مستجد و عندي استفسارات كثيييير

[kareem_EG]

السلام عليكم ..
اولا انا معلوماتي تكاد تكون معدومة في الموتوسيكلات انما ان شاء الله بمساعدتكم حقدر ابدا اول خطوة في اني ابقي biker .. وانا بمجرد قراءة بعض مواضيعكم اكتسبت معلومات كثير "جزاكم الله خير "


انا ان شاء الله ناوي اجيب موتوسيكل (بايك) عشان استعمله 5 ايام في الاسبوع .. تقريبا كل يوم 40 كيلو .. عندي كذه استفسار و اتمني انكم تفيدوني


1- ايه نوع الموتوسيكل اللي ينفع للاستخدام بتاعي ؟ و هل يستحمل مشوار 40 كيلو ؟
و في حدود 10 الاف (و ياسلام لو كمن يبقي شكله حلو كمان )
انا سمعت عن بجاج و في ناس بتقول هوندا مستعمل ايه رايكم

2-لو اشتريت من توكيل (غبور و باجاج مثلا) .. بيبقي ليه صيانة في التوكيل. طب غير كده (مستعمل مثلا) كده بشوف ميكانيكي ؟ و اي ميكانيكي عادي ولا فيه ناس للموتوسيكلات ؟

3- موضوع الركنة حيجنني ؟ ايه رايكم ؟
انا قرات ان الناس بتفصل غطا و يركنو جنب العربية .. بس برضه هل كده امان ؟

4- و ده سؤال مهم .. انا عايز اعرف مركز لتعليم السواقة في مدينة نصر ؟
انا شفت كذه فيديو في المنتدي .. بس لما كنت بتعلم سواقة العربية .. كان الفيديوهات مهمة كحاجة اولية .. انما العملي كان اهم


6- انا عارف اني لازم اجيب خوذه و جاكيت و جوانتي (gloves) (مش عارف اسمها بس اللي هي للامان ) في حاجة تاني ؟

7- ايه نظام اللجان .. اقصد يبقي ايه معايا غير الرخصة و الخوذة ؟ (مثلا في العربية حزام الامان - ممنوع الزينون كده يعني )

شكرا جدا .. و اكيد اي معلومة صغيرة حاكون شاكر جدا لو تقولوهالي حتي لو انا مسالتش عليها .

و السلام مسك الختام

[nktis]

حدد اولا حسب ميزانيتك يباني و لا هندي .؟.
طالما مسافه كبيره 40 كيلو يبقي تبعد عن الصيني خالص .

[kareem_EG]

شاكر لحضرتك سرعة الرد .
انا فعلا عايز ابعد عن الصيني .. الميزانية في حدود 10 الاف جنيه (يزيدو او يقلو حاجة بسيطة )
و شكرا للمساعدة

[nktis]

يبقي قدامك بجاج بس زود و هات ال200 ان اس الجديد .

[kareem_EG]

الف شكر لحضرتك .. و ان شاء الله حدور عليه .. بس لسه بدور علي مدرسة للتعليم الاول