المحترم م/ سمير فى موضوع التشحيم بس فى نقطة احب انى اساله فيها ، بالنسبة لغسيل العربية من تحت انا لما برفع العربية فى المغسلة واغسل العربية بالمياه وبعد كدة اغسلها بالجاز بحس بنعومة نوعا ما فى العربية فانا مش عارف ده صح ولا غلط وان كان غلط فايه الطريقة اللى اقدر احافظ بيها على العربية من تحت من البارومة خاصة ان انا فى منطقة ريفية ومع اى شتواية صغيرة العربية بتتحول من فوق وتحت الى مستنقع صغير وهل كثرة الغسيل مضرة للعربية ؟؟؟؟؟؟؟؟؟؟ وشكرا

[pharm45]

كمان سؤال؟؟انا لما غسلة عرلبيتى مرة لقيت الراجل بيغسل الكبوت من جوة "حوض الموتور" ببنزين وبعدين لما خرجت من عنده قيت العربية بتدخن من قدام "لان البنزين ساعتها بيطير من السخونة" ..هل انه يغسل الموتور وجميع اجزاء الكبوت ببنزين مفيد ولا فى ضرر على العربية؟؟؟